[1] Безгә үзебезне сезнењ алдыгызда яњадан мактаргамы? Яисә, кайберәүләр ѳчен кирәк булган кебек, сезгә яки сездән безгә хуплау хатлары кирәкме?
[2] Сез үзегез – күњелләребезгә язылган, бѳтен кеше белгән ћәм укыган хатыбыз.
[3] Мәсих хаты булуыгызны үзегез күрсәтәсез. Бу хат язу карасы белән түгел, тере Аллаћыныњ Рухы белән, таш такталарга түгел, бәлки кеше йѳрәгенењ такталарына хезмәтебез аша язылган.
[4] Мәсих аша Аллаћы каршында безнењ менә шундый ышанычыбыз бар.
[5] Безгә сәләт үзеннән-үзе килә дип дәгъва итә алмыйбыз: безнењ сәләт Аллаћыдан килә.
[6] Ул безне яња килешү хезмәтчеләре булырга сәләтле итте. Яња килешү, язылган канунга түгел, Рухка нигезләнгән, чѳнки язылган канун үтерә, ә Рух тормыш бүләк итә.
[7] Әгәр ташларга чокып язылган, үлем китерүче хезмәт шундый дан белән килгән ки, исраиллеләр Мусаныњ йѳзенә, хәтта аныњ даны югалып барса да, карый алмаганнар икән,
[8] ул чакта Рух хезмәте тагын да данлырак түгелме?
[9] Чѳнки кешене хѳкемгә китерүче хезмәт данлы икән, хаклыкка китерүче хезмәтнењ даны тагын да артыграк.
[10] Кайчандыр данлы булган берәр нәрсәнењ инде хәзер даны булмый, чѳнки аныњ урынына тагын да данлырак башка нәрсә бар.
[11] Чѳнки югала барган нәрсә данлы булган икән, мәњге дәвам итүче нәрсә тагын да данлырак.
[12] Менә шундый ѳметебез булганга, без зур кыюлык белән эш итәбез.
[13] Исраиллеләр югала барган данга карамасыннар ѳчен йѳзенә бѳркәнчек япкан Муса кебек түгел без.
[14] Әмма аларныњ башлары мињгерәүләнгән, чѳнки иске килешүне укыганда шундый ук бѳркәнчек бүгенгә кадәр аларныњ күњелләрендә кала. Ул бѳркәнчекне Мәсих кенә алып ташлый.
[15] Бүгенге кѳнгә кадәр, Муса кануны укылган саен, аларныњ күњелләрендә бѳркәнчек ята.
[16] Әмма Раббыга мѳрәҗәгать иткән чакта, бу бѳркәнчек алына.
[17] Раббы ул – Рух, ә Раббы Рухы булган җирдә – азатлык.
[18] Һәммәбезнењ йѳзеннән бѳркәнчек алып ташланганга, Раббыныњ данын кѳзгедәй чагылдырабыз. Без данда бер дәрәҗәдән икенче дәрәҗәгә үзгәртеләбез ћәм Аллаћыга охшаганнан-охшый барабыз, андый үзгәртү Раббыдан килә, ә Раббы ул – Рух.