[1] ཀྱེ་ཀྱེ་དཀོན་མཆོག་ཞལ་རོག་མི་བཞུགས༌རོགས། །ཀྱེ་ཀྱེ་དཀོན་མཆོག་གསུང་ངག་མི་བསྡམ༌རོགས། །ལྷོད་དལ་ངང་ནས་བཞུགས་པར་མི་མཛད༌རོགས།།
[2] གཟིགས་དང་ཁྱེད་ཀྱི་དགྲ་རྣམས་འུར་སྐད༌སྒྲོག །ཁྱེད་ལ་སྡང་བ་རྣམས་ཀྱིས་གྱེན་ལོག༌བྱེད།།
[3] ཁྱེད་ཀྱི་མི་རྒྱུད་ལ་ནི་འཚེ་བའི༌ཕྱིར། །དེ་ཚོས་གཡོ་སྒྱུའི་གྲོས་ངན་འདེབས་པ༌དང༌། །ཁྱེད་ཀྱིས་སྦས་པའི་མི་ལ་གནོད་པའི༌ཕྱིར། །དེ་ཚོས་ཕན་ཚུན་བར་ལ་ངན་ཇུས༌ཤོམ།།
[4] དེ་ཚོས་ཤོག་དང་ང་ཚོས་ཁོ་རྣམས༌ནི། །མི་རྒྱུད་གཅིག་ཏུ་ལུས་པར་མི་བྱ༌ཞིང༌། །ཕྱིན་ཆད་ཡེས་ར་ཨེལ་གྱི་མིང་ཙམ༌ཡང༌། །མི་དྲན་ཕྱིར་དུ་ཚར་གཅོད་བྱ་ཞེས༌ཟེར།།
[5] དེ་རྣམས་འགྲིག་མཐུན་ངང་ནས་གྲོས་བྱེད༌ཅིང༌། །ཁྱེད་ཉིད་འགོག་པར་ཕན་ཚུན་མནའ་འབྲེལ༌བྱེད།།
[6] དེ་ནི་གུར་ནང་སྡོད་པའི་ཨེ་དོམ༌པ། །ཡེས་མ་ཨེལ་པ་དང་ནི་མོ་ཨབ༌པ། །ཧ་གར་པ་དང་བཅས་རྣམས་ཡིན་པ༌དང༌།།
[7] གེ་པལ་དང་ནི་ཨམ་མོན་ཨ་མཱད༌ལེག །ཕེ་ལེ་ཤེད་དང་ཐཱར་གྱི་ཡུལ་མི༌བཅས།།
[8] དེའི་ཁྲོད་ཨ་སུར་པའང་འདྲེས་ནས༌ནི། །ལོད་ཐུའི་བུ་ཚོའི་ར་མདར་གྱུར་པ༌འོ།།༼ སེ༌ལཱ། ༽
[9] སི་སེ་རཱ་དང་ཡཱ་བིན་གཉིས་ལ༌ནི། །ཁི་ཤོན་ཆུ་བོར་ཅི་ལྟར་མཛད་པ༌དང༌། །མིད་ཡཱན་པ་ལ་ཅི་ལྟར་མཛད་པ༌བཞིན། །ཁྱེད་ཀྱིས་དེ་ཚོར་དེ་བཞིན་མཛད་དུ༌གསོལ།།
[10] དེ་རྣམས་ཨེན་དོར་ཡུལ་དུ་མེད་པར༌གྱུར། །ཐང་གི་ལྕི་བ་ལྟ་བུར་གྱུར་བ༌འོ།།
[11] ཁྱེད་ཀྱིས་དེ་ཚོའི་འགོ་འཛིན་པ་རྣམས༌ནི། །ཨོ་རེབ་དང་ནི་ཟེབ་ལྟར་མཛད་པ༌དང༌། །དེ་ཚོའི་རྒྱལ་སྲས་ཐམས་ཅད་ཟེ་བཱ༌དང༌། །ཚལ་མུན་ནཱ་དང་འདྲ་བར་མཛད་དུ༌གསོལ།།
[12] དེ་ཚོས་འདི་བཞིན་སྨྲས་ཏེ་རང་ཅག༌གིས། །དཀོན་མཆོག་སྤང་ཐང་བདག་ཏུ་འཛིན་ཞེས༌སོ།།
[13] ཀྱེ་ཀྱེ་ང་ཡི་དཀོན་མཆོག་མི་དེ༌རྣམས། །རླུང་འཚུབ་ནང་གི་ས་རྡུལ་འདྲ་བ༌དང༌། །རླུང་མདུན་ལྷགས་པའི་ཕུབ་མ་ལྟར་དུ༌མཛོད།།
[14] མེ་ཡིས་ནགས་ཚལ་ཅི་ལྟར་སྲེག་པ༌དང༌། །མེ་ལྕེས་རི་རྣམས་ཅི་ལྟར་སྦར་བ༌བཞིན།།
[15] ཁྱེད་ཀྱིས་དྲག་པོ་རླུང་གིས་དེ་རྣམས༌དེད། །རླུང་འཚུབ་ཆེན་པོས་དེ་རྣམས་འཇིགས་སུ༌ཆུགས།།
[16] དེ་ཚོས་ཡ་ཝཱེ་ཁྱེད་ཀྱི་མཚན་འཚོལ༌ཕྱིར། །དེ་ཚོའི་གདོང་ལ་ངོ་ཚས་གང་བར༌མཛོད།།
[17] ཡ་ཝཱེ་མཚན་ཅན་ཁྱེད་ཉིད་གཅིག་པུ༌དང༌། །ས་གཞི་ཀུན་ཏུ་ཁྱད་འཕགས་ཁྱེད་ཡིན༌པ། །དེ་ཚོས་ཤེས་པར་འགྱུར་བའི་དོན་ཆེད༌དུ། །དེ་རྣམས་རྟག་ཏུ་སྐྱེངས་ཤིང་དངངས་པ༌དང༌། །ངོ་ཚ་དང་བཅས་ཁོ་རྣམས་སྟོངས་གྱུར༌ཅིག།