[1] سولیمان بورونجدن بئر قوربانگاه تئکدی. اونون اوزونلوغو و اِنی ائیئرمی قول‌آچ، بویو دا اون قول‌آچ ائدی.
[2] او، تؤکولموش بورونجدن دایره شکلئنده بئر حوووض دوزَلتدی. بو قیراغیندان او بئری قیراغینا قدر اون قول‌آچ ائدی. اونون درئنلئیی بش قول‌آچ ائدی و اوتوز قولاچلیق بئر ائپ ده اونون اطرافینا دولانمیشدی.
[3] آلتینین هر طرفئندن اونو اؤکوزون تصوئرلری اَحاطه ادئردی. هر قول‌آچدا اون اؤکوز وار ائدی. اؤکوزلر ائکی ردئف ائدئلر و اونلار حوووضلا بئرلئکده تؤکولموشدولر.
[4] حوووض اون ائکی تؤکمه اؤکوزون اوستونده دوروردو: اوچو شئمالا، اوچو قربه، اوچو جنوبا، اوچو ده شرقه باخیردی. حوووض یوخاریدا، اونلارین اوستونده ائدی و اؤکوزلرئن بوتون آرخا حئصّه‌لری ائچه‌رئیه طرف ائدی.
[5] حوووضون قالینلیغی دؤرد بارماق قالینلیغیندا ائدی. اونون کناری، کاسا کناری کئمی دوزَ‌لدئلمئشدی و آچیلان زانباغا بَنزه‌یئردی. او، اوچ مئن بَت سو توتوردو.
[6] سولیمان اون لَیَن دوزَلتدی، اونلاردا یوماق اوچون بِشئنی معبدئن صاغ طرفئنه، بِشئنی ده سول طرفئنه قویدو. یاندیرما قوربانی اولاجاق شیلری اونلارین ائچئنده یویاردیلار. آنجاق حوووض کاهئنلرئن یویونماسی اوچون ائدی.
[7] او، نقشه‌سئنه گؤره اون قیزیل چیراقدان دوزَلتدی، و اونلاری معبدده، بِشئنی صاغدا، بِشئنی ده سولدا قویدو.
[8] اون مئز دوزَلتدی، اونلاری معبدده، بِشئنی صاغدا، بِشئنی ده سولدا قویدو. قیزیلدان یوز لَیَنچه ده دوزَلتدی.
[9] سونرا کاهئنلر حَیَطئنی، بؤیوک حَیَطی، حَیَطئن قاپیلارینی دوزَلتدی و اونلارین قاپیلارینی بورونجله اؤرتدو.
[10] حوووضو معبدئن ساغیندا، جنوب-شرق کونجونده یِرلَشدئردی.
[11] خورام قازانلاری، کورَکلری و لَیَنچه‌لری ده دوزَلتدی. بله‌جه خورام تارینین معبدی اوچون سولیمان پادشاهین امری ائله بو ائشلری گؤروب قورتاردی:
[12] ائکی سوتون؛ سوتونلارین اوستونده ائکی مودوّر باشلیق؛ ائکی حؤرمه تور کی، سوتونلارین اوستونده‌کی باشلیقلاری اؤرتسونلر؛
[13] ائکی حؤرمه تور اوچون دؤرد یوز نار تصوئری کی، سوتونلارین اوستونده اولان مودوّر باشلیقلاری اؤرتسونلر.
[14] پایالار؛ پایالارین اوستونده اون لَیَن؛
[15] حوووض؛ حوووضون آلتیندا اون ائکی تؤکمه اؤکوز؛
[16] خَکَندازلار، کورَکلر و بؤیوک چَنگل‌لر و اونلارین بوتون لوازئماتی. بوتون بو اشیالاری خورام-آبی ربّئن معبدی اوچون پادشاه سولیمانین امری ائله جئلالانمیش بورونجدن دوزَلتمئشدی.
[17] پادشاه بونلاری اوردون چایینین کنارینداکی اووادا، سوکّوتلا صِرِداتا آراسینداکی گئل‌لی تورپاقلاردا تؤکموشدو.
[18] سولیمان بو اشیالارین هامیسیندان لاپ چوخ دوزَلتدی و اونلارا ائشله‌دئلَن بورونجون چکئسی موعَیّن اولا بئلمئردی.
[19] سولیمان تارینین معبدئنده‌کی بوتون اشیالاری دوزَلتدی: قیزیل قوربانگاه؛ تقدئس چؤرکلری قویولان مئزلر؛
[20] قایدایا گؤره ائچ اوتاغین قاباغیندا یاندیرماق اوچون خالئص قیزیلدان چیراقدانلار و اونلارین چیراقلاری؛
[21] خالئص قیزیلدان اولان قؤنچه‌لر، چیراقلار و ماشالار؛
[22] خالئص قیزیلدان پئلته ماشالاری، لَیَنچه‌لر، قاشیقلار، و بوخوردانلار؛ معبدئن قاپیلاری، یعنی لاپ موقدّس یره آچیلان ائچه‌ری قاپی تایلاری و معبدئن بؤیوک اوتاغینین قاپی تایلاری.