[1] گمی ائله ائتالیایا گتمه‌یئمئز قرار ورئلدئکده، پولوس و بئر نچه اؤزگه محبوسلاری ائمپِراطور فوجونون جولئیوس آدلی بئر یوزباشیسینا تحوئل وردئلر.
[2] آسئیا ایالتئنئن ساحئلئنده‌کی یرلری گزمه‌لی اولان بئر اَدِرمئت گمئسئنه مئنئب، دهنزه چیخدیق. مقدونئیّه‌دن تسالونئکلی اَرئسترخوس دا بئز‌ئمله ائدی.
[3] او گونون صاباحی صئدونا چاتدیق. جولئیوس پولوسا ائلطئفات گؤرسه‌دئب اونا ائجازه وردی کی، دوستلارینین یانینا گتسئن و اونلار بئر آز اونا یتئشسئنلر.
[4] اورادان یولا دوشدوک و کوله‌یئن اوزوموزه طرف اسدئیئندن قئبرئسئن پناهی آلتیندا کچدئک.
[5] دهنزی کئلئکئیا و پامفئلئیه‌نئن ساحئلئندن کچئب لئسئیانین مئرا شهرئنه گلدئک.
[6] اورادا یوز باشی، ائتالیایا گدن بئر ائسکندرئیه گمئسی تاپدی و بئزی اونا مئندئردی.
[7] بئر نچه گون یاواش سورعتله گتدئک و گوجله قنئدوسون یانینا یتئشدئک. یل بئزی یاخین گتمه‌یه قویمادیغیندان، سالمونا طرفئندن کرئته سوردوک.
[8] چتئنلئکله اوندان کچئب «گؤزل بندرلر» دیئلن بئر یره چاتدیق کی، لاسیا شهری بو یره یاخین ائدی.
[9] چوخ واخت کچدئیئنه و اوروج گونو ده باشا چاتدیغینا گؤره، آرتیق دهنزده سفره چیخماغین چوخ خطری وار ائدی. اودور کی، پولوس اونلارا نصئحت ورئب،
[10] ددی: «کئشئلر، گؤرورم کی، دهنزده سفره چیخماق آنجاق یوک و گمی اوچون یوخ، بئزئم حیاتیمیز اوچون ده خطرلی‌‌دئر و چوخ ضرر سببی اولاجاق.»
[11] آمّا یوزباشی پولوسون سؤزوندن چوخ، گمئنئن سوکّانچیسینا و صاحئبئنه اعتئماد ادئردی.
[12] قیشی کچئرتمه‌یه او بندر موناسئب اولمادیغیندان، گمئده‌کئلرئن اکثرئیّتی بو قرارا گلدئلر کی، اورادان چیخیب، بئر نحوله کرئتئن فئنئکس بندرئنه چاتسینلار کی، جنوب-قربه و شئمال-قربه باخیر و قیشی اورادا کچئرتسئنلر.
[13] جنوب یلی یاواشجا اَسمه‌یه باشلادیقدا، آماجلارینا نایئل اولدوقلارینی گومان ادئب، لنگری قالدیردیلار و ساحئله یاخین کرئت ساحئلی بویو یولا دوشدولر.
[14] آمّا چوخ چکمه‌دی کی، قورولوقدان اوراکلئدون آدلانان شئدّتلی بئر کولک اسدی.
[15] گمی کوله‌یه دوشدو و کوله‌یه موقاوئمت گؤرسده بئلمه‌دئیئندن، بئز ده تسلئم اولوب سورونوردوک.
[16] کلودا آدلی کئچئک بئر جزئره‌نئن یاخینلیغیندا، گمئنئن قاییغینی گوجله ساخلایا بئلدئک.
[17] قاییغی یوخاری چکندن سونرا، اسبابلاردان ائستئفاده ادئب، گمئنئن آلتینی باغلادیلار و سئرتئسئن داهازلیغیندا قومسالا اوتورماقدان قورخوب، یِلکَنی اندئردئلر و بله‌جه اؤزلری ده اونونلا سورونوردولر.
[18] او گونون صاباحی حله شئدّتلی کوله‌یئن اسئری ائدئک کی، گمئنئن یوکونو دهنزه آتماغا باشلادیلار.
[19] اوچونجو گون ده اؤز اَللری ائله گمئنئن تجهئزاتینی آتدیلار.
[20] بئر نچه گون، گونش و اولدوزلار گؤرونمه‌دی و بو بؤیوک کولک بئزی اسئر اتدئیئندن، آرتیق خئلاص اولونماغیمیزا بوتون اومئدلر یاواش-یاواش کسئلدی.
[21] چوخدان بری یمکسئز قالدیقلاریندان، پولوس اورتادا دوروب ددی: «کئشئلر، سئز گرک منئم نصئحتئمی قبول ادئب، کرئتدن دهنزه چیخمایدینیز و بو ضرر و زئیانی چکمَیدئنئز.
[22] لاکئن ائندی سئزی تشوئق ادئرم کی، جسارتئنئزی اَلدن ورمه‌یه‌سئنئز. چونکی آرانیزدا هچ بئر تلفات اولمایاجاق، آنجاق گمی الدن گده‌جک.
[23] چونکی اله بو گجه عایید اولدوغوم و اونا خئدمت اتدئیئم تارینین بئر مله‌یی قاباغیمدا دوروب،
[24] ددی: ”قورخما، پولوس! سن گرک قیصرئن حوضوروندا دایاناسان. باخ، تاری، سنئنله گمئده گدنلرئن هامیسینی سنه عطا ادئب.“
[25] اونا گؤره ده، کئشئلر، جسارتئنئزی اَلدن ورمه‌یئن. چونکی تارییا ائنانیرام کی، دقئقن منه دیئلن کئمی اولاجاق.
[26] لاکئن بئر جزئره‌ده قومسالا اوتورماغیمیز لازیمدیر.»
[27] اون دؤردونجو گون گلدئیی واخت، بئز آدِریاتئک دهنزئنده سورولونوردوک کی، گجه یاریسینا یاخین، گمئچئلر قورولوغون یاخینلاشدیغینی حئسّ اتدئلر.
[28] درئنلئیی اؤلچوب اوتوز بش متر اولدوغونو گؤردولر. بئر آز ائره‌لئده گئنه اؤلچوب ائیئرمی بش اولدوغونو گؤردولر.
[29] قایالیقدا قومسالا اوتورماق قورخوسوندان گمئنئن آخیریندان دؤرد لنگر آتیب، سحرئن آچیلماسینی آرزولادیلار.
[30] گمئچئلر گمئدن قاچماغا چالیشدیلار و گمئنئن قاباق طرفئندن لنگرلری آتماغی بهانه ادئب، قاییغی دهنزه اندئردئلر.
[31] پولوس یوزباشی و عسگرلره ددی: «اگر بونلار گمئده قالماسالار، سئز خئلاص اولا بئلمزسئنئز.»
[32] او واخت عسگرلر قاییغین ائپلرئنی کسئب قاییغی دهنزه سالدیلار.
[33] سحر عنقرئب آچیلاجاق ائدی کی، پولوس هامینی یمک یمه‌یه تشوئق ادئب ددی: «آرتیق اون دؤرد گوندور کی، آج قارین گودوبسونوز و بئر شی یمه‌یئبسئنئز.
[34] بونا گؤره سئزی تشوئق ادئرم کی، یمک یئیه‌سئنئز؛ بو، قویماز کی، قووّتئنئزی اَلدن وره‌سئنئز، چونکی هچ بئرئنئزئن باشیندان بئر توک بله محو اولمایاجاق.»
[35] بونو دئیندن سونرا چؤرک گؤتوروب، هامینین گؤزو قاباغیندا تارییا شوکور اتدی و اونو بؤلوب یمه‌یه باشلادی.
[36] اونلارین هامیسی اورَکله‌نئب، اونلار دا یمک یدئلر.
[37] گمئده هامیمیز ائکی یوز یتمئش آلتی نفر ائدئک.
[38] اونلار یمکدن دویاندان سونرا، بوغدانی دهنزه آتیب، گمئنی یونگوللَشدئردئلر.
[39] سحر آچیلدیقدا قورولوغو تانییا بئلمه‌دئلر؛ آنجاق قوملو ساحئلی اولان بئر جزئره گؤردولر و قرار وردئلر کی، اگر مومکون اولسا، گمئنی اورایا سالسینلار.
[40] لنگرلری کسئب دهنزه بوراخدیلار و همن آندا سوکّانین ائپلرئنی آچدیلار. سونرا قاباق یلکَنی یل سمتئنه قالدیردیلار و ساحئل طرفئنی توتوب گتدئلر.
[41] آمّا ائکی دهنزئن بئربئرئنه بئرلَشدئیی یرده قورولوغا دیئب، قومسالا اوتوردولار. گمئنئن قاباق طرفی قوما باتیب حرکتسئز قالدی، لاکئن دال طرفی شپه‌لرئن گوجوندن سینماغا باشلادی.
[42] عسگرلر قصد اتمئشدئلر کی، محبوسلارین هامیسینی اؤلدورسونلر، اِله کی، هچ بئرئسی اوزوب قاچا بئلمه‌سئن.
[43] آمّا یوزباشی پولوسون سالامات قالماسینی ائسته‌یئردی. بونا گؤره ده اونلارین قصدئنه مانع اولدو و امر اتدی کی، اوّل اوزه بئلنلر گمئدن آتیلیب قورولوغا چاتسینلار.
[44] و قالانلاری دا بعضئلری تاختالار اوستونده، بعضئلری ده گمئنئن آیری پارچالاری اوستونده قورولوغا چیخسین. بله‌جه هامی سالامات قورولوغا چیخدی.