[1] Matigi y'a fɔ ne ye ko: «I ka taa ko kura ka muso in kanu, terikɛ bɛ a fɛ, jatɔmuso don. I ka a kanu i ko Matigi ye Israɛl bɔnsɔn kanu cogo min na, hali k'a sɔrɔ u bɛ yɛlɛma bato fɛn wɛrɛw nɔ fɛ, a ka di u ye ka u ka rezɛn di olu ma.»
[2] Ne ye ne muso san ko kura ni warijɛ tan ni duuru ani omer ɲɛ kelen ni tila orjekisɛ ye.
[3] O kɔ, ne y'a fɔ a ye ko: «I ka ne makɔnɔ yan waati jan kɔnɔ. I kana jatɔya kɛ, i kana kɛ cɛ wɛrɛ muso ye. Ne fana n'a kɛ ten i ta fan fɛ.»
[4] K'a masɔrɔ Israɛl bɔnsɔn na mɛn kosɛbɛ ni masakɛ wala kuntigi tɛ u fɛ. Saraka fagata wala boli samasen wala efɔd wala terafim tɛna kɛ u fɛ fana.
[5] O kɔ, Israɛl bɔnsɔn na kɔsegin ka Matigi, u ka Ala ani u ka masakɛ Dawuda ɲini. U na ɲagali ka Matigi ni a ka ɲumaya ɲini waati nataw la.