<Жьмар 25

[1] Исраел ль Шиттиме дьма кӧ мьләт дәстпекьр т'әви qизед Моwаб беә'сьли кьр.

[2] Wана мьләт т'әглифи qӧрбанед һ'әйкәлед хwә кьрьн, мьләт хwар у ль бәр һ'әйкәлед wан та бу.

[3] Исраел Баә'л-П'ьһорва һатә гьредане. Һьнге һерса Хӧдан ль Исраел р'абу.

[4] Хӧдан готә Муса: «Һ'әму сәрwеред мьләт һьлдә у wан бәр тә'ве ль бәр Хӧдан дальqинә. Һьнге алава һерса Хӧдан wе ль Исраел дайнә.

[5] Муса готә һ'акьмед Исраел: «Һәр кәс жь wә, wан мәрьвед хwә бькӧжьн, к'ижан кӧ Баә'л-П'ьһорва һатьнә гьредане».

[6] Ва йә йәки жь зар'ед Исраел, ль бәр ч'ә'ве Муса у т'әмамийа щьвина зар'ед Исраел, гава әw ль бәр дәре Коне Щьвине дьгьрийан, һат жьнәкә мьдйани ани мала хwә.

[7] Пинһасе кӧр'е Елазаре кӧр'е Һаруне к'аһин әв йәк кӧ дит, жь нава щьвине р'абу, р'ьмәк гьртә дәсте хwә,

[8] әw пәй ль wи исраели чу к'әтә коне wи у р'ьм зьке һәр дӧйар'а кьр, зьке исраели жи жьне жи. Һьнге бәла ль нава Исраелда сәqьр'и.

[9] Жь дәст бәлайе 24000 мәри мьрьн.

[10] Хӧдан Мусар'а хәбәрда у гот:

[11] «Пинһасе кӧр'е Елазаре кӧр'е Һаруне к'аһин һерса мьн жь зар'ед Исраел вәгәр'анд, чьмки әwи бь хирәта мьн нав wанда хирәт кьр у мьн зар'ед Исраел жь к'ӧмр'әшийа хwә qьр' нәкьр.

[12] Ләма бежи wи: ‹Ва йә әз пәймана хwә йә ә'дьлайе т'әви wи гьредьдьм,

[13] әwе бона wи у бона зӧр'әта wи пәй wир'а бьбә пәймана к'аһинтийа һ'әта-һ'әтайе. Чьмки әwи бона Хwәдейе хwә кьрә хирәт у бона зар'ед Исраел к'әwандьн кьр›».

[14] Наве исраелийе кӧшти, йе кӧ т'әви жьна мьдйани һатьбу кӧштьне Зимри бу, кӧр'е Салуйе сәрwере олк'а шьмһ'унийа.

[15] Наве жьна мьдйанийә кӧшти жи К'озби бу, qиза Суре сәрwере qәбила олк'әкә мьдйани.

[16] Хӧдан Мусар'а хәбәрда у гот:

[17] «Т'әви мьдйанийа дьжмьнатийе бажон у qьр'а wан биньн.

[18] Чьмки wана бь мьхәнәтийе дьжмьнати wәр'а ажотьн у һун хапандьн, нава wе qәwьмандьна П'ьһор у хушка wан К'озбийа qиза сәрwере мьдйанида, йа кӧ р'уйе П'ьһорда р'ожа бәлайе һатә кӧштьне».