<Дәстпебун 5

[1] Әв ә р'әqәма р'ьк'ьнйата Адәм, wе р'ожә гава Хwәде мәри хӧльqанд, дьлqе Хwәдеда әw чекьр,

[2] әw qьсьме мер у жьнеда хӧльqандьн у дӧа ль wан кьр, р'ожа хӧльqандьна wанда наве wан дани Мәри.

[3] Гава Адәм бу сәд си сали, кӧр'әки дьлqе wида у мина wи жер'а бу әwи наве wи дани Сет'.

[4] Пәй буйина Сет'р'а, Адәм һ'әйсьд сали жи ә'мьр кьр у гәләк кӧр' у qиз жер'а бун.

[5] У т'әмамийа р'ожед ә'мьре хwәда, Адәм нәсьд си сали ә'мьр кьр у мьр.

[6] Сет' жи кӧ бу сәд пенщ сали, Әнош жер'а бу.

[7] Пәй буйина Әношр'а, Сет' һ'әйсьд һ'әфт сали ә'мьр кьр у гәләк кӧр' у qиз жер'а бун.

[8] У т'әмамийа р'ожед хwәда Сет' нәсьд донздәһ сали ә'мьр кьр у мьр.

[9] Гава Әнош бу нод сали, Qенан жер'а бу.

[10] Пәй буйина Qенанр'а, Әнош һ'әйсьд панздәһ сали ә'мьр кьр у гәләк кӧр' у qиз жер'а бун.

[11] У т'әмамийа р'ожед хwәда Әнош нәсьд пенщ сали ә'мьр кьр у мьр.

[12] Гава Qенан бу һ'әфте сали, Маһалалел жер'а бу.

[13] Пәй буйина Маһалалелр'а Qенан һ'әйсьд чьл сали ә'мьр кьр у гәләк кӧр' у qиз жер'а бун.

[14] У т'әмамийа р'ожед хwәда Qенан нәсьд дәһә сали ә'мьр кьр у мьр.

[15] Гава Маһалалел бу шест пенщ сали, Йаред жер'а бу.

[16] Пәй буйина Йаредр'а Маһалалел һ'әйсьд си сали ә'мьр кьр у гәләк кӧр' у qиз жер'а бун.

[17] У т'әмамийа р'ожед хwәда Маһалалел һ'әйсьд нод пенщ сали ә'мьр кьр у мьр.

[18] Гава Йаред бу сәд шест дӧ сали, Һәнох жер'а бу.

[19] Пәй буйина Һәнохр'а Йаред һ'әйсьд сали ә'мьр кьр у гәләк кӧр' у qиз жер'а бун.

[20] У т'әмамийа р'ожед хwәда Йаред нәсьд шест дӧ сали ә'мьр кьр у мьр.

[21] Гава Һәнох бу шест пенщ сали, Мәтушәла жер'а бу.

[22] Пәй буйина Мәтушәлар'а Һәнох сесьд сали р'ийа Хwәдеда дьчу у гәләк кӧр' у qиз жер'а бун.

[23] У т'әмамийа р'ожед хwәда Һәнох сесьд шест пенщ сали ә'мьр кьр.

[24] Һәнох р'ийа Хwәдеда дьчу у ньшкева бу qати, чьмки Хwәде әw һьлдабу.

[25] Гава Мәтушәла бу сәд һ'әйште һ'әфт сали, Ламәх жер'а бу.

[26] Пәй буйина Ламәхр'а, Мәтушәла һ'әфсьд һ'әйште дӧ сали ә'мьр кьр у гәләк кӧр' у qиз жер'а бун.

[27] У т'әмамийа р'ожед хwәда Мәтушәла нәсьд шест нәһә сали ә'мьр кьр у мьр.

[28] Гава Ламәх бу сәд һ'әйште дӧ сали, кӧр'әк жер'а бу,

[29] әwи наве wи дани Нӧһ у гот: «Әве мә жь кьред мә у жь щәфед мәйә гьран ль сәр ви ә'рди р'ьһ'әт кә, к'ижан кӧ Хӧдан ньфьр' ле кьрьбу».

[30] Пәй буйина Нӧһр'а, Ламәх пенсьд нод пенщ сали ә'мьр кьр у гәләк кӧр' у qиз жер'а бун.

[31] У т'әмамийа р'ожед хwәда Ламәх һ'әфсьд һ'әфте һ'әфт сали ә'мьр кьр у мьр.

[32] Гава Нӧһ бу пенсьд сали, Нӧһр'а Сам, Һам у Йәфәт бун.