[1] پولوس دِربه و لئستره‌یه گلدی. اورادا تئموتاعوس آدلی بئر شاگئرد وار ائدی؛ ائمانلی بئر یهودی آروادین اوغلو ائدی، لاکئن آتاسی یونانی ائدی.
[2] لئستره و ائقونئیه‌ده اولان قارداشلار اونون حاقّیندا یاخشی سؤزلر دیئردئلر.
[3] پولوس ائسته‌دی کی، بو کئشی اونونلا گتسئن و او یرلرده یاشایان یهودئلرئن خاطئرئنه اونو ختنه اتدی؛ چونکی آتاسینین یونانی اولدوغونو هامی بئلئردی.
[4] شهرلردن کچرکن، اورشلئمده‌کی حوارئلر و آغساقّاللارین قرارا آلمیش قایدالارینی تقدئم ادئردئلر کی، اونلاری رئعایت اتسئنلر.
[5] بله‌جه کئلئسالار ائماندا قووّت تاپیب، ساییدا گون به‌گون چوخالیردیلار.
[6] موقدّس روح اونلارا ائجازه ورمه‌دی کی، آسئیا ایالتئنده کلامی دانیشسینلار، اونا گؤره ده فئرئجئیه و قالاتئیا اؤلکه‌سئندن کچدئلر.
[7] مئسیایا چاتدیقدا، بئتئنئیایا گتمه‌یه چالیشدیلار، لاکئن عئسانین روحو اونلارا ائجازه ورمه‌دی.
[8] مئسیادان کچئب تروآسا اندئلر.
[9] گجه پولوس بئر رؤیا گؤردو؛ مقدونئیّه‌لی بئر آدام اونون قاباغیندا دوردو و اونا یالواریب دیئردی: «مقدونئیّه‌یه گل و بئزه کؤمک ات!»
[10] پولوسون بو رؤیاسیندان سونرا، فورَن جهد اتدئک کی، مقدونئیّه‌یه گدک، چونکی بله حساب اتدئک کی، رب بئزی ائنجئلئن خوش خبرئنی اونلارا دا موژده ورمک اوچون چاغیریب.
[11] دهنز یولو ائله تِروآسدان چیخیب، دوز ساموتراکئیایا و صاباحیسی دا نئیاپولئسه گلدئک.
[12] اورادان دا فئلئپئیه‌یه گلدئک کی، مقدونئیّه ایالتئنئن باش شهرلرئندن بئری و روم موستملکه‌سی‌دئر. و بو شهرده بئر نچه گون قالدیق.
[13] سبّت گونو شهردن چیخیب بئر چای کنارینا گلدئک و گومان ادئردئک کی، اورادا عئبادت اوچون بئر یر اولاجاق. و اوتوروب اورایا ییغیلمیش آروادلارلا دانیشماغا باشلادیق.
[14] تئیاتئرا شهرئندن لئدئیه آدلی ارغوان قوماش ساتان بئر آرواد بئزه قولاق آسیردی. لئدئیه تارینی پرستئش ادن بئری ائدی. رب اونون اوره‌یئنی آچدی کی، پولوسون دانیشدیقلارینی قبول اتسئن.
[15] و عایئله‌سی‌ائله برابر تعمئد آلاندان سونرا بئزه یالواریب ددی: «اگر منی ربّه ائمانلی ساییبسینیز، اِوئمه گلئن و اورادا قالین.» و بئزه چوخ ائصرار اتدی.
[16] بئر واخت بئز دوعا ادئلن یره گدرکن، ائچئنده فالچیلیق روحو اولان بئر کنئز بئزه راست گلدی کی، فالچیلیق اتمکله آغالارینا چوخ قازانج گتئرئردی.
[17] قیز پولوس و بئزئم دالیمیزا دوشدو و قیشقیریب دیئردی: «بو آداملار تاعالا تارینین قوللاری‌دیرلار کی، سئزه نئجات یولونو اعلان ادئرلر.»
[18] و بئر چوخ گونلر بونو تکرار اتدی. لاکئن پولوس چوخ ناراحات اولدو و دؤنوب او روحا ددی: «عئسا مسئحئن آدیندا سنه امر ادئرم کی، اوندان اشئیه چیخاسان!» و روح او آندا اشئیه چیخدی.
[19] آمّا کنئزئن آغالاری، قازانج اومئدئنئن کسئلدئیئنی گؤرَ‌نده، پولوس و سئلاسی توتوب، میدانا، حاکئملرئن یانینا گتئردئلر.
[20] و باش حاکئملرئن یانینا آپاراندان سونرا، ددئلر: «بو آداملار یهودی‌دئرلر و شهرئمئزه ائغتئشاش سالیرلار.
[21] و بئز روملولارا اله عادتلری اعلان ادئرلر کی، اونلاری نه قبول اتمک، نه ده عمل اله‌مک بئزه جائزدئر.»
[22] خالق دا اونلارین ضئدّئنه قالخدی و باش حاکئملر امر اتدئلر کی، اونلارین پالتارلارینی اَیئنلرئندن ییرتیب، دینکله دؤیسونلر.
[23] و اونلارا چوخ ضربه ووراندان سونرا، زئندانا آتیب زئندانبانا امر وردئلر کی، اونلاری دئقّتله گودسون.
[24] او دا، بله بئر امری آلدیغیندان، اونلاری زئندانین ائچه‌ری بؤلمه‌سئنه آتیب، آیاقلارینی کونده‌یه ووردو.
[25] لاکئن گجه یاریسینا یاخین پولوس و سئلاس دوعا ادئب، تارییا حمد نغمه‌لری اوخویوردولار. محبوسلار دا اونلارا قولاق آسیردیلار.
[26] بئردن اله بؤیوک بئر زلزله اولدو کی، زئندانین بونؤوره‌لری اسئردی. او آندا بوتون قاپیلار آچیلدی و هامینین زنجئرلری تؤکولدو.
[27] زئندانبان اویانیب، زئندانین قاپیلارینی آچیلمیش گؤرَ‌نده قیلینجینی چکدی و محبوسلاری قاچمیش گومان ادئب ائسته‌دی کی، اؤزونو اؤلدورسون.
[28] لاکئن پولوس اوجا سسله قیشقیریب ددی: «اؤزونه هچ بئر زئیان یتئرمه، چونکی بئز هامیمیز بوراداییق.»
[29] زئندانبان ائشیق ائسته‌یئب تله‌سئک ائچه‌ری گئردی. قورخودان لرزه‌یه دوشوب، پولوس و سئلاسین قاباغیندا یره دوشدو.
[30] و اونلاری اشئیه چیخاردیب ددی: «آغالار! نئجات تاپماق اوچون نه اِتمه‌لی‌یم؟»
[31] اونلار دا ددئلر: «رب عئسایا ائمان گتئر، نئجات تاپارسان؛ سن و اِوئن اهلی!»
[32] و ربّئن سؤزونو اونا و اِوئنده‌کئلرئن هامیسینا دانیشدیلار.
[33] زئندانبان، گجه‌نئن همن ساعاتیندا اونلاری گؤتوروب یارالارینی یودو و بوتون اِوئنده‌کئلر‌له برابر فورَن تعمئد آلدی.
[34] و اونلاری اؤز اِوئنه گتئرئب سوفره سالدی و تارییا ائمان گتئردئیئندن، بوتون اِو اهلی ائله شادلیق اتدئلر.
[35] سحر آچیلاندا، باش حاکئملر موحافئظلرئنی گؤندَردئلر کی، دسئنلر: «او آداملاری آزاد ات.»
[36] زئندانبان بو سؤزلری پولوسا خبر ورئب ددی: «باش حاکئملر آدام گؤندَ‌رئبلر کی، سئزی آزاد اتسئنلر. بونا گؤره، ائندی چیخین و سالامات گدئن.»
[37] آمّا پولوس اونلارا ددی: «روم وطنداشلاری اولدوغوموز حالدا، بئزی موحاکئمه اتمه‌دن بوتون خالقین قاباغیندا دؤیوب زئندانا آتیبلار؛ ائندی ده مگر بئزی گئزلئجه بوراخماق ائسته‌یئرلر؟! یوخ، اولماز! قوی اؤزلری گلئب بئزی اشئیه چیخارتسینلار.»
[38] موحافئظلر بو سؤزلری باش حاکئملره خبر وردئلر. اونلارین روم وطنداشلاری اولدوغونو اشئدنده قورخدولار
[39] و گلئب اونلارا یالواردیلار و اشئیه چیخارداندان سونرا، اونلارا ائلتئماس اتدئلر کی، شهری ترک اتسئنلر.
[40] اونلار دا زئنداندان چیخدیقدا، لئدئیه‌نئن اِوئنه گتدئلر و قارداشلاری گؤروب اونلاری تشوئق اتدئلر و یولا دوشدولر.