[1] Efrayim kumana tuma min na, mɔgɔw yɛrɛyɛrɛla. A fanga tun bonyara Israɛl bɔnsɔn cɛma, nka a ye Baal bato k'a yɛrɛ jalaki. O de kosɔn a halakira.
[2] O bɛɛ n'a ta Israɛl bɔnsɔn bɛ to ka jurumu kɛ sisan ka ja batotaw dila ni u ka warijɛ yeelelenw ye, ka boliw dila ka kɛɲɛ ni u yɛrɛw ka miiriliw ye. Olu bɛɛ ye maɲɛrɛ dɔnnaw ka baara ye. A b'a fɔ u ko la ko: «Nin cɛ minw bɛ sarakaw bɔ, olu ka u ka misiden ja dilalen da susu.»
[3] O de kosɔn u na kɛ i ko sɔgɔma da fɛ sankaba ni sɔgɔma da fɛ ngomi min bɛ ban joona, i ko gendekɛnɛ nwɛɲɛ min bɛ taa fiɲɛ fɛ. U bɛ kɛ i ko sisi min bɛ bɔ finɛtiri fɛ.
[4] O bɛɛ n'a ta, ne ye Matigi, i ka Ala ye kabini i bɔ tuma la Misira jamana kɔnɔ. I man kan ka bato fɛn wɛrɛ si dɔn ne kɔ. Kisibaa wɛrɛ si tɛ ne kɔ.
[5] Ne ye i dɔn k'i to kungokolon kɔnɔ, dugukolo jintan jalen na.
[6] Nka halio, Israɛl bɔnsɔn ye dumuni sɔrɔ ka u fa. Ni u fara, kuncɛbaya ye u minɛ. O de kosɔn u ɲinɛna ne kɔ.
[7] O de kosɔn ne na wuli u kama i ko waraba, ka wuli u kama i ko waraninkalan ka ne merun u ɲɛ sira la.
[8] Ne na bi u kan i ko ursi wara muso min bɔnɛna a denw na. Ne na u disi fara. Ne na u dumu ka u ban yen, i n'a fɔ waraba muso b'a kɛ cogo min na. Waraw na u farafara.
[9] Israɛl, i halaki sababu filɛ nin ye: I murutira ne ma, i murutira i dɛmɛbaa ma.
[10] Ayiwa, i ka masakɛ dun bɛ min? O ka taa i ka duguw bɛɛ hɔrɔnya. I ka kiritigɛlaw dun bɛ min, i tun b'a fɔ olu minw ye ko u ka masakɛ ni kuntigiw di i ma?
[11] Ne diminnen ye masakɛ di i ma, ne diminnen fana na o bɔsi i la.
[12] Efrayim ka tilenbaliya bonyara ne ɲɛ kɔrɔ haali. A ka jurumu maralen bɛ ne ɲɛ kɔrɔ.
[13] Tɔorɔ na a sɔrɔ i ko muso tintɔ, denkɛ hakilintan. A bɛ i ko den min tɛ bɔ a ba kɔnɔ a wolo tuma la.
[14] Ne na u kisi lahara fanga ma, ka u tila saya la. E saya, i ka sebaaya bɛ min? Lahara, i fanga bɛ min? Hinɛ na tunun neɲɛ la.
[15] Hali ni Efrayim jiidira a balimaw cɛma, kɔrɔn fɛ fiɲɛ na taa n'a ye. Matigi ka fiɲɛ bɛ na ka bɔ kungokolon kɔnɔ ka ji boyiw ja ka kɔlɔn jiw ja. Juguw na nafolo mara yɔrɔw la fɛn yɛrɛwolow bɛɛ cɛ.
[16] Samari na tɔorɔ, k'a masɔrɔ a murutira a ka Ala ma. A kɔnɔ mɔgɔw na faga npan fɛ. U ka deɲɛniw na saba duguma fo ka yɛrɛkɛ. U ka muso kɔnɔmaw kɔnɔw na farafara.