<Жьмар 33

[1] Әв ьн фьрарийед зар'ед Исраелә кӧ ордийед хwәва жь wәлате Мьсьре, бь сәрwерийа Муса у Һарун дәрк'әтьн.

[2] Муса һәр щийед р'ек'әтьна фьрарийед wан анәгори хәбәра Хӧдан ньвиси. Әв ьн р'еwитийед wанә анәгори щийед р'ек'әтьна wан.

[3] Панздәһе мәһа йәке, р'ожа Щәжьна Дәрбазбунейә дӧда, әw жь Р'амсес р'ек'әтьн. Зар'ед Исраел бь мерк'ими ль бәр ч'ә'вед т'әмамийа мьсьрийа дәрк'әтьн.

[4] Мьсьрийа жи һьнге һ'әму ньхӧрийед кӧ Хӧдан qьр' кьрьбу, ч'ә'л дькьрьн. Хӧдан диwана хwәдейед wан кьр.

[5] Һьнге зар'ед Исраел жь Р'амсесе р'ек'әтьн у ль Сукоте зомед хwә ледан.

[6] Жь Сукоте р'ек'әтьн у ль Ет'аме кӧ хьлазийа бәр'ийе йә, зомед хwә ледан.

[7] Жь Ет'аме р'ек'әтьн у вәгәр'ийанә ль Пи-Һаһирот'е кӧ пешбәри Баә'л-Сьпоне йә у пешбәри Мигдоле зомед хwә ледан.

[8] Жь Пи-Һаһирот'е р'ек'әтьн, ль нава бә'рер'а дәрбази бәр'ийе бун. Се р'ожа бәр'ийа Ет'амр'а чун у ль Мараһе зомед хwә ледан.

[9] Жь Мараһе р'ек'әтьн, һатьнә Елиме. Ль Елиме донздәһ кани у һ'әфте даред хӧрма һәбун, wана ль wьр зомед хwә ледан.

[10] Жь Елиме р'ек'әтьн у дәве Бә'ра Сор зомед хwә ледан.

[11] Жь Бә'ра Сор р'ек'әтьн у ль бәр'ийа Синеда зомед хwә ледан.

[12] Жь бәр'ийа Сине р'ек'әтьн у ль Дофqайе зомед хwә ледан.

[13] Жь Дофqайе р'ек'әтьн у ль Алуше зомед хwә ледан.

[14] Жь Алуше р'ек'әтьн у ль Р'ьфидиме зомед хwә ледан. Ль wьр ав т'ӧнә бу кӧ щьмә'те вәхwара.

[15] Жь Р'ьфидиме р'ек'әтьн у ль бәр'ийа Синайеда зомед хwә ледан.

[16] Жь бәр'ийа Синайе р'ек'әтьн у ль Qиброт-Һат'аwайе зомед хwә ледан.

[17] Жь Qиброт-Һат'аwайе р'ек'әтьн у ль Һ'асероте зомед хwә ледан.

[18] Жь Һ'асероте р'ек'әтьн у ль Р'әтмайе зомед хwә ледан.

[19] Жь Р'әтмайе р'ек'әтьн у ль Р'иммон-Пәрәсе зомед хwә ледан.

[20] Жь Р'иммон-Пәрәсе р'ек'әтьн у ль Ливнайе зомед хwә ледан.

[21] Жь Ливнайе р'ек'әтьн у ль Р'иссайе зомед хwә ледан.

[22] Жь Р'иссайе р'ек'әтьн у ль Qьһелат'айе зомед хwә ледан.

[23] Жь Qьһелат'айе р'ек'әтьн у ль ч'ийайе Шәфәр зомед хwә ледан.

[24] Жь ч'ийайе Шәфәр р'ек'әтьн у ль Һ'арадайе зомед хwә ледан.

[25] Жь Һ'арадайе р'ек'әтьн у ль Маqһелоте зомед хwә ледан.

[26] Жь Маqһелоте р'ек'әтьн у ль Т'аһ'ате зомед хwә ледан.

[27] Жь Т'аһ'ате р'ек'әтьн у ль Тераһе зомед хwә ледан.

[28] Жь Тераһе р'ек'әтьн у ль Мит'qайе зомед хwә ледан.

[29] Жь Мит'qайе р'ек'әтьн у ль Һашмонайе зомед хwә ледан.

[30] Жь Һашмонайе р'ек'әтьн у ль Мосероте зомед хwә ледан.

[31] Жь Мосероте р'ек'әтьн у ль Бьне-Йаһакане зомед хwә ледан.

[32] Жь Бьне-Йаһакане р'ек'әтьн у ль Һ'ор-Һагидгаде зомед хwә ледан.

[33] Жь Һ'ор-Һагидгаде р'ек'әтьн у ль Йотбат'айе зомед хwә ледан.

[34] Жь Йотбат'айе р'ек'әтьн у ль Ә'вронайе зомед хwә ледан.

[35] Жь Ә'вронайе р'ек'әтьн у ль Әсйон-Гәбәре зомед хwә ледан.

[36] Жь Әсйон-Гәбәре р'ек'әтьн у ль бәр'ийа Синда, аwа готи Qадешда зомед хwә ледан.

[37] Жь Qадеше р'ек'әтьн у ль ч'ийайе Һоре, хьлазийа ә'рде Әдоме, зомед хwә ледан.

[38] Чьл сале зар'ед Исраел бун кӧ жь ә'рде Мьсьре дәрк'әтьбун, йәке мәһа пенща, Һаруне к'аһин анәгори хәбәра Хӧдан һьлк'ьшийа ль сәр ч'ийайе Һоре у ль wьр мьр.

[39] Һарун сәд бист се сали бу гава ль сәр ч'ийайе Һоре мьр.

[40] П'адше Ә'радейи кәнани кӧ ль Нәщәфе, ә'рде кәнанийада дьма, бона һатьна зар'ед Исраел бьһист .

[41] Зар'ед Исраел жи жь ч'ийайе Һор р'ек'әтьн у ль Салмонайе зомед хwә ледан.

[42] Жь Салмонайе р'ек'әтьн у ль Пуноне зомед хwә ледан.

[43] Жь Пуноне р'ек'әтьн у ль Овот'е зомед хwә ледан.

[44] Жь Овот'е р'ек'әтьн у ль Ийе-Һаһабариме ль сәр синоре Моwаб зомед хwә ледан.

[45] Жь Ийиме р'ек'әтьн у ль Дибон-Гаде зомед хwә ледан.

[46] Жь Дибон-Гаде р'ек'әтьн у ль Ә'лмон-Дивлат'аймайе зомед хwә ледан.

[47] Жь Ә'лмон-Дивлат'аймайе р'ек'әтьн у ль сәр ч'ийайед Абарим, пешбәри Нәбо зомед хwә ледан.

[48] Жь ч'ийайед Абарим р'ек'әтьн у ль дәштед Моwабеда, незики Урдӧне, пешбәри Әриһайе зомед хwә ледан.

[49] У ль бәр Урдӧне, жь Бет'-Һашимот'е һ'әта Абел-Һашитиме ль дәштед Моwабда зомед хwә ледан.

[50] Ль дәштед Моwабеда, бәр Урдӧне, пешбәри Әриһайе Хӧдан Мусар'а хәбәрда у гот:

[51] «Зар'ед Исраелр'а хәбәр дә у бежә wан: ‹Гава һун Урдӧнер'а дәрбази ә'рде Кәнане бьн,

[52] һьнге жь бәр хwә бәри һ'әму бьнәлийед wи ә'рди дьн у һ'әму шькьлед һ'әйкәлед wан у һ'әму һ'әйкәлед wани р'окьри һурдәхwәши кьн, һ'әму һеланед wанә жорьн wеран кьн.

[53] Wи ә'рди хwәр'а бькьнә мьлк', ль wьр бьжин, чьмки әз wи ә'рди дьдьмә wә кӧ ле wар бьн.

[54] Бь п'әшк авитьне һуне жь wи ә'рди, анәгори малбәтед хwә, п'ар бьстиньн. Малбәта мәзьн wе зә'ф бьстинә, йа бьч'ук wе һьндьк бьстинә, к'ер'а к'идәре бьк'әвә әwе жи бьбә п'ара wи. Анәгори qәбилед бавед хwә хwәр'а wар һьлдьн.

[55] Ле һәгәр һун жь бәр хwә бәри бьнәлийед wи ә'рди нәдьн, һьнге әwед кӧ һун сах бьһельн wе бьбьнә мина стьруйед ч'ә'вед wәда у мина дьреша ль тәньшта wәда. У әwе wә ль сәр ә'рде кӧ һуне бьжин, бьзериньн.

[56] Һьнге әзе ӧса биньмә сәре wә, чаwа кӧ мьн дьхwәст банийа сәре wан›».