[1] خئزقئیا بوتون ائسرایئللی‌لره و یهودالی‌لارا خبر گؤندَ‌ردی، اِفرایئملی‌لره و مِنَسّه‌لی‌لره ده مکتوبلار یازدی کی، ائسرایئلئن تاریسی ربّه پاسخا بایرامی جشن توتماق اوچون اورشلئمده اولان ربّئن معبدئنه گلسئنلر.
[2] چونکی پادشاهلا ریئسلری و بوتون اورشلئمده‌کی جاماعات بو قرارا گلمئشدئلر کی، پاسخا بایرامینی ائکئنجی آیدا کچئرتسئنلر.
[3] اونو، لازیم اولان واخت، اده بئلمه‌مئشدئلر، چونکی لازیمی قدر کاهئنلر اؤزلرئنی تقدئس اتمه‌مئشدئلر، خالق دا اورشلئمه ییغیلمامیشدی.
[4] اونا گؤره ده بو قرار پادشاهین و بوتون جاماعاتین گؤزونده دوز ائدی.
[5] اونلار قرار وردئلر کی، بئرشئبادان دانا قدر بوتون ائسرایئلده بئر فرمان اعلان ادئلسئن کی، خالق گلئب ائسرایئل تاریسی ربّئن پاسخا بایرامینی اورشلئمده توتسون. چونکی بونو بؤیوک بئر ساییدا نجه کی، یازیلمیشدی، اتمه‌مئشدئلر.
[6] پادشاهین امرئنه گؤره چاپارلار پادشاهین و ریئسلرئن یازدیغی مکتوبلارلا بوتون ائسرایئل و یهودا تورپاغینی دولانیب ددئلر: «ای ائسرایئل اؤولادلاری، ائبراهئمئن، ائسحاقین و ائسرایئلئن تاریسی ربّه قاییدین! او دا سئزه قاییداجاق، سئز کی، آشور پادشاهلارینین اَلئندن قاچیب صاغ قالیبسینیز.
[7] آتالارینیز و قارداشلارینیز کئمی اولمایین کی، آتالارینین تاریسی ربّه خیانت اتدئلر، بله کی، گؤردویونوز کئمی رب اونلاری دهشته دؤندَردی.
[8] ائندی آتالارینیز کئمی دئکباش اولمایین، ربّه موطئع اولون و اونون ابدی بو مکانینا کی، اونو ابده کئمی تقدئس ادئب، گلئن و تارینیز ربّه قوللوق ادئن کی، آلوولانان قضبی سئزدن دؤنسون.
[9] سئز ربّه دؤندوکده قارداشلارینیز و اوغوللارینیز دا، اونلاری اسئر آلانلارین قاباغیندا، ائلطئفات قازاناجاقلار و بو تورپاغا قاییداجاقلار. چونکی تارینیز رب فِیضلی و رحملی‌دئر. اگر اونا دؤنه‌سئنئز، سئزدن اوز دؤندَرمَز.»
[10] چاپارلار اِفرایئم و مِنَسّه تورپاقلاریندان زِبولونا قدر بو شهردن او شهره کچدئلر. لاکئن اونلار چاپارلارا گولدولر و اونلاری لاغا قویدولار.
[11] آمّا آشِردن، مِنَسّه‌دن و زِبولوندان بعضی آداملار کئبئرلرئنی قیریب اورشلئمه گلدئلر.
[12] تارینین اَلی یهودالی‌لارلا دا ائدی و اونلارا هَمَن اورَک وردی کی، ربّئن سؤزونه گؤره پادشاهین و ریئسلرئن امرلرئنی یرئنه یتئرسئنلر.
[13] ائکئنجی آی چوخ خالق، بؤیوک بئر جاماعات اورشلئمده ییغیلدی کی، مایاسیز چؤرک بایرامینی کچئرتسئنلر.
[14] اونلار قالخیب اورشلئمده اولان قوربانگاهلاری و بوتون بوخور قوربانگاهلارینی آرادان قالدیردیلار و قئدرون دره‌سئنه آتدیلار.
[15] ائکئنجی آیین اون دؤردونجو گونو پاسخا قوربانلارینی کَسدئلر. کاهئنلر و لاوئلی‌لر اؤزلرئندن خجالت چکئردئلر، و اؤزلرئنی تقدئس اتدئلر و ربّئن معبدئنه یاندیرما قوربانلاری گتئردئلر.
[16] تاری آدامی موسانین قانونوندا یازیلمیش قایدالارینا گؤره، اؤز یرلرئنده دوردولار. کاهئنلر لاوئلی‌لردن آلدیقلاری قانی سَپدئلر.
[17] جاماعات ائچئنده اؤزلرئنی تقدئس اتمه‌مئش چوخ آدام وار ائدی، بونا گؤره ده لاوئلی‌لر تمئز اولمایان هر آدامین پاسخا قوربانینی کَسمَک ائشئنی بویونا آلمیشدیلار کی، اونلاری ربّه تقدئس اتسئنلر.
[18] چونکی خالقین بؤیوک بئر حئصّه‌سی، اِفرایئم و مِنَسّه، یئسّاکار و زِبولون قبئله‌لرئندن بئر چوخو اؤزلرئنی تمئزله‌مه‌یئب یازیلانلارا موناسئب اولمایاراق اؤز پاسخا قوربانلاریندان یدئلر.
[19] خئزقئیا اونلار اوچون دوعا ادئب دمئشدی: «قوی یاخشی اولان رب، موقدّس یر اوچون تمئز اولمادیقلاری حالدا خالئص اورَکله تارینی، آتالارینین تاریسی ربّی آختارماغا حاضیرلاشمیش هر کسی باغیشلاسین.»
[20] رب خئزقئیانی اشئتدی و خالقا شفا وردی.
[21] اورشلئمده اولان ائسرایئل اؤولادلاری یدّی گون مایاسیز چؤرک بایرامینی بؤیوک شادلیقلا کچئرتدئلر. لاوئلی‌لر و کاهئنلر اوجا سَسلی موسئقی آلَتلری ائله هر گون ربّه حمد ادئردئلر.
[22] خئزقئیا ربّئن خئدمتئنه باجاریقلی اولان بوتون لاوئلی‌لرله دانیشیب اونلاری تشوئق اتدی. اونلار باریش قوربانلارینی کَسئب و آتالارینین تاریسی ربّه شوکورلر اده‌رَک یدّی گون بایرام یِمه‌یی یدئلر.
[23] بوتون جاماعات بله قرارا گلدی کی، داها یدّی گون ده بایرام اولسون. یدّی گونو ده شادلیقلا کچئرتدئلر.
[24] یهودا پادشاهی خئزقئیا جاماعاتا تقدئم اتمک اوچون مئن گامیش و یدّی مئن قویون وردی، ریئسلر ده جاماعاتا مئن گامیش و اون مئن قویون وردئلر. بئر چوخ کاهئن ده اؤزونو تقدئس اتدی.
[25] بوتون یهودا جاماعاتی، کاهئنلر، لاوئلی‌لر، ائسرایئلدن گلن بوتون جاماعات، هم ائسرایئل تورپاغیندان اولان، هم ده یهودادا یاشایان قرئبلر سِوئندئلر.
[26] بله‌جه اورشلئم بؤیوک شادلیق ائچئنده ائدی، چونکی ائسرایئل پادشاهی داوود اوغلو سولیمانین دؤوروندن بَری اورشلئمده بله بایرام اولمامیشدی.
[27] لاوئلی کاهئنلر قالخیب خالقا برکت وردئلر، تاری اونلارین سَسلرئنی اشئتدی، چونکی دوعالاری اونون موقدّس مسکنئنه، گؤیلره چاتدی.