[1] བླ་མེད་གཙོ་བོ་འཇིགས་སུ་རུང་བ༌དང༌། །ས་གཞི་ཡོངས་ཀྱི་རྒྱལ་ཆེན་ཡིན་པས༌ན། །མི་རྒྱུད་ཀུན་གྱིས་ཐལ་མོ་བརྡབས་ནས༌ནི། །དཀོན་མཆོག་ཉིད་ལ་དགའ་སྤྲོའི་ཀི་སྒྲ༌སྒྲོགས།།
[3] ཁོང་གིས་སྡེ་རྣམས་རང་ཅག་འོག་ཏུ༌བསྡུས། །མི་རྒྱུད་རྣམས་ཀྱང་ང་ཚོའི་རྐང་འོག༌བཅུག།
[4] ཁོང་གིས་གཅེས་སུ་འཛིན་པའི་ཡ་ཀོབ༌ཀྱི། །གཟི་དཔལ་ཡིན་པའི་ནོར་སྐལ་ང་ཚོར༌བདམས།།༼ སེ༌ལཱ། ༽
[5] ཀི་སྒྲའི་ཁྲོད་དུ་དཀོན་མཆོག་ཡར་འཕགས༌ཤིང༌། །དུང་སྐད་དང་བཅས་ཡ་ཝཱེ་ཡར་འཕགས༌སོ།།
[6] ཁྱོད་ཚོས་དཀོན་མཆོག་ཁོང་ལ་བསྟོད་དབྱངས༌ཕུལ། །ང་ཚོའི་རྒྱལ་པོར་བསྟོད་པའི་མགུར་མ༌ཕུལ།།
[7] དཀོན་མཆོག་ས་གཞི་ཡོངས་ཀྱི་རྒྱལ་པོ༌ཡིན། །དེའི་ཕྱིར་གོ་རྟོགས་དང་བཅས་ཁོང་ལ༌བསྟོད།།
[8] དཀོན་མཆོག་ཉིད་ཀྱིས་མི་རྣམས་དབང་དུ༌བསྒྱུར། །ཁོང་ནི་དམ་པའི་རྒྱལ་ཁྲིར་བཞུགས་པ༌ལགས།།
[9] ཨབ་ར་ཧམ་གྱི་དཀོན་མཆོག་མི་རྒྱུད༌བཞིན། །མི་སྡེའི་སྐུ་དྲག་རྣམས་ཀྱང་མཉམ་དུ༌འདུ། །ས་གཞིའི་ཕུབ་རྣམས་དཀོན་མཆོག་ཉིད་ཀྱི༌ཡིན། །ཁོང་ཉིད་རབ་ཏུ་འཕགས་པ་ལགས་པས༌སོ།།