[1] یوتام، پادشاه اولدوغو واخت، ائیئرمی بش یاشیندا ائدی و اورشلئمده اون آلتی ائل پادشاهلیق اتدی. آناسی صادوقون قیزی یِروشا ائدی.
[2] یوتام آتاسی عوزّئیانین اتدئیی کئمی، ربّئن گؤزونده دوغرو اولان ائشلر اتدی، آمّا ربّئن معبدئنه گئرمه‌دی. خالق حله ده فساد ائشله‌دئردی.
[3] او، ربّئن معبدئنئن یوخاری دروازاسینی دوزَلتدی، عوفِل دوواریندا چوخ تعمئرات اتدی.
[4] یهودانین داغلیق بؤلگه‌سئنده شهرلر، مِشه‌لرده ده قالالار و بورجلر تئکدی.
[5] یوتام عَمّونلولار پادشاهینین ضئدّئنه ووروشدو و اونلاری مغلوب اتدی. عَمّونلولار اونا او ائل یوز تالانت گوموش و اون مئن کور بوغدا، اون مئن کور آرپا وردئلر. ائکئنجی و اوچونجو ائل ده عَمّونلولار اونا بو قدر وردئلر.
[6] یوتام قووّتلَندی، چونکی تاریسی ربّئن حوضوروندا اؤز یوللارینی دوزَلتمئشدی.
[7] یوتامین قالان ائشلری، بوتون دؤیوشلری و عمل‌لری باره‌ده ائسرایئل و یهودا پادشاهلارینین کئتابیندا یازیلیبدیر.
[8] او، پادشاه اولدوغو واخت، ائیئرمی بش یاشیندا ائدی و اورشلئمده اون آلتی ائل پادشاهلیق اتدی.
[9] یوتام اؤلوب آتالاری ائله یاتدی و اونو داوودون شهرئنده باسدیردیلار. اونون یرئنه اوغلو آخاز پادشاه اولدو.