[1] ብዛዕባ ነቶም ኣብ ይሁዳ ዘለዉ ኣመንቲ ዝኸውን ረድኤት ክጽሕፈልኩም ዘድሊ ኣይመስለንን።
[2] ክትሕግዙ ድልዋት ምዃንኩም እፈልጥ እየሞ። እቶም ኣብ ኣካይያ ዘለዉ ኣኅዋት ካብ ዓሚ ጀሚሮም ንምሕጋዝ ዝተዳለዉ እዮም እናበልኩ ኣብ ሰብ መቄዶንያ ተመኪሐልኩም እየ። እቲ ትግሃትኩም ከዓ ንብዙኃት ኣነቓቒሕዎም ኣሎ።
[3] እቲ ብዛዕባኻትኩም ዝተመካሕናዮ በዝ ተግባርዙይ ከንቱ ምእንቲ ኸይከውን ግና ኸምቲ ዝበልክዎ ተዳሊኹም ክትጸንሑ ነቶም ኣሕዋት ልኢኸዮም ኣለኹ።
[4] እዙይ ከዓ መቄዶናውያን ምሳይ እንተ መጹ እሞ ከይተዳለኹም እንተ ጸናሕኹም ብኣኻትኩም ብምምካሕና ንሕና ጥራሕ ዘይኮነስ ንስኻትኩምውን ከይትኃፍሩ ኢለ እየ።
[5] ስለዙይ ነቲ ኽትልግስዎ ዘተስፎኹምዎ ውህብቶ ኣቐዲሞም ምእንቲ ኸዳልዉ ነቶም ኣሕዋት ቀቅድመይ ናባኻትኩም ክኸዱ ጠየቕኩዎም። እዙይ ከዓ ፈቲኹም እምበር ተገዲድኩም ከም ዘይገበርኩምዎ ኸረድእ እዩ።
[6] እቲ ብውሑድ ዝዘርእ ብውሑድ ከም ዝዓጽድ እቲ ብብዙኅ ዝዘርእ ድማ ብብዙኅ ከም ዝዓጽድ ፍለጡ።
[7] እግዚኣብሔር ሕጉስ ወሃቢ እዩ ዝፈቱ እሞ ነፍስ ወከፍ እንተይፈተወ ወይ ብግዲ ዘይኮነስ ከምቲ ብልቡ ዝሓሰቦ የሃብ።
[8] -
[9] ከምቲ ቕዱስ መጽሓፍ ንድኻ ብልግሲ ሃበ፤ ጽድቁ ንዘለዓለም ይነብር ዝብሎ እግዚኣብሔር ከዓ ዘድልየኩም ኲሉ ረኺብኩም ብሠናይ ተግባር ኲሉ ብሉፃት ኴንኩም ምእንቲ ኽትርከቡ ጸጋ ኸብዝኀልኩም ይኽእል እዩ።
[10] እቲ ንዘራኢ ዘርኢ ንተመጋቢ ምግቢ ዝህብ ኣምላኽ ዘርኢ ክህበኩምን ከበርክተልኩምን ናይ ጽድቅኹም ፍረውን ከብዝኀልኩም እዩ።
[11] ኲሉ ጊዜ ለጋሳት ምእንቲ ኽትኮኑ ብዂሉ ወገን ከሀብትመኩም እዩ፤ እቶም ነቲ ውህብቶኹም ብኢድና ኣቢሉ ዝበጽሖም ድማ ንእግዚኣብሔር ከመስግኑ እዮም።
[12] እዝ ናይ ልግሲ ኣገልግሎትኩም ጐደሎ እቶም ቅዱሳን ምምላእ ጥራሕ ዘይኮነስ ሰብ ንእግዚኣብሔር ዝበለጸ ምስጋና ኸም ዘቕርብ ይገብር እዩ።
[13] እዝ ናይ ልግስኹም ኣገልግሎት ንስኻትኩም ነቲ ዝተቐበልኩምዎ ወንጌል ክርስቶስ እሙናት ከም ዝኾንኩምን ንኣኣቶምን ንዂሉ ሰብን ለጋሳት ከም ዝኾንኩም ስለ ዘረድእ ብዙኃት ንእግዚኣብሔር ከመስግኑ እዮም።
[14] ንሳቶም ንኣኻትኩም ይጽልዩልኩም እዮም። ስለቲ ኣባኻትኩም ዘሎ መጠን ዘይብሉ ጸጋ እግዚኣብሔር ክርእይኹም ይናፍቑ እዮም።
[15] ስለቲ ብቓል ክንገር ዘይከኣል ውህብቶኡ እግዚኣብሔር ይመስገን።