[1] اَمَصیا، پادشاه اولدوغو واخت، ائیئرمی بش یاشیندا ائدی و اورشلئمده ائیئرمی دوقّوز ائل پادشاهلیق اتدی. آناسی اورشلئمدن ائدی، آدی دا یِهو‌‌عَدّان.
[2] اَمَصیا ربّئن گؤزونده دوغرو اولان ائشلر اتدی، لاکئن بونلاری بوتون اوره‌یی ائله اتمه‌دی.
[3] پادشاهلیق اَلئنده مؤحکملَنَنده، اَمَصیا او اَعیانلارینی کی، آتاسی پادشاه اولان واخت اونو اؤلدورموشدولر، اؤلدوردو.
[4] آنجاق موسانین شرئعت کئتابیندا یازیلدیغی کئمی، اونلارین اوغوللارینی اؤلدورمه‌دی، چونکی رب امر ادئب دمئشدی: «اوغولارا گؤره آتالار، آتالارا گؤره اوغوللار اؤلدورولمه‌سئنلر، هر کس اؤز گوناهینا گؤره اؤلمه‌لی‌دئر.»
[5] اَمَصیا یهودالی‌لاری ییغدی و نسئللرئنه گؤره بوتون یهودالی‌لاری و بِنیامئنلی‌لری مئنباشی‌لارین و یوزباشی‌لارین باشچیلیغی آلتینا قویدو. ائیئرمی یاشدا و اوندان یوخاری اولانلاری ییغیب اونلارین آراسیندان نئزه و سئپر داشییان، دؤیوشمَک باجاران اوچ یوز مئن سچمه آدام تاپدی.
[6] یوز تالانت گوموشه ائسرایئلدن یوز مئن ائگئد دؤیوشچوسونو ده اوجرتله توتدو.
[7] لاکئن بئر تاری آدامی گلئب اونا ددی: «ای پادشاه، قویما ائسرایئل قوشونو سنئنله برابر گتسئن، چونکی رب ائسرایئللی‌لرله، بوتون بو اِفرایئم اؤولادلاری ائله دیئل.
[8] حتّا اگر گدئب دؤیوشده جسارتلی ساواشاسان، تاری سنی دوشمنئن قاباغیندا ییخاجاق، چونکی تارینین هم کؤمک اتمه‌یه، هم ده ییخماغا قودرتی وار.»
[9] اَمَصیا تاری آدامیندان سوروشدو: «بس ائسرایئل فوجونا وردئیئم یوز تالانت اوچون نه اِدئم؟» تاری آدامی جاواب وردی: «رب سنه بوندان آرتیغینی وره بئلر.»
[10] اَمَصیا اِفرایئمدن یانینا گلن قوشونو آییردی کی، یرلرئنه گتسئنلر. بوندان اؤتری ده اونلارین قضبی یهودانین ضئدّئنه آلوولاندی و آلوولانان قضبله یرلرئنه قاییتدیلار.
[11] اَمَصیا اؤزونو مؤحکمله‌دئب، خالقینی گؤتوردو و دوز دره‌سئنه گتدی، سِعئره‌لی‌لردن اون مئن نفری قیردی.
[12] یهودالی‌لار صاغ قالان داها اون مئن نفری اسئر آلدیلار، اونلاری قایانین باشینا گتئرئب اورادان آشاغی آتدیلار. اونلارین هامیسی تئکه-تئکه اولدولار.
[13] آنجاق اؤزو ائله بئرلئکده آپارماییب قایتاردیغی فوجلار، سامئره‌دن بِیت‌حورونا قدر یهودا شهرلرئنه هوجوم اتدئلر. اونلاردان اوچ مئن نفری قیردیلار و چوخ قنئمت اَله کچئرتدئلر.
[14] اَمَصیا اِدوملولاری قیریب گلدئکدن سونرا، سِعئره‌لی‌لرئن بوتلرئنی گتئرئب اونلاری اؤزو اوچون آللاهلار قویدو. او بونلارین قاباغیندا سجده اتدی و اونلارا بوخور یاندیردی.
[15] ربّئن قضبی اَمَصیانین ضئدّئنه آلوولاندی و اونون یانینا بئر پیغمبر گؤندَ‌ردی. بو پیغمبر اونا ددی: «نه اوچون او خالقین آللاهلارینا کی، اؤز خالقلارینی سنئن اَلئندن قورتارا بئلمه‌دئلر، اوز گتئردئن؟»
[16] بونو دئیَرکَن اَمَصیا اونا ددی: «مگر سنی پادشاها مصلحتچی تعیئن اتمئشئک؟ ساکئت اول، مگر اؤلمَک ائسته‌یئرسن؟» پیغمبر ساکئت اولوب ددی: «بئلئرم کی، تاری سنی محو اتمه‌یه قرار ورئب، چونکی بونو ادئبسن و منئم مصلحتئمه قولاق آسماییبسان.»
[17] یهودا پادشاهی اَمَصیا مصلحتله‌شئب، ائسرایئل پادشاهی یِیهو اوغلو یِهوآخاز اوغلو یِهوآشین یانینا خبر گؤندَ‌رئب ددی: «گل، اوز-اوزه گؤروشَک.»
[18] ائسرایئل پادشاهی یِهوآش یهودا پادشاهی اَمَصیایا جاواب ورئب ددی: «لوبناندانداکی قانقال، لوبناندا اولان سئدر آغاجینا خبر گؤندَ‌رئب ددی: ”قیزینی اوغلوما آرواد ور.“ آمّا لوبناندان اولان بئر وحشی حیوان اورادان کچئب قانقالی آیاق آلتیندا تاپدالادی.
[19] سن ”اِدوملولاری قیرمیشام“ دئیه‌رَک، اوره‌یئن کئبئرله‌نئب، بونونلا فخر ادئرسن. ائندی اؤز اِوئنده اوتور. نه اوچون اِله بئر بلا قالدیراسان کی، یهودالی‌لارلا بئرلئکده سن اؤزون ده ییخیلاسان؟»
[20] آمّا اَمَصیا قولاق آسمادی. بو ائش تاریدان اولدو کی، اونلاری یِهوآشین اَلئنه تسلئم اتسئن. چونکی اَمَصیا اِدومون آللاهلارینا اوز گتئرمئشدی.
[21] ائسرایئل پادشاهی یِهوآش چیخیب یهودا پادشاهی اَمَصیا ائله یهودادا اولان بِیت‌شِمِشده اوز-اوزه دوردو.
[22] یهودالی‌لار ائسرایئللی‌لرئن قاباغیندا مغلوب اولدولار و هر کس اؤز اِوئنه قاچدی.
[23] ائسرایئل پادشاهی یِهوآش، یهودا پادشاهی یِهوآخاز اوغلو یوآش اوغلو اَمَصیانی بِیت شِمِشده توتدو و اونو اورشلئمه گتئردی. او، اورشلئمئن دووارینین اِفرایئم دروازاسیندان کونج دروازاسینا قدر دؤرد یوز قول‌آچینی اوچورتدو.
[24] بوتون قیزیل-گوموشو، تارینین معبدئنده عوبِد اِدومون ائختئیاریندا اولان بوتون اشیالاری، سارایین خزئنه‌لرئنی آپاردی. گئرووگان آلدیغی آداملاری دا گؤتوروب سامئره‌یه قاییتدی.
[25] یهودا پادشاهی یوآش اوغلو اَمَصیا ائسرایئل پادشاهی یِهوآخاز اوغلو یِهوآشین اؤلوموندن سونرا داها اون بش ائل یاشادی.
[26] اَمَصیانین قالان ائشلری، ائلک ائشلرئندن آخیر ائشلرئنه قدر باره‌ده، مگر یهودا و ائسرایئل پادشاهلارینین کئتابیندا یازیلماییبدیر؟
[27] او زاماندان کی، اَمَصیا ربّئن یولوندان آزدی، اونون ضئدّئنه اورشلئمده قصد حاضیرلادیلار. او، لاکئشه قاچدی. اونون دالینجا لاکئشه آداملار گؤندَ‌رئب اورادا اونو اؤلدوردولر.
[28] اونو آت اوستونده گتئرئب یهودا شهرئنده، آتالارینین یانیندا باسدیردیلار.