Жьмар 28
[1] Хӧдан Мусар'а хәбәрда у гот:
[2] «Ә'мьри зар'ед Исраел кә у бежә wан: ‹Һаш жь хwә һәбьн кӧ qӧрбана мьн, нане мьни бона дийарийа мьнә шәwатейә бинхwәш, wә'дәда бьдьн›.
[3] У бежә wан: ‹Ва йә дийарийа шәwате кӧ һун гәрә Хӧданр'а бьдьн: дӧ бәрхед йәк салийә бе qӧсур һәр р'ож, бона дийарийа т'әвайишәwате һәр т'ьм бьдьн.
[4] Бәрхәки сьбәһе бьдьн у бәрхе дӧда жи бәре еваре бьдьн
[5] у чаwа дийарийа нани п'арәкә жь дәһа п'аре ефайе аре хас, т'әви п'арәкә жь чар п'аре һине р'уне ледайида, стьрайи бьдә.
[6] Әва дийарийа т'әвайишәwатейә һәр т'ьм ә, мина йа кӧ ль ч'ийайе Синайе Хӧданр'а чаwа дийарийа шәwатейә бинхwәш һатьбу дайине.
[7] Әв ә дийарийа сәрдакьрьна wе: П'арәкә жь чар п'аре һине шәрав бона һәр бәрхи ль щийе пироз чаwа дийарийа сәрдакьрьне бьра Хӧданр'а бе р'етьне.
[8] Бәрха дӧда т'әви дийарийа нани у т'әви дийарийа сәрдакьрьне мина йа сьбәһе ль бәре еваре бьдьн. Wе чаwа дийарийа шәwатейә бинхwәш Хӧданр'а бьдьн.
[9] Ль р'ожа шәмийе дӧ бәрхед йәк салийә бе qӧсур т'әви п'арәкә чапейә жь дәһа дӧдӧ аре хаси р'унда стьрайи чаwа дийарийа нани у дийарийа wейә сәрдакьрьне бьдьн.
[10] Әва дийарийа т'әвайишәwатейә һәр шәми йә, ль сәр дийарийа т'әвайишәwатейә һәр т'ьмр'а у дийарийа wейә сәрдакьрьнер'а.
[11] Сәре һәр мәһед хwә Хӧданр'а чаwа дийарийа т'әвайишәwате: Дӧ щанәга, бәранәки, һ'әфт бәрхед йәксалийә бе qӧсур бьдьн.
[12] П'арәкә чапейә жь дәһа сьсе аре хаси р'унда стьрайи бона һәр щанәгаки, чаwа дийарийа нани у п'арәкә чапейә жь дәһа дӧдӧ аре хаси р'унда стьрайи бона бәрен чаwа дийарийа нани бьдьн.
[13] П'арәкә чапейә жь дәһа йәк аре хаси р'унда стьрайи бона һәр бәрхи чаwа дийарийа нани бьдьн. Әва дийарийа т'әвайишәwатейә бинхwәшә, дийарийа шәwате йә Хӧданр'а.
[14] Әва дийарийа сәрдакьрьна wе йә: Нив һин шәрав бона щанәге, п'арәкә һине жь сьсийа йәк бона бәрен у п'арәкә һине жь чара йәк бона бәрхе бьдьн. Әва дийарийа т'әвайишәwатейә мәһе йә бона һәр мәһе сале.
[15] Нерики бона дийарийа паqьжбуне Хӧданр'а бьдьн, ль сәр дийарийа т'әвайишәwатейә һәр т'ьмр'а у дийарийа wейә сәрдакьрьнер'а.
[16] Чардәһе мәһа йәке р'ожа Щәжьна Дәрбазбуне йә бона Хӧдан.
[17] У панздәһе wе мәһе жи щәжьн ә. Һ'әфт р'ожа һун гәрә нане шкәва бьхwьн.
[18] Р'ожа ә'wльн щьвата пироз ә, т'ӧ шьхӧли нәкьн.
[19] Дийарийа шәwате, дийарийа т'әвайишәwате Хӧданр'а бьдьн, аwа готи, дӧ щанәга, бәранәки у һ'әфт бәрхед йәксали. Әw гәрә бе qӧсур бьн.
[20] У ӧса жи дийарийа wанә нани жь аре хаси р'унда т'әвдайи. П'арәкә чапейә жь дәһа сьсе бона щанәга у п'арәкә чапейә жь дәһа дӧдӧ бона бәрен,
[21] п'арәкә чапейә жь дәһа йәк бона wан һәр һ'әфт бәрхи бьдьн.
[22] Ӧса жи нерики чаwа дийарийа паqьжбуне бона афукьрьна хwә бьдьн.
[23] Ве гәрә ль сәр дийарийа т'әвайишәwатейә сьбәһер'а, аwа готи дийарийа т'әвайишәwатейә һәр т'ьмр'а бьдьн.
[24] Һәр р'ож жь wан һ'әфт р'ожа һа бькьн. Әв нане дийарийа шәwатейи бинхwәш ә Хӧданр'а. Wе ль сәр дийарийа т'әвайишәwатейә һәр т'ьмр'а у дийарийа wейә сәрдакьрьнер'а бьдьн.
[25] У р'ожа һ'әфта диса wәр'а щьвата пироз бә. Т'ӧ шьхӧли нәкьн.
[26] Ль р'ожа дәрәмәтед пешьн жи гава һун дийарийа нане ә'wльн Хӧданр'а wәхте Щәжьна Һ'әфтийа биньн, бьра wәр'а диса щьвата пироз бә, т'ӧ шьхӧли нәкьн.
[27] Һун гәрә дийарийа т'әвайишәwате чаwа дийарийа бинхwәш Хӧданр'а бьдьн, аwа готи: Дӧ щанәга, бәранәки у һ'әфт бәрхед йәк сали.
[28] У ӧса жи дийарийа wанә нанийә жь аре хаси р'унда стьрайи: П'арәкә чапейә жь дәһа сьсе бона һәр щанәгайи, п'арәкә чапейә жь дәһа дӧдӧ жи бона бәрен,
[29] п'арәкә чапейә жь дәһа йәк жи бона һәр һ'әфт бәрха бьдьн.
[30] Нерики жи бона к'әwандьна хwә бьдьн.
[31] Ве у дийарийа wейә сәрдакьрьне ль сәр дийарийа т'әвайишәwатейә һәр т'ьмр'а у дийарийа wейә нанир'а бьдьн. Әw гәрә бе qӧсур бьн.