[1] Israɛl, i ka kɔsegin Matigi i ka Ala ma, k'a masɔrɔ i ka tilenbaliya kɛra i bili sababu ye.
[2] I ka Matigi deli ka kɔsegin a ma, k'a fɔ ko: «I ka an ka tilenbaliyaw bɛɛ yafa an ma, i ka sɔn an ma. An na tanuli sarakaw bɔ i ye.
[3] Asirikaw tɛ se ka an kisi. An tɛna yɛlɛn kɛlɛkɛ sow kan tun. An tɛna a fɔ an bolo baara nɔw ye tun, ko u ye an ka bato fɛnw ye, k'a masɔrɔ falatɔ bɛ makari sɔrɔ e de fɛ.»
[4] Ne na u ka tilenbaliyaw yafa u ma, ka u kanu ni dusukunɲuman ye, sabu ne ka dimiya mabɔra u la.
[5] Ne na kɛ Israɛl bolo i ko ngomi. U na nugu ka feere bɔ i ko baga feere. U dili na don i ko Liban kulu sedere sunw.
[6] U bolow na woyo ka se fo yɔrɔ jan, u na cɛɲɛ i ko olive sun. U suma na diya i ko Liban kulu.
[7] Minw bɛ kɔsegin, olu na sigi Efrayim suma kɔrɔ, olu na suman caman sɔrɔ ko kura. U na feere i ko rezɛn sun, u na tɔgɔba sɔrɔ i ko Liban diwɛn.
[8] Efrayim na mun kɛ boliw la tun? Ne kelenpe de na u ka deliliw jaabi ka neɲɛ to u kan. Ne na kɛ u ɲɛ na i ko sipere sun tuma bɛɛ la. I ka fɛnɲumanw bɛɛ bɛ bɔ ne de la.
[9] Hakili bɛ mɔgɔ min fɛ, o ka nin kow bɛɛ to a kɔnɔ. Mɔgɔ min bɛ kow dɔn, o ka u faamu, k'a masɔrɔ Matigi ka siraw tilennen don. Mɔgɔ tilennenw ja gɛlɛyalen na u taama, nka mɔgɔ tilenbaliw na bi yen.