<Жьмар 26

[1] Пәй бәлер'а Хӧдан готә Муса у Елазаре кӧр'е Һаруне к'аһин:

[2] «Т'әмамийа щьвина зар'ед Исраел һәр кәсе кӧ әскәрийер'а һазьр ә, жь бистсалийе жортьр ә, анәгори олк'ед wан йәко-йәко бьжмьрьн».

[3] Муса т'әви Елазаре к'аһин ль дәштед Моwабда, незики Урдӧне, пешбәри Әриһайе wанр'а хәбәр да у гот:

[4] «Жь бистсалийе жортьр бьжмьрьн», чаwа кӧ Хӧдан т'әми ль Муса кьр. Зар'ед Исраелә кӧ жь ә'рде Мьсьре дәрк'әтьн, әв ьн:

[5] Р'убен ньхӧрийе Исраел бу. Әв ьн зар'ед Р'убен: Жь Һәнох малбәта һәнохи. Жь Паллу малбәта паллуйи.

[6] Жь Һәсрун малбәта һәсруни. Жь К'арми малбәта к'арми.

[7] Әва малбәтед р'убенийа нә у һ'әсабе wан жи 43730 нәфс бун.

[8] Кӧр'е Паллу: Әлйаб бу.

[9] Әв ьн кӧр'ед Әлйаб: Ньмуйел, Дат'ан у Абирам. Әва әw Дат'ан у Абираме бьжартийед щьвине бун, йед кӧ р'абунә мьqабьли Муса у Һарун ль нава щьвина Qорах да, гава кӧ әw р'абунә мьqабьли Хӧдан.

[10] Һьнге ә'рде дәве хwә вәкьр у әw т'әви Qорах һ'уфи хwә кьрьн. Әв щьвина ӧнда бу, гава егьр әw дӧсьд пенщи мәри һ'уфи хwә кьрьн у әw бунә нишан.

[11] Ле зар'ед Qорах нәмьрьн.

[12] Әв ьн зар'ед Шьмһ'ун малбәтед хwәва: Жь Ньмуйел малбәта ньмуйели. Жь Йамин малбәта йамини. Жь Йахин малбәта йахини.

[13] Жь Зәраһ малбәта зәраһи. Жь Шаwул малбәта шаwули.

[14] Әва малбәтед шьмһ'уни нә: 22200 нәфс.

[15] Әв ьн зар'ед Гад малбәтед хwәва: Жь Сьпон малбәта сьпони. Жь Һагги малбәта һагги. Жь Шуни малбәта шуни.

[16] Жь Озни малбәта озни. Жь Ә'ри малбәта ә'ри.

[17] Жь Арод малбәта ароди. Жь Арели малбәта арели.

[18] Әва малбәтед зар'ед Гад ьн у һ'әсабе wан жи 40500 нәфс бун.

[19] Зар'ед Щьһуда: Әр у Онан бун. Ле Әр у Онан ль ә'рде Кәнанеда мьрьн.

[20] Әв ьн зар'ед Щьһуда малбәтед хwәва: Жь Шелаһ малбәта шелани. Жь Перес малбәта переси. Жь Зәраһ малбәта зәраһи.

[21] Әв ьн зар'ед Перес: Жь Һәсрун малбәта һәсруни. Жь Һамул малбәта һамули.

[22] Әва малбәтед Щьһуда нә у һ'әсабе wан жи 76500 нәфс бун.

[23] Әв ьн зар'ед Исахар малбәтед wанва. Жь Т'ола малбәта т'олайи. Жь Пуа малбәта пуни.

[24] Жь Йашув малбәта йашуви. Жь Шимрон малбәта шимрони.

[25] Әва малбәтед Исахар ьн у һ'әсабе wан жи 64300 нәфс бун.

[26] Әв ьн зар'ед Зәбулон малбәтед хwәва. Жь Сәред малбәта сәрди. Жь Елон малбәта елони. Жь Йалйел малбәта йалйели.

[27] Әва малбәтед зәбулони ьн у һ'әсабе wан жи 60500 нәфс бун.

[28] Әв ьн зар'ед Усьв малбәтед хwәва. Мьнашә у Әфрайим.

[29] Әв ьн зар'ед Мьнашә: Жь Махир малбәта махири. Жь Махир Гилә'д бу. Жь Гилә'д малбәта гилә'ди.

[30] Әв ьн зар'ед Гилә'д: Жь Ийәзәр малбәта ийәзәри. Жь Хеләq малбәта хеләqи.

[31] Жь Асрийел малбәта асрийели. Жь Шәхәм малбәта шәхәми.

[32] Жь Шьмида малбәта шьмидайи. Жь Һ'ефәр малбәта һ'ефәри.

[33] Ле кӧр'ед Сьлофһ'аде Һ'ефәр т'ӧнә бун, т'әне qизед wи һәбун. Әв ьн навед qизед Сьлофһ'ад: Маһ'ла, Ноһа, Һ'огла, Милк'а у Т'ирса.

[34] Әва малбәтед Мьнашә нә у һ'әсабед wан жи 52700 нәфс бун.

[35] Әв ьн зар'ед Әфрайим малбәтед хwәва: Жь Шут'әлаһ' малбәта шут'әлаһ'и. Жь Бәк'ьр малбәта бәк'ри. Жь Т'аһ'ан малбәта т'аһ'ани.

[36] Әв ьн зар'ед Шут'әлаһ'. Жь Ә'ран малбәта ә'рани.

[37] Әва малбәтед зар'ед Әфрайим ьн у һ'әсабе wан жи 32500 нәфс бун. Әва зар'ед Усьв ьн малбәтед wанва.

[38] Әв ьн зар'ед Бьнйамин малбәтед wанва: Жь Бәла малбәта бәли. Жь Ашбел малбәта ашбели. Жь Аһ'ирам малбәта аһ'ирами.

[39] Жь Шьфуфам малбәта шьфуфами. Жь Һ'уфам малбәта һ'уфами.

[40] Әв ьн зар'ед Бәла: Ард у Нә'ман. Жь Ард малбәта арди. Жь Нә'ман малбәта нә'мани.

[41] Әва зар'ед Бьнйамин ьн малбәтед хwәва. Һ'әсабе wан жи 45500 нәфс бун.

[42] Әв ьн зар'ед Дан малбәтед хwәва: Жь Шуһ'ам малбәта шуһ'ами. Әва малбәта Дан ә анәгори малбәтед хwә.

[43] Һ'әсабе т'әмамийа малбәта шуһ'ами 64400 нәфс бун.

[44] Әв ьн зар'ед Ашер малбәтед хwәва: Жь Имна малбәта имнайи. Жь Ишwи малбәта ишwийи. Жь Бьриһа малбәта бьриһайи.

[45] Әв ьн зар'ед Бьриһа: Жь Һ'әбәр малбәта һ'әбәри. Жь Малк'ийел малбәта малк'ийели.

[46] Наве qиза Ашер жи Сәрах бу.

[47] Әва малбәтед зар'ед Ашер ьн. Һ'әсабе wан жи 53400 нәфс бун.

[48] Әв ьн зар'ед Нәфтәли малбәтед хwәва: Жь Йасйел малбәта йасйели. Жь Гуни малбәта гуни.

[49] Жь Йесәр малбәта йесри. Жь Шиллем малбәта шиллеми.

[50] Әва малбәтед Нәфтәли нә анәгори малбәтед хwә. Һ'әсабе wан жи 45400 нәфс бун.

[51] Һ'әсабе зар'ед Исраел 601730 нәфс бун.

[52] Хӧдан Мусар'а хәбәрда у гот:

[53] «Бьра ә'рд анәгори һ'әсабе наве wан чаwа wар бе п'арәвәкьрьне.

[54] К'ома мәзьнр'а wар зә'фи бьде, к'ома бьч'укр'а wар һьндьки бьде. Һәр кәсир'а анәгори һ'әсабе wан бьра wар бе дайине.

[55] Т'әне бь п'әшк авитьне бьра ә'рд бе п'арәвәкьрьне. Анәгори навед qәбилед кал-бавед wан әw бьра wар бьстиньн.

[56] Бь п'әшк авитьне бьра wар бе п'арәвәкьрьне чаwа йе мәзьнр'а ӧса жи йе бьч'укр'а».

[57] Әв ьн леwийед анәгори малбәтед хwә жьмарти: Жь Гершон малбәта гершони. Жь Qоһат' малбәта qоһат'и. Жь Мерари малбәта мерари.

[58] Әва малбәтед леwи нә: Малбәта либни, малбәта һеброни, малбәта маһ'ли, малбәта муши, малбәта qорахи. Qоһат'р'а Ә'мрам бу.

[59] Ле наве жьна Ә'мрам Йок'әбәд бу, qиза Леwи йа кӧ Леwир'а ль Мьсьре бьбу. Әwе Ә'мрамр'а Һарун, Муса у Мәрйәма хушка wан анин.

[60] Һарунр'а Надаб, Абиһу, Елазар у Ит'амар бун.

[61] Ле Надаб у Абиһу мьрьн, гава wан шаш агьр ль бәр Хӧдан дан.

[62] Һ'әсабе леwи, һ'әму qьсьме нерини жь йәкмәһе жортьр 23000 нәфс бун. Әw т'әви зар'ед Исраел нә һатьнә жьмаре, чьмки нава зар'ед Исраел wанр'а wар нә һатә дайине.

[63] Әв ьн зар'ед Исраелә кӧ Муса т'әви Елазаре к'аһин ль дәштед Моwабеда, незики Урдӧне, пешбәри Әриһайе жьмартьн.

[64] Ле ль нава ванда qәт мәрьвәк жь зар'ед Исраел т'ӧнә бу, кӧ Муса у Һаруне к'аһин бәр'ийа Синайеда әw жьмартьбуна.

[65] Чьмки Хӧдан бона wан гот: «Әwе ә'сә ль бәр'ийеда бьмьрьн». У тӧ кәс жь wан нә ма, пештьри К'алебе кӧр'е Йьфунәһ у Йешуйе кӧр'е Нун.