[1] Исраел һ'әму һәбука хwә һьлда у һатә Бир-Шевайе. Ль wьр гори Хwәдейе баве хwә Исһаqр'а дан.
[2] Хwәде шәв дитьнокеда Исраелр'а хәбәрда у гот: «Аqубо! Аqубо!» Әwи гот: «Әзи ва мә».
[3] Хwәде гот: «Әз Хwәде мә, Хwәдейе баве тә мә, жь бәржерчуйина Мьсьре нәтьрсә. Чьмки әзе тә ль wе дәре бькьмә мьләтәки мәзьн.
[4] Әзе хwәха т'әви тә бәржери Мьсьре бьм у әзе хwәха тә диса һәвраз биньм, Усьве дәстед хwә дайнә ль сәр ч'ә'вед тә».
[5] Аqуб жь Бир-Шевайе р'ек'әт, кӧр'ед Исраел баве хwә Аqуб, жьн у зар'окед хwә ль wан ә'рәбед кӧ Фьрәwьн wанр'а шандьбун кӧ пе һәр'ьн, һьлдан бьрьн.
[6] Аqуб т'әви т'әмамийа зӧр'әта хwә, һ'әйwанед хwә у әw һәбука хwә, йа кӧ ль wәлате Кәнанеда т'оп кьрьбун һьлдан һатьнә Мьсьре.
[7] Әwи т'әви хwә кӧр' у qизед хwә нәбийед хwә, т'әмамийа зӧр'әта хwә хwәр'а анинә Мьсьре.
[8] Әв ьн наве wан кӧр'ед Исраел, йед кӧ һатьнә Мьсьре. Аqуб у кӧр'ед хwәва. Ньхӧрийе Аqуб Р'убен бу.
[9] Кӧр'ед Р'убен: Һәнох, Паллу, Һәсрун у К'арми бун.
[10] Кӧр'ед Шьмһ'ун: Йәмуел, Йамин, Оһад, Йахин, Сохар бун у кӧр'е жьна кәнани Шаwул бу.
[11] Кӧр'ед Леwи: Гершон, Qоһат' у Мерари бун.
[12] Кӧр'ед Щьһуда: Әр, Онан, Шелаһ, Перес у Зәраһ бун (ле Ә'р у Онан wәлате Кәнанеда мьрьн ) у кӧр'ед Перес: Һәсрун у Һамул бун.
[13] Кӧр'ед Исахар: Т'ола, Пуа, Йашув у Шимрон бун.
[14] Кӧр'ед Зәбулон: Сәред у Елон у Йалйел бун.
[15] Әв бун кӧр'ед Леайе, йа кӧ әwе Паддан-Арамда Аqубр'а анин, ӧса жи qиза wи Дина. Т'әмамийа кӧр' у qизава си у се нәфс бун.
[16] Кӧр'ед Гад: Сифйон, Һагги, Шуни, Әсбон, Ә'ри, Ароди у Арели бун.
[17] Кӧр'ед Ашер: Имна, Ишwа, Ишwи, Бьриһа у хушка wан Сәрах бун. Кӧр'ед Бьриһа: Һ'әбәр у Малк'ийел бун.
[18] Әв бун кӧр'ед Зилпайе, йа кӧ Лабан да qиза хwә Леайе у әwе шанздәһ нәфс Аqубр'а анин.
[19] Кӧр'ед Р'аһела жьнә Аqуб: Усьв у Бьнйамин бун.
[20] Усьвр'а жи ль wәлате Мьсьре, жь Аснат'а qиза Поти-Пәрайе т'әреqе бажаре Оне Мьнашә у Әфрайим бун.
[21] Кӧр'ед Бьнйамин: Бәла, Бәк'ьр, Ашбел, Гера, Нә'ман, Еһи, Р'ош, Мупим, Һ'упим у Ард бун.
[22] Әв бун кӧр'ед Р'аһеле, йед кӧ Аqубр'а бун, һ'әму ль сәрһәв чардәһ нәфс бун.
[23] Кӧр'е Дан: Һ'ушим бу.
[24] Кӧр'ед Нәфтәли: Йасйел, Гуни, Йесәр у Шиллем бун.
[25] Әв бун кӧр'ед Билһайе, йа кӧ Лабан дабу qиза хwә Р'аһеле. Әwе гьшк ль сәрһәв һ'әфт нәфс Аqубр'а анин.
[26] Һ'әму нәфсед кӧ жь бәдәна Аqуб бьбун һатьнә Мьсьре, пештьри жьнед кӧр'а шест у шәш нәфс бун.
[27] Усьвр'а жи дӧ кӧр' Мьсьреда бьбун, гава Аqуб нәфәред хwәва чу Мьсьре, әw һ'әфте нәфс бун.
[28] Аqуб Щьһуда пешийе шандә щәм Усьв, кӧ әw р'ийа Гошәне нишани wи кә. У әw һатьнә т'опрахе Гошәне.
[29] Усьв ә'рәба хwә һазьр кьр, р'абу чу Гошәне пешийа баве хwә Исраел, гава ч'ә'в wи к'әт, хwә авитә стӧкӧра wи у еп'ещә wәхт стӧкӧра wида гьрийа.
[30] Һьнге Исраел готә Усьв: «Ньһа әз мьрьна хwә р'ази мә, чьмки ч'ә'ве мьн ль ч'ә'ве тә к'әт, кӧ тӧ һе сах-сьламәт и».
[31] Усьв бьрайед хwә у малбаванед хwәр'а гот: «Әз р'абьм һәвраз һәр'ьм, Фьрәwьнр'а гьли кьм у бежьме: ‹Бьрайед мьн у малбаванед мьн, кӧ Кәнанеда дьман, һатьнә щәм мьн.
[32] Әw мәрьвана шьван ьн, чьмки р'енщбәр ьн, пәз у дәwаред хwә у һ'әму һәбука хwә хwәр'а анинә›.
[33] Ле гава Фьрәwьн гази wә кә у жь wә бьпьрсә: ‹Һун хwәйе чь п'ешәйи нә?›
[34] Һун wир'а бежьн: ‹Әм, хӧламед тә, жь зар'отийа хwәда һ'әта ньһа, әм жи кал-бавед мә жи, р'енщбәр бунә›, wәки һун т'опрахед Гошәнеда бьминьн. Чьмки ль щәм мьсьрийа шьванти һ'әрами йә».