[1] ཀྱེ་ཀྱེ་དཀོན་མཆོག་ཁྱེད་ཀྱིས་ངེད་རྣམས༌སྤངས། །ངེད་རྣམས་རྩ་ནས་གཏོར་ཅིང་ཐུགས་ཁྲོས༌སོ། །ད་ནི་ངེད་ཅག་ཡང་བསྐྱར་དར་བར༌མཛོད།།
[2] ཁྱེད་ཀྱིས་ས་ནི་འགུལ་ཞིང་གས་པར༌མཛད། །ས་གཞི་འགུལ་བས་སྲུབས་ཀ་གསབ་པར༌མཛོད།།
[3] ཁྱེད་ཀྱིས་ཉིད་ཀྱི་མི་རྒྱུད་སྡུག་ལ༌གཏད། །ཁྱར་ཁྱོར་བྱེད་པའི་རྒུན་ཆང་ང་ཚོར༌བླུད།།
[4] བདེན་པའི་དོན་དུ་ཡར་ལ་འདེགས་པའི༌ཕྱིར། །ཁྱེད་ལ་གུས་ཤིང་འཇིགས་པར་དར་ཆ༌གནང༌།།༼ སེ༌ལཱ། ༽
[5] ཁྱེད་ཀྱི་གཅེས་པའི་མི་རྣམས་ཐར་བའི༌ཕྱིར། །ཕྱག་གཡས་ངེད་རྣམས་སྐྱོབ་ཅིང་བཀའ་ལན༌གནོངས།།
[6] དཀོན་མཆོག་གིས་ནི་ཉིད་ཀྱི་གནས་དམ༌པར། །བདག་གིས་རྒྱལ་ཁའི་ངང་ནས་སི་ཀེམ༌བགོ །སོའུ་ཀོད་ལུང་པའི་ཚད་ཀྱང་འཇལ་འོང༌གསུངས།།
[7] གིལ་ཨད་དང་ནི་མཱ་ན་ཤེ་ངའི༌ཡིན། །ཨེ་ཕཱར་ཡིམ་ནི་ང་ཡི་རྨོག་ཡིན༌ཞིང༌། །ཡ་ཧུ་དཱ་ནི་ང་ཡི་ཁྲིམས་དབྱུག༌ཡིན།།
[8] མོ་ཨབ་བདག་གི་ཁྲུས་གཞོང་ཡིན་པ༌དང༌། །ཨེ་དོམ་ལ་ནི་ང་ཡིས་ལྷམ་གྱིས༌རྒྱག ། ཕེ་ལེ་ཤེད་པར་རྒྱལ་ཁའི་ཀི་སྒྲ༌སྒྲོག།
[9] སུ་ཡིས་ང་རང་གྲོང་ཁྱེར་བརྟན་པོར༌བསྐྱལ། །སུ་ཡིས་ང་རང་ཨེ་དོམ་ཡུལ་དུ༌ཁྲིད།།
[10] ཀྱེ་ཀྱེ་དཀོན་མཆོག་བདག་ཅག་མ་སྤངས༌སམ། །ངེད་ཅག་དམག་དཔུང་མཉམ་དུ་མི་ཕེབས༌སམ།།
[11] མི་ཡི་ར་མདའ་ཕན་མེད་ཡིན་པས༌ན། །དགྲ་བོ་འགོག་པར་ང་ཚོར་རོགས་རམ༌མཛོད།།
[12] ཁོང་གིས་དགྲ་རྣམས་ཞབས་འོག་བརྫི་འོང༌བས། །དཀོན་མཆོག་ནང་དུ་ང་ཚོས་དཔའ་ངར༌བསྐྱེད།།