[1] Әв ә сәрәщәма р'ьк'ьнйата Әсаw, аwа готи Әдом.
[2] Әсаw qизед кәнанийа хwәр'а хwәстьн: Ә'даһа qиза Ейлоне һ'ити у Оһоливамайа qиза Ә'найе кӧр'е Сивоне һ'иwи.
[3] у qиза Исмайил, хушка Небайот, Басмәт'.
[4] Ә'даһе Әсаwр'а Әлифаз ани. Басмәт'е Р'ьһуел ани,
[5] Оһоливамайе Йәһуш, Йалам у Qорах анин. Әв ьн кӧр'ед Әсаw, йед кӧ wәлате Кәнанеда жер'а бун.
[6] Әсаw р'абу жьнед хwә, кӧр' у qизед хwә у һ'әму мәрьвед мала хwә, кәри у гар'анед хwә, һ'әму һ'әйwанед хwә у һ'әму һәбука хwәйә кӧ wәлате Кәнанеда qазьнщ кьрьбу һьлдан, жь р'уйе бьре хwә Аqубда чу wәлатәки дьн.
[7] Чьмки һәбука wан гәләк бу, нькарьбун һәвр'а бьмана, wәлате кӧ әw теда чаwа хәриб дьман, т'ера wан нәдькьр жь дәст кәри у гар'анед wан.
[8] Әсаw, аwа готи Әдом, ль ч'ийайе Сеһире щи-wар бу.
[9] Әв ә сәрәщәма р'ьк'ьнйата Әсаwе баве әдомийа, ль сәре ч'ийайе Сеһире.
[10] Наве кӧр'ед Әсаw әв ьн: Әлифаз, кӧр'е Әсаwи жь Ә'даһе. Р'ьһуел, кӧр'е Әсаwи жь Басмәт'е.
[11] Кӧр'ед Әлифаз, Теман, Омар, Сьпо, Гәт'ам у Qьназ бун.
[12] Т'имна, щарийа Әлифазе кӧр'е Әсаw бу, әwе жи Әлифазр'а Амалек ани. Әв бун кӧр'ед Ә'даһа жьна Әсаw.
[13] Кӧр'ед Р'ьһуел әв ьн: Наһ'ат, Зәраһ, Шамма у Мисаһ, әв бун кӧр'ед Басмәт'а жьна Әсаw.
[14] Кӧр'ед Әсаw, йед кӧ Оһоливамайа qиза Ә'найе кӧр'е Сивоне Әсаwр'а анин, әв ьн: Йәһуш, Йалам у Qорах.
[15] Әв ьн баве бәрәкед зар'ед Әсаw. Бавед бәрәкед зар'ед Әлифазе кӧр'е Әсаwи ньхӧри, әв бун: Баве бәрәка хwә Теман, баве бәрәка хwә Омар, баве бәрәка хwә Сьпо, баве бәрәка хwә Qьназ,
[16] баве бәрәка хwә Qорах, баве бәрәка хwә Гәт'ам, баве бәрәка хwә Амалек. Әвана ль wәлате Әдомеда бавед бәрәкед Әлифаз бун, кӧр'ед Ә'даһе бун.
[17] Әв ьн зар'ед Р'ьһуел кӧр'е Әсаw: Баве бәрәка хwә Наһ'ат, баве бәрәка хwә Зәраһ, баве бәрәка хwә Шамма, баве бәрәка хwә Мисаһ. Әвана ль wәлате Әдомеда бавед бәрәкед Р'ьһуел бун, кӧр'ед Басмәт'а жьна Әсаw бун.
[18] Әв ьн кӧр'ед Оһоливамайа жьна Әсаw: Баве бәрәка хwә Йәһуш, баве бәрәка хwә Йалам, баве бәрәка хwә Qорах. Әвана бун баве бәрәкед зар'ед Оһоливамайа жьна Әсаw, qиза Ә'найе.
[19] Әв ьн кӧр'ед Әсаw, аwа готи Әдом у әв ьн миред wан.
[20] Әв ьн кӧр'ед Сеһире һ'ори, кӧ ль wи wәлатида дьман: Лотан, Шовал, Сивон, Ә'на,
[21] Дишон, Әсәр у Дишан. Әв ьн кӧр'ед Сеһир, баве бәрәкед һ'орийа wәлате Әдомеда.
[22] Кӧр'ед Лотан Һ'ори у Һеймам бун, хушка Лотан Т'имна бу.
[23] Кӧр'ед Шовал әв бун: Ә'лwан, Манаһ'ат', Әйбал, Шьфо у Онам.
[24] Кӧр'ед Сивон әв бун: Айа у Ә'на. Әва әw Ә'на бу, йе кӧ ль чоле канийед авед гәрм дитьбун, гава к'әред баве хwә Сивон дьч'ерандьн.
[25] Әв ьн зар'ед Ә'на, Дишон у Оһоливама qиза Ә'на.
[26] Әв ьн кӧр'ед Дишон: Һ'әмдан, Әшбан, Ит'ран у К'ьран.
[27] Әв ьн кӧр'ед Әсәр: Билһан, Заһаван у Әкан.
[28] Әв ьн кӧр'ед Дишан: Ус у Аран.
[29] Әв ьн баве бәрәкед һ'орийа: Баве бәрәка хwә Лотан, баве бәрәка хwә Шовал, баве бәрәка хwә Сивон, баве бәрәка хwә Ә'на,
[30] баве бәрәка хwә Дишон, баве бәрәка хwә Әсәр, баве бәрәка хwә Дишан. Әв ьн баве бәрәкед һ'орийа, ль wәлате Сеһиреда, ль гора бавә'ширед бәрәкед хwә.
[31] Әв ьн әw п'адшайед кӧ wәлате Әдомеда, бәри п'адшайе исраелийайи ә'wльн, п'адшати кьрьн.
[32] Бәлайе кӧр'е Бәур ль сәр Әдоме п'адшати кьр. Наве бажаре wи Динһава бу.
[33] Бәла мьр, дәwса wи Йоваве кӧр'е Зәраһе Бозрайи п'адшати кьр.
[34] Йовав мьр, дәwса wи Һ'ушаме жь wәлате тәманийа п'адшати кьр.
[35] Һ'ушам мьр, дәwса wи Һададе кӧр'е Бәдад п'адшати кьр, йе кӧ ль т'опраха Моwабеда qьр'а Мьдйана ани. Наве бажаре wи Ә'wит' бу.
[36] Һадад мьр, дәwса wи Самлайе жь Масреqайә п'адшати кьр.
[37] Самла мьр, дәwса wи Шаwуле жь Р'әһ'обот'а дәве ч'ем п'адшати кьр.
[38] Шаwул мьр, дәwса wи Баә'л-Һәнане кӧр'е Әк'бор п'адшати кьр.
[39] Баә'л-Һәнане кӧр'е Әк'бор мьр, дәwса wи Һадар п'адшати кьр. Наве бажаре wи Паһу бу. Наве жьна wи Мьһетабел бу, әва qиза Матред, нәбийе Ме-Заһаве бу.
[40] Әв ьн наве бавед бәрәкед кӧ жь Әсаw бунә, ль гора бәрәк у щийед хwә навед хwәва: Баве бәрәка хwә Т'имна, баве бәрәка хwә Ә'лwаһ, баве бәрәка хwә Йәт'ет,
[41] баве бәрәка хwә Оһоливама, баве бәрәка хwә Елаһ, баве бәрәка хwә Пинон,
[42] баве бәрәка хwә Qьназ, баве бәрәка хwә Теман, баве бәрәка хwә Мибсар,
[43] баве бәрәка хwә Магдийел, баве бәрәка хwә Ирам. Әв ьн баве бәрәкед Әдоме ль гора щи-wаред хwә у wәлате мьлк'е хwәда. Әсаw баве әдомийа йә.