[1] اَبئیا اؤلوب آتالاری ائله یاتدی و اونو داوودون شهرئنده باسدیردیلار. یرئنه اوغلو آسا پادشاه اولدو. اونون دؤورونده اؤلکه اون ائل راحات یاشادی.
[2] آسا تاریسی ربّئن گؤزونده یاخشی و دوغرو اولان ائشلر اتدی.
[3] اؤزگه آللاهلارین قوربانگاهلارینی و پرستئشگاهلاری آرادان قالدیردی، موقدّس سوتونلاری قیردی، اَشِرا بوتلرئنی کَسدی.
[4] آسا یهودایا امر اتدی کی، آتالارینین تاریسی ربّی آختارسینلار و شرئعت و امرلری یرئنه یتئرسئنلر.
[5] یهودانین بوتون شهرلرئندن پرستئشگاهلاری و بوخور قوربانگاهلارینی آرادان قالدیردی. اونون دؤورونده اؤلکه راحات یاشادی.
[6] او، یهودادا قالالی شهرلر تئکدی، چونکی او ائل‌لرده اؤلکه اَمئن-آمانلیقدا ائدی و اونون ضئدّئنه هچ کس موحارئبه اتمئردی. رب اونا دئنجلئک ورمئشدی.
[7] آسا یهودالی‌لارا ددی: «گلئن بو شهرلری تئکَک، اطرافیندا دووارلار، بورجلر، دروازالار و چفته‌لر دوزَ‌لدَک. اؤلکه حله بئزئمدئر، چونکی بئز تاریمیز ربّی آختارمیشیق، اونو آختاردیغیمیزا گؤره تاری بئزه هر طرفدن دئنجلئک ورئب.» اونلار بله‌جه تئکدئلر و کامیاب اولدولار.
[8] آسانین قوشونو یهودادان سئپر و نئزه داشییان اوچ یوز مئن نفر و بِنیامئندن قالخان داشییان و کامان چکن ائکی یوز هشتاد مئن نفردن عئبارت ائدی. اونلارین هامیسی ائگئد دؤیوشچولر ائدئلر.
[9] بونلارین ضئدّئنه کوشلو زِرَخ چوخ بؤیوک بئر قوشون و اوچ یوز دؤیوش عاراباسی ائله مارِشایا گلدی.
[10] آسا اونون قاباغینا چیخدی و مارِشادا صِفاته دره‌سئنده دؤیوش اوچون دوزولدو.
[11] آسا تاریسی ربّی چاغیریب ددی: «یارب، سندن آیریسی یوخدور کی، دؤیوشده گوجلولر و گوجسوزلر آراسیندا کؤمک اتسئن؛ یارب تاریمیز، بئزه کؤمک ات، چونکی سنه بِل باغلامیشیق و سنئن آدینلا بو بؤیوک قوشونون اوستونه گلمئشئک. یارب، تاریمیز سنسن، قوی ائنسان سنه قالئب گلمه‌سئن.»
[12] رب آسانین و یهودالی‌لارین قاباغیندا کوشلولاری قیردی و کوشلولار قاچماغا باشلادیلار.
[13] آسا و اونونلا بئرلئکده اولان خالق اونلاری گِرارا قدر تعقئب اتدئلر. کوشلولاردان او قدر اؤلَن اولدو کی، هچ کس سالامات قالمادی، چونکی ربّئن و اونون قوشونونون قاباغیندا محو اولموشدولار. یهودالی‌لار چوخلو قنئمت اَله کچئرتدئلر.
[14] گِرارین اطرافینداکی بوتون قصبه‌لری داغیتدیلار، چونکی ربّئن قورخوسو اونلارین جانینا دوشموشدو. بوتون شهرلری قارت اتدئلر، اورادا چوخلو قنئمت وار ائدی.
[15] چوبان چادیرلارینی دا داغیتدیلار، چوخلو قویون-کچی و دَوه آپاردیلار. سونرا اورشلئمه قاییتدیلار.