[1] پنطئکاست گونو گلنده، اونلارین هامیسی بئرلئک ائچئنده بئر یرده ائدئلر.
[2] قفلتن گوجلو بئر یل اَسن کئمی، گؤیدن بئر سس گلدی و اوتوردوقلاری اِوئن هر یانینی دولدوردو.
[3] و اوددان اونلارا دئللره بنزه‌ر بئر شیلر گؤروندو کی، اؤزلرئنی بؤلوب اونلارین هر بئرئسئنئن اوستونه قوندو.
[4] و اونلارین هامیسی موقدّس روحلا دولوب، روحون اونلاری دانیشدیردیغی باشقا دئللرده دانیشماغا باشلادیلار.
[5] بو زامان، دئندار یهودئلر گؤیون آلتیندا اولان هر مئلّتدن اورشلئمده یاشاییردیلار.
[6] و بو سَس باش ورن زامان، جاماعات بئر یره ییغیلیب حیران قالدیلار؛ چونکی هر بئری اونلارین اونون دئلئنده دانیشدیقلارینی اشئدئردی.
[7] اونلار مات قالیب حیرت ائچئنده ائدئلر و بئربئرلرئنه دیئردئلر: «باخ، مگر بو دانیشانلارین هامیسی جلئل‌لی دیئل؟!
[8] بس نجه‌دئر کی، اؤز آنا دئلئمئزی اشئدئرئک؟!
[9] بئز پارتلی‌لار، مادلی‌لار، عِیلاملی‌لار، مِسوپوتامئیادا، یهودئیه‌ده، کاپادوسئیادا، پونطوس و آسئیادا
[10] فئرئجئیه و پامفئلئیه‌ده، مئصئرده، لئبیانین کرِنیا بؤلگه‌سئنده یاشایانلار، رومدان گلن قرئبلر،
[11] هم یهودئلر، هم ده یهود دئنئنه دؤنَن‌لر، کرئتلی‌لر و عرب‌لر، اونلارین اؤز دئللرئمئزده دانیشماقلارینی اشئدئرئک کی، تارینین قووّتلی ائشلری حاقّیندا دانیشیرلار.»
[12] و اونلارین هامیسی مات قالیب، بؤیوک حیرت ائچئنده بئربئرلرئنه دیئردئلر: «بو نه اولا بئلر؟»
[13] لاکئن اؤزگه‌لر اَله سالیب دیئردئلر: «تزه شرابین چوخ ائچدئکلرئندن کفلئدئرلر.»
[14] آمّا پطروس او «اون بئر» نفرله دوردو و سَسئنی اوجالدیب اونلارا خئطاب اتدی: «ای یهودئلر، و سئز ای بوتون اورشلئمده یاشایانلار! بو سئزه معلوم اولسون و سؤزلرئمه قولاق آسین.
[15] بو آداملار سئزئن گومان اتدئیئنئز کئمی کفلی دیئللر، چونکی ائندی گوندوزون اوچونجو ساعاتی‌دیر.
[16] لاکئن بو، یوئل پیغمبرئن واسئطهسیائله دیئلمئش سؤزدور:
[17] ”تاری دیئر: بله اولاجاق کی، آخیر گونلرده روحومدان بوتون بشر اوستونه تؤکه‌جه‌یم؛ اوغوللارینیز و قیزلارینیز نبئلئک اده‌جکلر، جاوانلارینیز رؤیالار، قوجالارینیز دا یوخولار گؤره‌جکلر؛
[18] او گونلرده حتّا قوللاریمین و کنئزلرئمئن اوستونه ده روحومدان تؤکه‌جه‌یم و اونلار نبئلئک اده‌جکلر.
[19] یوخاریدا، گؤیده بؤیوک عجایئبلر، و آشاغی دا، یر اوزونده علامتلر گؤرسده‌جه‌یم؛ قان، اود و توستو دومانی.
[20] ربّئن او بؤیوک و شؤوکتلی گونو گلمه‌دن گون قارانلیغا، آی دا قانا دؤنه‌جک.
[21] و اله اولاجاق کی، هر کئم ربّئن آدینی ذئکر اتسه، نئجات تاپاجاقدیر.“
[22] ای ائسرایئل‌لی‌لر، بو سؤزلری اشئدئن: نجه کی، اؤزونوز ده بئلئرسئنئز، ناصئره‌لی عئسا کی، تاری اونون واسئطهسیائله آرانیزدا یاراتدیغی مؤجوزه‌لر، عجایئبلر و علامتلرله اونو تصدئق اتدی،
[23] بو آدام، تارینین موعیّن ادئلمئش مقصدئنه و قاباقجادان بئلن علمئنه گؤره سئزه تسلئم ادئلدی و سئز شرئعتسئز آداملارین اَلی ائله اونو چارمیخا میخلاییب، اؤلدوردونوز.
[24] و تاری اونو تزه‌دن دئرئلتدی و اؤلوم عذابلارینی باشا گتئردی؛ چونکی مومکون دیئلدی کی، اؤلوم اونو توتا بئلسئن.
[25] اونا گؤره کی، داوود اونون حاقّیندا دیئر: ربّی دائم گؤزومون قاباغیندا قویموشام؛ چونکی او، منئم صاغیمدادیر کی، اَسمه‌یئم.
[26] اونون اوچون ده، اوره‌یئم سوئنئردی، دئلئم ده شادلیق ادئردی؛ حتّا بدنئم ده اومئد ائچئنده ساکئن اولاجاق.
[27] چونکی سن، جانیمی اؤلولر دئیارینا بوراخمازسان، موقدّسئنی ده چورومه‌یه قویمازسان.
[28] حیات یوللارینی منه بئلدئرئبسن؛ اؤز حوضورونلا سن منی شادلیقلا دولدورارسان.
[29] ای قارداشلار، سئزه بؤیوک آتامیز داوودون حاقّیندا آچیقجا دئیه‌بئلرم کی، هم اؤلدو، هم ده باسدیریلدی و قبئری بو گونه قدر آرامیزدادیر.
[30] بله‌جه پیغمبر اولدوغونا گؤره، بئلئردی کی، تاری اونا آند ائچئب کی، جئسمه گؤره اونون نسلئندن بئرئنی، اونون تختئنده اوتورداجاق.
[31] او گله‌جه‌یی گؤروب مسئحئن دئرئلمه‌سئندن دانیشدی کی، او نه اؤلولر دئیاریندا ترک اِدئلدی، نه ده بدنی چورودو.
[32] بو عئسانی، تاری تزه‌دن دئرئلتدی کی، بئز هامیمیز اونون شاهئدلرئیئک.
[33] بله‌جه، تارینین صاغ طرفئنه اوجالدیلیب، وعده ورئلمئش موقدّس روحو آتادان آلدی و ائندی، گؤردویونوز و اشئتدئیئنئز کئمی، بو روحو اوستوموزه تؤکوب.
[34] چونکی گؤیلره قالخان، داوود دیئلدی، آمّا او اؤزو بله دیئر: ”رب منئم ربّئمه ددی: منئم صاغیمدا اوتور،
[35] او زاماناجاق کی، دوشمنلرئنی سنئن آیاقلارینین آلتینا کتئل ادئم.“
[36] بونا گؤره ده، بوتون ائسرایئل خالقی بونو آرخایین بئلسئن کی، چارمیخا چکدئیئنئز بو عئسانی تاری هم رب، هم ده مسئح ادئب.»
[37] اونلار بونو اشئدن زامان، اورَکلرئنه اِله بئل اوخ باتدی و پطروس و او بئری حوارئلره ددئلر: «قارداشلار، بس بئز نه ادک؟»
[38] پطروس اونلارا ددی: «تؤوبه ادئن و گوناهلارینیزین باغیشلانماسی اوچون هر بئرئنئز عئسا مسئحئن آدی ائله تعمئد آلین؛ و موقدّس روحون عطاسینی آلاجاقسینیز.
[39] چونکی بو وعده سئزه‌دئر، اوشاقلارینیزادیر، بوتون اوزاقدا اولانلارادیر، و تاریمیز ربّئن چاغیراجاغی نه قدر آدام وارسا، اونلاریندیر.»
[40] و داها چوخ سؤزلرله اونلارا شهادت وردی و تشوئق ادئب ددی: «بو اَیری نسئلدن اؤزونوزو قورتارین.»
[41] و سونرا، اونون سؤزونو قبول اِدَنلر تعمئد آلدیلار. و او گون اوچ مئنه یاخین آدام اونلارا قوشولدو.
[42] اونلار اؤزلرئنی حوارئلرئن تعلئم و رفاقتئنه، چؤرک بؤلمک و دوعایا وقف اتمئشدئلر.
[43] هر آدامین جانینا قورخو دوشموشدو. و حوارئلرئن واسئطهسیائله چوخ عجایئبلر و علامتلر باش ورئردی.
[44] بوتون ائمان گتئرنلر بئر یرده ائدئلر و بوتون شیلری موشترک ائدی.
[45] ماللار و مولکلرئنی ساتیب هر کسه احتئاجینا گؤره پایلاییردیلار.
[46] هر گون بئرلئکده معبده گتمکده داوام ادئردئلر، اِودن اِوه چؤرک بؤلوب، شادلیق و صاف اورَکله بئرلئکده یمک ییئردئلر.
[47] تارییا حمد ادئردئلر و بوتون خالق یانیندا عزئز ائدئلر. رب ده نئجات تاپانلارلا گون‌به‌گون اونلارین سایینی آرتیریردی.