[1] آخاز، پادشاه اولدوغو واخت، ائیئرمی یاشیندا ائدی و اورشلئمده اون آلتی ائل پادشاهلیق اتدی. او، ربّئن گؤزونده دوغرو اولان ائشلر اتمه‌دی، نجه کی، آتاسی داوود اتمئشدی.
[2] آخاز ائسرایئل پادشاهلارینین یوللاری ائله گتدی، هم ده بَعَل‌لر اوچون تؤکمه بوتلر دوزَلتدی.
[3] بِن‌هئنّوم دره‌سئنده بوخور یاندیردی و اوغوللارینی اوددا قوربان اتدی، نجه کی، ربّئن ائسرایئل اؤولادلاری قاباغیندان قوودوغو مئلّتلر بو ائیرنج عمل‌لرئنی ادئردئلر.
[4] او، پرستئشگاهلاردا، تپه‌لر اوستونده و هر بول یارپاقلی آغاج آلتیندا قوربان گتئرئب، بوخور یاندیردی.
[5] بوندان اؤتری تاریسی رب اونو اَرام پادشاهینا تسلئم اتدی. اَراملی‌لار اونو مغلوب ادئب چوخ اسئر گؤتوردولر و اونلاری دَمَشقه گتئردئلر. اؤزو ده ائسرایئل پادشاهینا تسلئم ادئلدی. او دا اونو بؤیوک تلفاتلا مغلوب اتدی.
[6] رِمَلیا اوغلو پِقَخ یهودادا یوز ائیئرمی مئن آدامی بئر گونده اؤلدوردو؛ هامیسی ائگئد آداملار ائدئلر. چونکی اونلار آتالارینین تاریسی ربّی ترک اتمئشدئلر.
[7] اِفرایئملی بئر ائگئد اولان زئکری، پادشاهین اوغلو مَعَسِیانی و سارای ریئسی عَزرئقامی اؤلدوردو. او اِلقانانی دا کی، پادشاهدان سونرا بئرئنجی آدام ائدی، اؤلدوردو.
[8] ائسرایئللی‌لر اؤز قارداشلاریندان آروادلار، اوغوللار، قیزلار، ائکی یوز مئن نفر اسئر گؤتوردولر، هم ده اونلاردان چوخ قنئمت گؤتوروب سامئره‌یه آپاردیلار.
[9] آنجاق اورادا ربّئن بئر پیغمبری وار ائدی. اونون آدی عودِد ائدی. او، سامئره‌یه گلن قوشونون قاباغینا چیخدی و اونلارا ددی: «باخ، آتالارینیزین تاریسی رب یهودایا قضبلَندئیی اوچون اونلاری سئزه تسلئم اتدی، سئز ده اونلاری اِله بئر قضبله اؤلدوردونوز کی، آلووسو گؤیلره چاتیر.
[10] ائندی ائسته‌یئرسئنئز یهودا و اورشلئم خالقینی اؤزونوزه قول و کنئز اده‌سئنئز. مگر تارینیز ربّه سئز هچ گوناه اتمئرسئنئز؟
[11] ائندی منه قولاق آسین! قارداشلارینیزدان آلدیغینیز اسئرلری گری گؤندَ‌رئن، چونکی ربّئن آلوولانان قضبی اوستونوزده‌دئر.»
[12] یِهوخانان اوغلو عَزَریا، مِشئل‌لِموت اوغلو بِرِکیا، شَلّوم اوغلو یِخئزقئیا و خَدلای اوغلو عَماسا کی، اِفرایئملی‌لرئن باشچیلاریندان ائدئلر، دؤیوشدن گلنلرئن ضئدّئنه قالخیب،
[13] اونلارا ددئلر: «اسئرلری بورایا گتئرمه‌یئن، یوخسا ربّئن ضئدّئنه گوناه ائشلَتمئش اولاجاغیق. مگر ائسته‌یئرسئنئز کی، گوناهلار و تقصئرلرئمئزی چوخالداسینیز؟ اونسوز دا تقصئرئمئز چوخدور و ربّئن آلوولانان قضبی ائسرایئل خالقینین اوستونده‌دئر.»
[14] سئلاحلی عسگرلر اسئرلری و قنئمتی ریئسلرئن و بوتون جاماعاتین قاباغینا قویدولار.
[15] آدلاری چکئلَن آداملار قالخدیلار و اسئرلری گؤتوروب اونلاردان لوت اولانلارین هامیسینی قنئمتدن گؤتورولموش پالتار و چاریقلا گِیئندئردئلر. اونلاری یِدئردئب-ائچئرتدئلر و اونلارا زیتون یاغی سورتدولر، ضعئف اولانلارین هامیسینی اِششَکلره مئندئردئلر و اونلاری خورما آغاجلاری شهری ارئحایا، قارداشلارینین یانینا آپاردیلار و سونرا سامئره‌یه قاییتدیلار.
[16] او زامان آخاز پادشاه کؤمک اوچون، آشور پادشاهینا خبر گؤندَ‌ردی.
[17] چونکی گئنه اِدوملولار گلئب یهودالی‌لاری مغلوب ادئب اسئر گؤتورموشدولر.
[18] فئلئسطلی‌لر ده هامار بؤلگه‌ده و یهودانین نِگِبئنده اولان شهرلره هوجوم اتدئلر. بِیت‌شِمِشی، اَیّالونو، گِدِروتو و سوکو ائله قصبه‌لرئنی، تئمنا ائله قصبه‌لرئنی و گئمزو ائله قصبه‌لرئنی آلمیشدیلار و اورادا یاشاییردیلار.
[19] چونکی ائسرایئل پادشاهی آخازین اوزوندن، رب یهودانی آلچالتمیشدی، چونکی آخاز، یهودانی یاغیلیق اتمه‌یه سالیب، ربّه چوخ خیانت اتمئشدی.
[20] بله‌جه آشور پادشاهی تئگلَت‌پئلِسِر اونون اوستونه گلئب کؤمک اتمک عوضئنه اونو ذلئل اتدی.
[21] آخاز ربّئن معبدئندن، پادشاهین ساراییندان و ریئسلرئن اِولرئندن پای ییغیب اونو آشور پادشاهینا وردی. لاکئن بو اونا کؤمک اتمه‌دی.
[22] آخاز پادشاه بو سیخینتیلی واختیندا دا ربّئن ضئدّئنه خائنلئیی آرتیردی.
[23] اونو مغلوب ادن دَمَشقلی‌لرئن بوتلرئنه قوربان کَسدی و ددی: «چونکی اَرام پادشاهلارینین آللاهلاری اونلارا کؤمک اتدئلر، من ده اونلارا قوربان کَسه‌جیم کی، منه ده کؤمک اتسئنلر.» لاکئن اونلار اونون و بوتون ائسرایئلئن ییخیلماسینا سبب اولدولار.
[24] آخاز تاری معبدئنئن اشیالارینی ییغیب تئکه-تئکه اتدی و ربّئن معبدئنئن قاپیلارینی باغلادی. اورشلئمئن هر کونجونده قوربانگاهلار دوزَلتدی،
[25] یهودانین هر شهرئنده آیری آللاهلارا بوخور یاندیرماق اوچون پرستئشگاهلار دوزَلتدی. بله‌جه آتالارینین تاریسی ربّی قضبلَندئردی.
[26] اونون قالان ائشلری و بوتون عمل‌لری، ائلک ائشلرئندن آخیر ائشلرئنه قدر، یهودا و ائسرایئل پادشاهلارینین کئتابیندا یازیلیبدیر.
[27] آخاز اؤلوب آتالاری ائله یاتدی و اونو اورشلئم شهرئنده باسدیردیلار. اونو ائسرایئل پادشاهلارینین قبئرلرئنه گتئرمه‌دئلر. اونون یرئنه اوغلو خئزقئیا پادشاه اولدو.