[1] آسانین یرئنه اوغلو یِهوشافاط پادشاه اولدو و ائسرایئلئن ضئدّئنه اؤزونو مؤحکملَندئردی.
[2] یهودانین بوتون قالالی شهرلرئنه قوشون قویدو و یهودا تورپاغینا و آتاسی آسانین آلدیغی اِفرایئم شهرلرئنه حربی دسته‌لر یِرلَشدئردی.
[3] رب یِهوشافاطلا ائدی، چونکی آتاسی داوودون باشلانیشداکی یوللاری ائله گتدی و بَعَل بوتلرئنی یوخ،
[4] آتاسینین تاریسینی آختاردی و اونون امرلری ائله گتدی. او ائسرایئلئن اتدئیی کئمی اتمه‌دی.
[5] رب پادشاهلیغی اونون اَلئنده مؤحکملَندئردی و بوتون یهودالی‌لار یِهوشافاطا خراج گتئردئلر. اونون بول ثروت و احتئشامی وار ائدی.
[6] ربّئن یوللاریندا فخر ادئردی و گئنه پرستئشگاهلاری و اَشِرا بوتلرئنی یهودادان گؤتوردو.
[7] پادشاهلیغینین اوچونجو ائلئنده سرکرده‌لری بِنخه‌یئل، عوبَدیا، زِکَرئیّا، نِته‌نِل و مئکایانی گؤندَ‌ردی کی، یهودا شهرلرئنده خالقا تعلئم ورسئنلر.
[8] اونلارلا برابر لاوئلی‌لر: شِمَعیا، نِتَنیا، زِبَدیا، عَساهِل، شِمئراموت، یِهوناتان، اَدونئیا، طوبئیا، توب‌اَدونئیا و اونلارلا بئرلئکده کاهئنلر: الئشاماع و یِهورامی دا گؤندَ‌ردی.
[9] اونلار یهودادا خالقا تعلئم وردئلر. یانلاریندا ربّئن شرئعت کئتابی وار ائدی. اونلار یهودانین بوتون شهرلرئنی دولاندیلار و خالقا تعلئم وردئلر.
[10] ربّئن قورخوسو یهودانین اطرافیندا اولان بوتون اؤلکه‌لرئن پادشاهلیقلاری اوستونه دوشدو و یِهوشافاطین ضئدّئنه موحارئبه اتمه‌دئلر.
[11] فئلئسطلی‌لردن بعضئسی یِهوشافاطا هدئیّه و خراج اولاراق گوموش گتئردئلر. عربلر ده اونا سورولر-یدّی مئن یدّی یوز قوچ و یدّی مئن یدّی یوز اِرکَک کچی گتئردئلر.
[12] یِهوشافاط گت-گده عظمت قازاندی. یهودادا قالالار و آنبار شهرلری تئکدی.
[13] یهودا شهرلرئنده چوخلو آذوقه وار ائدی، اورشلئمده ده ائگئد دؤیوشچولر.
[14] نسئل‌لرئنه گؤره اونلارین سئیاهیسی بو ائدی: یهودادان مئن‌باشی‌لار: باشچی اَدنا و اونونلا برابر اوچ یوز مئن ائگئد دؤیوشچو؛
[15] اوندان سونرا باشچی یِهوخانان و اونونلا بئرلئکده ائکی یوز هشتاد مئن نفر؛
[16] اوندان سونرا زئکری اوغلو اَمَصیا کی، اؤز گؤیلو ائله ربّئن ائشئنی بوینونا گؤتورموشدو، و اونونلا بئرلئکده ائکی یوز مئن ائگئد دؤیوشچو؛
[17] بِنیامئندن ائگئد دؤیوشچو اِلیاداع و اونونلا برابر اوخ-کامان و قالخانلا سئلاحلانمیش ائکی یوز مئن نفر،
[18] اوندان سونرا یِهوزاباد و اونونلا دؤیوشه حاضیر اولان یوز هشتاد مئن نفر.
[19] بونلار پادشاها خئدمت ادن ائگئدلر ائدئلر کی، پادشاهین بوتون یهوداداکی قالالی شهرلره قویدوغو دؤیوشچولردن علاوه ائدئلر.