[1] «قارداشلار و آتالار، ائندی سئزه وره‌جه‌یئم مودافئعه‌نی اشئدئن.»
[2] اونلار اونون عئبرانی دئلئنده اونلارا خئطاب اتدئیئنی اشئدنده، داها آرتیق ساکئت اولدولار. پولوس داوام اتدی:
[3] «من کئلئکئیانین طرسوس شهرئنده آنادان اولموش بئر یهودئیم، لاکئن بو شهرده، غَمالایئلئن آیاقلاری آلتیندا، اجدالاریمیزین شرئعتئنه گؤره جئدّی بئر شکئلده بؤیوموشم و تارییا قیرتلی بئر آدام ائدئم دا، نجه کی، بو گون سئز هامینیزسینیز.
[4] من بو ”طرئقت“ اهلئنه اؤلوم درجه‌سئنه کئمی عذاب ورئب، کئشئلر و آروادلاری باغلاییب زئندانا سالاردیم.
[5] نجه کی، باش کاهئن و شورانین بوتون آغساقّاللاری بونو تصدئق اده بئلرلر. حتّا اونلاردان قارداشلارا مکتوبلار آلدیم و و دمشقه طرف یولا دوشدوم کی، اورادا اولانلاری دا توتوب اورشلئمه گتئرئم کی، جزالارینی آلسینلار.
[6] گون اورتاچاغی یولدا گدنده، دمشقه یاخین، قفلتن گؤیدن بؤیوک بئر ائشیق بوتون اطرافیمی ائشیقلاندیردی.
[7] یره ییخیلدیم و بئر سس اشئتدئم کی، منه دیئر: ”شاعول، شاعول، نه اوچون منه عذاب ورئرسن؟!“
[8] جاواب وردئم: ”سن کئمسن، یارب؟“ او دا منه ددی: ”من عذاب وردئیئن ناصئره‌لی عئسایام.“
[9] منئمله اولانلار یقئن کی، ائشیغی گؤردولر، لاکئن منئمله دانیشانین سسئنی آنلامادیلار.
[10] ددئم: ”یارب، من نه اتمه‌لئیم؟“ و رب منه ددی: ”دور و دمشقه گت. اتمه‌یئن اوچون بوتون تعیئن اولونانلار، اورادا سنه دیئله‌جک.“
[11] او ائشیغین جلاسیندان کور اولدوغوما گؤره، یانیمدا اولانلار اللرئمدن توتوب دمشقه گتئردئلر.
[12] شرئعتی رئعایت ادن حنانئیا آدلی بئر آدام کی، اورادا یاشایان بوتون یهودئلر آراسیندا اعتئبارلی ائدی،
[13] یانیما گلدی و دایانیب ددی: ”شاعول قارداش، گؤزلرئن گؤرسون!“ من ده اِله او آندا اونا باخدیم.
[14] او منه ددی: ”آتالاریمیزین تاریسی سنی تعیئن ادئب کی، اونون ائراده‌سئنی بئله‌سن و او صالح اولانی گؤره‌سن و آغزیندان کلام اشئده‌سن.
[15] چونکی سن بوتون آداملارا، گؤردویون و اشئتدئکلرئن باره‌ده اونون شاهئدی اولاجاقسان.
[16] ائندی نه اوچون یوبادیرسان؟ قالخ، تعمئد آل و اونون آدینی چاغیریب اؤز گوناهلارینی یو.“
[17] اورشلئمه قاییدیب معبدده دوعا اتدئیئم زامان، بئر وجد حالینا دوشدوم
[18] و ربّی گؤردوم کی، منه دیئر: ”تَلَس! تز اورشلئمدن چیخ، چونکی سنئن منئم حاقّیمداکی شهادتئنی قبول اتمه‌یه‌جکلر.“
[19] ددئم: ”یارب، اونلار اؤزلری ده بئلئرلر کی، من کنئسه‌دن کنئسه‌یه گدئب سنه ائمان گتئرنلری حبس اِدئب دؤیَردئم.
[20] و سنئن شاهئدئن استئفانین قانی تؤکولدویو زامان، من ده اورادا بونو تصدئق ادئب دورموشدوم و اونو اؤلدورنلرئن عبالارینی ساخلاییردیم.“
[21] رب منه ددی: ”گت، من سنی اوزاغا، قیری‌‌‌یهودئلرئن یانینا گؤندَ‌ره‌جه‌یم.“»
[22] پولوسا بو سؤزه قدر قولاق آسدیلار و سونرا قیشقیر-باغیر سالیب ددئلر: «بله بئر آدامی یر اوزوندن محو ات، چونکی او یاشامالی دیئل.»
[23] اونلار باغیریب، عبالارینی آتدیلار. هاوایا توز سووورماقدا ائکن،
[24] مئن‌باشی امر اتدی کی، پولوسو قالایا آپارسینلار و دیئردی کی، پولوس قامچی ائله ائستئنطاق اولونسون کی، گؤرسون اونون حاقّیندا بله قیشقیرمالارین سببی نه‌دئر.
[25] آمّا اونو قاییشلارلا باغلادیقلاری زامان، پولوس یانیندا دوران یوزباشییا ددی: «آیا ائختئیارینیز وار کی، بئر روم وطنداشینی هم ده محکوم ادئلمه‌مئش بئر آدامی قامچیلانماغا وره‌سئنئز؟»
[26] بونو اشئدن زامان یوز‌باشی مئن‌باشینین یانینا گدئب اونا ددی: «نه ادئرسن؟! بو آدام روم وطنداشی‌دیر.»
[27] مئن‌باشی پولوسون یانینا گلئب اونا ددی: «دِه گؤروم سن روم وطنداشی‌سان؟» او دا ددی: «بلی.»
[28] مئن باشی جاواب ورئب ددی: «من چوخلو پول گوجو ائله بو وطنداشلیغی آلمیشام.» پولوس ددی: «آمّا من وطنداش آنادان اولموشام.»
[29] اونو ائستئنطاق اتمک ائسته‌ینلر تزلئکله دالی چکئلدئلر؛ مئن‌باشی دا اونون روم وطنداشی اولدوغونو بئلدئکده قورخدو، چونکی اونو باغلاتدیرمیشدی.
[30] آمّا او گونون صاباحی، بو مقصدله کی، یهودئلرئن اونو نه‌یه موتّهئم اتدئکلرئنی دقئق بئلسئن، پولوسو حبسدن چیخاردیب، امر وردی کی، بؤیوک کاهئنلر و بوتون شورا بئر یره ییغیلسین و پولوسو آشاغی اندئرئب، اونلارین حوضورونا قویدو.