[1] Israɛl kɛra rezɛn sun feerelen ye, a ye den caman kɛ. U ye saraka bɔlan caman jɔ, ka kɛɲɛ ni u denw cayali ye. U ka ja batotaw cɛ tun ka ɲi ka tɛmɛn jamana jiidili kan.
[2] U kɛra filankafow ye u dusukun na, o de kosɔn u na tɔorɔ sisan. Ala na u ka saraka bɔlanw ci ka u ka boliw karikari.
[3] A tɛna mɛn tun, u n'a fɔ ko: «Masakɛ tɛ an fɛ, sabu an ma siran Matigi ɲɛ. Masakɛ dun bɛ se ka mun kɛ an ye?»
[4] Ni u bɛ layidu ta, u bɛ kuma lankolon fɔ ka u kali nkalon kan. O de kosɔn kiri na bi u kan, i ko bin bɛ falen ntugun kurulenw kan cogo min na.
[5] Samarikaw na yɛrɛyɛrɛ Bɛt-Avɛn sanu misiden ja dilalen kosɔn, k'a masɔrɔ mɔgɔw kasitɔ bɛ na u ka bato fɛn yɔrɔ la. A ka sarakalasebaaw na yɛrɛyɛrɛ, a nɔorɔ banta kosɔn ka bɔ u cɛma.
[6] U na boli yɛrɛ cɛ ka taa Asiri jamana la, k'a kɛ masakɛba Jarɛb ka bonyali fɛn ye. O tuma la Efrayim na maloya ka a kun suuli. Israɛl na maloya a ka ko latigɛlenw kosɔn.
[7] Samari halakira, a ka masakɛ kɛra i ko ji woyo kunnaɲamaɲaman
[8] Israɛl ye jurumu kɛ Bɛt-Avɛn ka batoli kɛ yɔrɔ minw na, olu na tiɲɛn. Nwɔniw sun ani nɔnfɔn nwɔnimaw na falen u ka saraka bɔlanw kan. O tuma la Israɛl n'a fɔ kuluw ye ko: «A' ye an datugu,» k'a fɔ tintinw ye ko: «A' ye bi an kan.»
[9] Kabini Gibea ko kɛ don na, Israɛl, i ye jurumu kɛ. U cogo ma yɛlɛma. Kɛlɛ ma o kojugukɛlaw sɔrɔ Gibea wa?
[10] Ne na u tɔorɔ ka kɛɲɛ ni ne sago ye. Ni u minɛna ka kɛ jɔnw ye ka u ni u ka boliw siri ka taa ni u ye tuma min na, mɔgɔw naɲɔgɔn lajɛ u kama.
[11] Efrayim kɛra misi geren kololen ye. A ka di a ye ka alikama cɔngɔ. Ne na zu da a kan na, ne na zu da Efrayim kan na. Juda na sɛnɛ kɛ misidaba la, Yakuba na bɔgɔkuruw ci.
[12] Aw ka danni kɛ ka kɛɲɛ ni tilennenya ye, ka suman tigɛ ka kɛɲɛ ni makari ye. Aw ka foro kura waga bɔ, k'a masɔrɔ Matigi ɲini waati sera fo a ka na ka tilennenya jigin aw kan i ko sanji.
[13] Aw ye juguya dan ka tilenbaliya suman tigɛ ka nkalon nafa dun, sabu aw ye aw jigi da aw yɛrɛ barika kan ka aw jigi da aw ka kɛlɛkɛ cɛ barikama caman kan.
[14] Kɛlɛba na wuli i ka mɔgɔw cɛma. U na i ka kɛlɛ kunbɛn sow ci, i ko masakɛ Salman ye Bɛt-Arbɛl ci kɛlɛ don na cogo min na. Muso ni a denw bɛɛ fagaraɲɔgɔn fɛ.
[15] Ko min na aw sɔrɔ Bɛtɛl, aw ka juguya kosɔn, o don. Israɛl masakɛ na faga kɛnɛbɔda fɛ kɛlɛ daminɛ tuma la.