[1] དཀོན་མཆོག་ཁྱེད་ཀྱིས་གནའ་སྔ༌མོར། །ངེད་ཀྱི་ཕ་མེས་རྣམས་ཀྱི༌དུས། །མཛད་པའི་འཕྲིན་ལས་རྣ་བས༌ཐོས། །མེས་པོས་བདག་ལ་སྨྲས་བྱུང༌ངོ༌།།
[2] ཁྱེད་ཀྱི་ཕྱག་གིས་མི་རྒྱུད༌རྣམས། །བསྐྲད་ཀྱང་ཕ་མེས་གསོ་སྐྱོང༌མཛད། །ཁྱེད་ཀྱིས་མི་སྡེ་རྣམས་གཏོར༌ཡང༌། །ཕ་མེས་རྣམས་ནི་དར་བར༌མཛད།།
[3] དེ་ཚོའི་རལ་གྲིས་ཡུལ་ཁམས༌ནི། །བཟུང་བ་མ་ཡིན་རྒྱལ་ཁ༌ཡང༌། །རང་གི་དཔུང་བས་བླངས་པ༌མིན། །ཁྱེད་ཀྱིས་དེ་ཚོར་གཅེས་པས༌ན། །ཁྱེད་ཕྱག་གཡས་དང་དཔུང་བ༌དང༌། །ཞལ་རས་འོད་མདངས་བཅས་ལ༌བརྟེན། །ཡུལ་ནི་བཟུང་བ་ཡིན་ལགས༌སོ།།
[4] དཀོན་མཆོག་ཁྱེད་ངའི་རྒྱལ་པོ༌ལགས། །ཡ་ཀོབ་རྒྱལ་བའི་བཀའ་གནོངས༌ཤིག།
[5] ཁྱེད་ལ་བརྟེན་ནས་དགྲ་བཟློག༌ཅིང༌། །ངེད་ལ་སྡང་བའི་མི་རྣམས༌ནི། །ཁྱེད་མཚན་ནང་དུ་རྡོག་རྫིས༌གཏོང༌།།
[6] རང་གི་གཞུ་ལ་བློ་གཏད༌མེད། །རལ་གྲིས་ང་རང་རྒྱལ་མི༌འགྱུར།།
[7] འོན་ཀྱང་ངེད་རྣམས་དགྲ་ལས༌བསྒྲལ། །སྡང་མཁན་རྣམས་ཀྱང་ནོངས་པར༌མཛད།།
[8] ངེད་ཀྱིས་ཉིན་གང་དཀོན་མཆོག༌བསྔགས། །རྒྱུན་དུ་ཁྱེད་ཀྱི་མཚན་ལ༌བསྟོད།།༼ སེ༌ལཱ། ༽
[9] འོན་ཀྱང་ད་ལྟ་ཁྱེད་ཉིད༌ཀྱིས། །ངེད་རྣམས་དོར་ཅིང་དམའ་སར༌ཕབ། །དམག་དཔུང་མཉམ་དུ་ཁྱེད་མི༌གཤེགས།།
[10] དགྲ་ལས་ངེད་རྣམས་ཕམ་པར༌མཛད། །སྡང་མཁན་རྣམས་ཀྱིས་གང་འདོད༌བཅོམ།།
[11] བཤས་ལུག་བཞིན་དུ་ཁྱེད་ཀྱིས༌མཛད། །མི་རྒྱུད་ཁྲོད་དུ་ངེད་རྣམས༌གཏོར།།
[12] ཉིད་ཀྱི་མི་རྒྱུད་རིན་མེད༌བཙོངས། །རིན་དེས་ཁྱེད་ཀྱི་ནོར་མ༌སྤེལ།།
[13] ཁྱིམ་མཚེས་དག་གི་སྨད་ར༌དང༌། །ཉེ་འཁོར་མི་ཡི་ཟུར་ཟ༌དང༌། །ཁྲེལ་དགོད་བྱེད་སར་ཁྱེད་ཀྱིས༌མཛད།།
[14] མི་རྒྱུད་རྣམས་ཀྱི་ངག་རྒྱུན༌དང༌། །མི་སྡེ་རྣམས་ཀྱིས་མགོ་གཡུག༌པའི། །གནས་སུ་ཁྱེད་ཀྱིས་ངེད་རྣམས༌མཛད།།
[15] དགྲ་དང་དགྲ་ཤ་ལེན་མཁན༌དང༌། །འཕྱ་སྨོད་དམའ་འབེབ་ཚིག་གི༌རྐྱེན། །ཉིན་གང་ངོ་ཚ་མདུན་དུ༌ལྷགས། །འཚེར་བས་གདོང་ཡང་བཏུམས་པར༌བྱས།།
[17] འདི་རྣམས་ངེད་སྟེང་བབས་ན༌ཡང༌། །ཁྱེད་ཉིད་བརྗེད་པར་མ་གྱུར༌ཅིང༌། །ཞལ་ཆད་ལའང་འགལ་བ༌མེད།།
[18] སེམས་ནི་མ་འཁྱོར་གོམ་སྟབས༌ཀྱང༌། །ཁྱེད་ཀྱི་ཕེབས་ལམ་ལས་མ༌འཛོལ།།
[19] འོན་ཀྱང་ཁྱི་སྤྱང་གནས་སུ༌ནི། །ཁྱེད་ཀྱིས་ངེད་རྣམས་རབ་ཏུ༌བརྫིས། །འཆི་བའི་གྲིབ་མས་ཡོངས་སུ༌བཀབ།།
[20] རང་གི་དཀོན་མཆོག་མཚན་བརྗེད༌ཅིང༌། །གཞན་ལྷར་ལག་པ་བརྐྱངས་ཡོད༌ན།།
[21] སེམས་ཀྱི་གསང་བ་དཀོན་མཆོག༌གིས། །མཁྱེན་པས་དེ་རྩད་མི་ཆོད༌དམ།།
[22] ཁྱེད་ཉིད་རྐྱེན་གྱིས་ཉིན་གང༌བོར། །འཆི་བ་ངེད་རྣམས་མདུན་དུ༌ལྷགས། །ངེད་ཅག་བཤས་ལུག་ཚད་དུ༌བཞག །
[23] ཀྱེ་ཀྱེ་གཙོ་བོ་སད་རོགས༌གནོངས། །ད་དུང་གཟིམས་ནས་བཞུགས་པ༌ཅི། །ཁྱེད་ཉིད་ཡར་ལ་བཞེང་བར༌མཛོད། །ངེད་རྣམས་རྟག་ཏུ་མི་སྤང༌རོགས།།
[24] ཁྱེད་ཀྱི་ཞལ་རས་སྦས་ནས༌ནི། །ངེད་རྣམས་འཕྲད་པའི་སྡུག་བསྔལ༌དང༌། །གཉའ་གནོན་བརྗེད་པ་ཅི་ཡིན༌ནམ།།
[25] ངེད་རྣམས་བཏུད་ནས་ཐལ་བར༌འདྲེས། །ལུས་ཀྱང་ས་ལ་འབྱར་བར༌གྱུར།།
[26] ཁྱེད་ཉིད་བཞེངས་ནས་གྲོགས་མཛོད༌ཅིག །བྱམས་བརྩེའི་དབང་གིས་ངེད་སྒྲོལ༌ཅིག།