[1] ཀྱེ་ཀྱེ་དཀོན་མཆོག་ཛ་ཡན་གྲོང་ཁྱེར༌དུ། །མི་རྣམས་ཁྱེད་ལ་བསྟོད་ཕྱིར་སྒུག་ནས༌ཡོད། །དམ་བཅའ་ཡང་ནི་ཁྱེད་ལ་བསྒྲུབ་པར༌འགྱུར།།
[2] ཀྱེ་མ་གསོལ་འདེབས་གསན་པའི་གཙོ་བོ༌ལགས། །མི་བུ་ཐམས་ཅད་ཁྱེད་དྲུང་འོང་བར༌འགྱུར།།
[3] སྡིག་ཉེས་ངེད་ལས་རྒྱལ་བར་གྱུར་ན༌ཡང༌། །ངེད་རྣམས་ཉེས་སྐྱོན་མ་ལུས་ཁྱེད་ཀྱིས༌བསལ།།
[4] ཁྱེད་ཀྱིས་བདམས་ཤིང་ཉེ་བར་དྲངས་ནས༌ནི། །ཉིད་ཀྱི་སྒོ་རར་གནས་པར་མཛད་པ༌ཡི། །སྐྱེ་བོ་དེ་རྣམས་བྱིན་རླབས་ཆེ་བ༌ལ། །ཁྱེད་ཀྱི་བཞུགས་གནས་མཆོད་ཁང་དམ་པ༌ཡི། །གཡང་གིས་ངེད་རྣམས་འདོད་བློ་ཚིམ་གྱུར༌ཅིག།
[5] ཀྱེ་ཀྱེ་ང་ཚོའི་མགོན་སྐྱབས་དཀོན་མཆོག༌ལགས། །ཁྱེད་ལ་བརྗིད་ཉམས་ཡོངས་སུ་མངའ་བ༌དང༌། །དྲང་བདེན་ངང་ནས་ང་ཚོར་བཀའ་ལན༌གནང༌། །ཁྱེད་ནི་ས་མཐའ་ཀུན་དང་རྒྱ་མཚོ༌ཡི། །རྒྱང་རིང་གནས་པ་ཡོངས་ཀྱི་རྒྱབ་བརྟེན༌ཡིན།།
[6] མཐུ་སྟོབས་ཆེན་པོའི་སྐེ་རགས་བཅིངས་པ༌དང༌། །སྟོབས་ཀྱིས་རི་རྣམས་བརྟན་པོར་ཚུགས་པར༌མཛད།།
[7] རྒྱ་མཚོའི་འུར་སྒྲ་རྦ་རླབས་དྲག་པོ༌དང༌། །མི་སྡེའི་ཀི་སྒྲ་བཅས་ནི་ཞི་བར༌མཛད།།
[8] དེའི་ཕྱིར་ས་མཐར་གནས་པའི་མི་རྣམས༌ནི། །ལྟས་རྣམས་མཐོང་བས་གུས་ཤིང་འཇིགས་པར༌གྱུར། །ཤར་ནས་ནུབ་བར་མི་རྣམས་དགའ་བར༌མཛད།།
[9] ཁྱེད་ཀྱིས་ས་ལ་གཟིགས་ཤིང་ཆར་ཆུ༌གནང༌། །ས་ཞིང་ཤིན་ཏུ་ས་བཅུད་འཛོམས་པར༌མཛད། །མི་ལ་འབྲུ་རིགས་སྟ་གོན་མཛད་པའི༌ཕྱིར། །དཀོན་མཆོག་ཉིད་ཀྱི་གཙང་པོར་ཆུ་ཡིས༌བཀང༌། །དེ་བཞིན་ཁོང་གིས་ས་གཞི་གྲ་སྒྲིག༌མཛད།།
[10] ས་ཡི་ཤུར་མོ་རྣམས་ལ་ཆུ་བཏང༌ཞིང༌། །སྒལ་གཞུང་རྣམས་ཀྱང་བདེ་བར་བསྙམས་པ༌དང༌། །ཆར་ཟིམ་གནང་ནས་ས་ཞིང་སོབ་སོབ༌བྱས། །ས་ལས་རྡོལ་བ་རྣམས་ལ་བྱིན་གྱིས༌རླབས།།
[11] ཁྱེད་ཀྱིས་ལོ་ཟླར་ཐུགས་རྗེའི་ཅོད་པན༌བསྐོན། །ཁྱེད་ཀྱི་ཕེབས་ལམ་རྣམས་སུ་སྣུམ་རྩི༌ཐིགས།།
[12] འབྲོག་གི་རྩྭ་སར་སྣུམ་དེས་ཁྱབ་པ༌དང༌། །རི་སྒང་རྣམས་ཀྱིས་དགའ་སྤྲོའི་སྐ་རགས༌བཅིངས།།
[13] ལུག་གི་ཁྱུ་ཡིས་རྩྭ་ཁ་ཁེབས་པ༌དང༌། །ལུང་པ་རྣམས་ནི་འབྲུ་ཡིས་ཁེངས་ནས༌ནི། །ཐམས་ཅད་དགའ་འབོད་བྱེད་ཅིང་གླུ་གཞས༌ལེན།།