[1] رب موسایا ددی: «سن و مئصئر اؤلکه‌سئندن چیخارتدیغین خالق بو یری ترک ادئن؛ ائبراهئمه، ائسحاقا و یعقوبا آند ائچئب ”سنئن نسلئنه اونو وره‌جیم“ ددئیئم تورپاغا گدئن.
[2] قاباغیندا بئر مَلَک گؤندَ‌رئب کَنَعانلی‌لاری، اِمورلولاری، خئتلی‌لری، پِرئزلی‌لری، خئولی‌لری و یِبوسلولاری اورادان قوواجاغام.
[3] سود و بال آخان تورپاغا گدئن. سئز دئکباش خالقسینیز؛ بونا گؤره من آرانیزدا گتمیه‌جیم، یوخسا یولدا سئزی محو اده‌رم.»
[4] خالق بو یامان خبری اشئدنده یاس توتدو. هچ کس بزک تاخمادی.
[5] رب موسایا ددی: «ائسرایئل اؤولادلارینا بله دِه: ”سئز دئکباش خالقسینیز؛ من آرانیزدا بئر آن گِتسَیدئم، سئزی محو اِدَردئم. آمّا ائندی بزکلرئنئزی چیخاردین. من ده بئلئم کی، سئزئنله نه اده‌جیم.“»
[6] بله‌جه خورِب داغینین اَته‌یئنده ائسرایئل اؤولادلاری بزکلرئنی سویوندولار.
[7] موسا چادیری گؤتوروب اونو دوشَرگه‌دن کناردا اوزاقدا قوراردی. موسا اونو حوضور چادیری چاغیردی. رَبله مصلحتله‌شَن هر کس دوشَرگه‌دن کنارداکی حوضور چادیرینا گِدَ‌ردی.
[8] موسا چادیرا طرف چیخدیغی واخت بوتون خالق آیاغا قالخیب دوراردی. هر کس چادیرینین گئرئشئنده گؤزله‌یئب، موسا چادیرا گئره‌نه قدر دالینجا باخاردی.
[9] موسا چادیرا گئرَنده بولود دئره‌یی دوشوب چادیرین گئرئشئنده دوراردی؛ و رب موسا ائله دانیشاردی.
[10] بوتون خالق حوضور چادیرینین گئرئشئنده دوران بولود دئره‌یئنی گؤرَ‌نده، هامی قالخیب اؤز چادیرینین گئرئشئنده سجده اِدَردی.
[11] رب موسا ائله اوز-اوزه دانیشاردی، نجه کی، بئر نفر دوستو ائله دانیشیر. سونرا موسا دوشَرگه‌یه قاییداردی. لاکئن اونون جاوان کؤمکچئسی نون اوغلو یوشَع چادیری ترک اتمزدی.
[12] موسا ربّه ددی: «باخ، سن دیئرسن: ”بو خالقی چیخارت.“؛ منئمله بئرلئکده کئمی گؤندَ‌ره‌جیئنی منه بئلدئرمئرسن. حال‌بوکی سن ددئن: ”سنی آدینلا تانی‌ییرام و گؤزومده لوطف تاپیبسان.“
[13] اگر من سنئن گؤزونده لوطف تاپمیشام، یالواریرام، اؤز یولونو منه بئلدئر کی، سنی تانی‌ییم و گؤزونده لوطف تاپیم. باخ، بو مئلّت سنئن خالقیندیر.»
[14] رب جاواب وردی: «منئم حوضوروم سنئنله گده‌جک. اؤزوم سنه راحاتلیق وره‌جیم.»
[15] موسا ربّه جاواب وردی: «اگر سنئن حوضورون بئزئمله گتمه‌سه، بئزی بورادان گؤندَ‌رمه.
[16] نه ائله بئلک کی، من و سنئن خالقین، سنئن گؤزونده لوطف تاپمیشیق؟ مگر سنئن بئزئمله گتمه‌یئندن دیئل؟ من و سنئن خالقین یر اوزونده اولان هر خالقدان نه ائله فرق ادک؟»
[17] رب موسایا جاواب وردی: «سنئن مندن ائسته‌دئیئن بو شیی اده‌جیم. چونکی گؤزومده لوطف تاپدین و سنی آدینلا تانی‌ییرام.»
[18] موسا ددی: «یالواریرام عئزّتئنی منه گؤرسده‌سن.»
[19] رب ددی: «من بوتون یاخشیلیغیمی سنئن موقابئلئندن کچئرده‌جیم و رب اولان آدیمی قاباغیندا جار چکه‌جیم. کئمه ائسته‌سم، لوطف گؤرسده‌رم، کئمه ائسته‌سم ده، رحم اده‌رم.»
[20] آمّا او داوام وردی: «اوزومو گؤره بئلمزسن، چونکی منی گؤرن آدام صاغ قالماز.»
[21] رب سونرا ددی: «باخ، منئم یانیمدا یر وار، اورادا، بو قایانین اوستونده دور.
[22] عئزّتئم کچنده سنی قایاداکی بئر یاریغا قویاجاغام؛ من کچمه‌یئنجه سنی اَلئمله اؤرته‌جیم.
[23] سونرا الئمی سندن چکه‌جیم و سن منی آرخادان گؤره‌جکسن، لاکئن اوزوم گؤرونمیه‌جک.»