Жьмар 2
[1] Хӧдан Муса у Һарунр'а хәбәр да у гот:
[2] «Зар'ед Исраел бьра зомед хwә һәр кәс т'әви ала хwә, бь нишанед олк'ед хwә лехә. Әw гәрә ль дора Коне Щьвине һьнәки дур зомед хwә лехьн.
[3] Пешийева алийе р'оавайе Щьһуда гәрә зома хwә т'әви ала хwә анәгори ордийед хwә лехә. Сәрwере зар'ед Щьһуда Нәһшоне кӧр'е Аминадав бу.
[4] Һ'әсабе ордийа wи 74600 нәфс бун.
[5] Р'әх wида бьра qәбила Исахар зомед хwә лехә. Сәрwере зар'ед Исахар Ньт'анеле кӧр'е Суһар бу.
[6] Һ'әсабе ордийа wи 54400 нәфс бун.
[7] Пәйр'а бьра qәбила Зәбулон бә. Сәрwере зар'ед Зәбулон Әлйабе кӧр'е Һ'елон бу.
[8] Һ'әсабе ордийа wи 57400 нәфс бун.
[9] Т'әмамийа һ'әсабе зома Щьһуда анәгори ордийед хwә 186400 нәфс бун. Әвана гәрә пешийе р'е к'әвьн.
[10] Ала зома Р'убен анәгори ордийед хwә гәрә алийе башуре бә. Сәрwере зар'ед Р'убен Әлисуре кӧр'е Шьдейур бу.
[11] Һ'әсабе ордийа wи 46500 нәфс бун.
[12] Р'әх wида бьра qәбила Шьмһ'ун зомед хwә лехә. Сәрwере зар'ед Шьмһ'ун Шьлумийеле кӧр'е Суришадай бу.
[13] Һ'әсабе ордийа wи 59300 нәфс бун.
[14] Пәйр'а бьра qәбила Гад бә. Сәрwере зар'ед Гад Әлйасафе кӧр'е Р'ьһуел бу.
[15] Һ'әсабе ордийа wи 45650 нәфс бун.
[16] Т'әмамийа һ'әсабе зома Р'убен анәгори ордийед хwә 151450 нәфс бун. Әw гәрә йе дӧда р'ек'әвьн.
[17] Һьнге wе Коне Щьвине р'е к'әвә, зома леwийа бьра нава зомада бә. Чаwа кӧ зомед хwә wе лехьн ӧса жи р'ек'әвьн. Һәр кәс щийе хwәда бә анәгори алед хwә.
[18] Ала зома Әфрайим анәгори ордийед хwә гәрә алийе р'оавайе бә. Сәрwере зар'ед Әфрайим Әлишамайе кӧр'е Ә'миһуд бу.
[19] Һ'әсабе ордийа wи 40500 нәфс бун.
[20] Р'әх wида бьра qәбила Мьнашә бә. Сәрwере зар'ед Мьнашә Гамалйеле кӧр'е Пьдаһсур бу.
[21] Һ'әсабе ордийа wи 32200 нәфс бун.
[22] Пәйр'а бьра qәбила Бьнйамин бә. Сәрwере зар'ед Бьнйамин Абидане кӧр'е Гидони бу.
[23] Һ'әсабе ордийа wи 35400 нәфс бун.
[24] Т'әмамийа һ'әсабе зома Әфрайим анәгори ордийед хwә 108100 нәфс бун. Әw гәрә йе сьсийа р'е к'әвьн.
[25] Ала зома Дан анәгори ордийед wан гәрә алийе бакӧре бә. Сәрwере зар'ед Дан Ахиһәзәре кӧр'е Ә'мишадай бу.
[26] Һ'әсабе ордийа wи 62700 нәфс бун.
[27] Р'әх wида qәбила Ашер бьра зоме лехә. Сәрwере зар'ед Ашер Пагийеле кӧр'е Ок'ран бу.
[28] Һ'әсабе ордийа wи 41500 нәфс бун.
[29] Пәйр'а бьра qәбила Нәфтәли бә. Сәрwере зар'ед Нәфтәли Аһ'ирайе кӧр'е Әйнан бу.
[30] Һ'әсабе ордийа wи 53400 нәфс бун.
[31] Т'әмамийа һ'әсабе зома Дан 157600 нәфс бун. Әw гәрә хьлазийе р'е к'әвьн анәгори алед хwә.
[32] Әв ьн һ'әсабе зар'ед Исраел анәгори олк'ед хwә. Т'әмамийа һ'әсабе зома анәгори ордийед хwә 603550 нәфс бун.
[33] Ле леwи нә һатьнә жьмартьне т'әви зар'ед Исраел, чаwа кӧ Хӧдан т'әми ль Муса кьрьбу.
[34] Зар'ед Исраел һ'әму ӧса дькьрьн чаwа кӧ Хӧдан т'әми ль Муса кьрьбу. Wана зомед хwә анәгори алед хwә ле дьдан у ӧса жи р'е дьк'әтьн, һәр кәс т'әви малбәтед хwә анәгори олк'ед хwә.