[1] Ngài yu khon-tó yit-ke chhin yû-li̍t ke thiên-sṳ́ tui thiên kong hâ-lòi. Kì phî-tén yùn, thèu-nà-táng yû kiûng vì-tén; kì ke mien chhiong ngit-thèu, sûng-kiok chhiong chho̍k-fó ke chhû-é.
[2] Kì ke sú nâ-tén yit-kién tá-khôi ke se sû; yu-kiok tha̍p chhai hói-mien, chó-kiok tha̍p chhai thi-song.
[3] Kì thai-sâng hêm, chhiong sṳ̂-é ke ho-sâng; kì yit hêm, chhiu yû chhit-chak lùi-kûng en sâng.
[4] Ngài tú-tú sióng-oi chiông chhit-chak lùi-kûng só-kóng ke fa siá hâ-lòi, yû sâng tui thiên-táng chhut-lòi, kóng: “Chhit-chak lùi-kûng só-kóng ke fa, ngì oi ngiàm sú pi-me̍t, m̀-hó siá hâ-lòi!”
[5] Liá-ke sṳ yî-heu, ngài só khon-tó, ke khî chhai hói-mien lâu thi-song ke thiên-sṳ́ hiong thiên khià-hí kì ke yu-sú,
[6] chṳ́-tén ke chhóng-chho thiên, thi, hói, lâu khì-chûng van-vu̍t ke yún-sên Song-ti fat-sṳ kóng: “M̀-voi chai yèn-chhàn lé!
[7] Thi-chhit-ke thiên-sṳ́ phùn ho-thùng ke sṳ̀, Song-ti ke o-pi chhiu oi sṳ̍t-hien, chhiong Kì tui chhṳ-kâ ke phu̍k-ngìn — chhiu-he chung siên-tî só siên-ko ke.”
[8] Heu-lòi, ngài thâng-tó ke siên-chhièn tui thiên-táng chhut-lòi ke sâng yu tui ngài kóng: “Ngì hi, chiông khî chhai hói-mien lâu thi-song ke thiên-sṳ́ sú-chûng ke-kién tá-khôi ke sû nâ-lòi.”
[9] Ngài hàng ko-hi, chhiáng ke thiên-sṳ́ chiông ke-kién se sû kâu-pûn ngài. Kì tui ngài kóng: “Nâ-hi, sṳ̍t-lo̍k-hi! Ngì ke tú-sṳ́ voi kám-kok fú-fú, chúng-he choi voi chhiong phûng-thòng án thiàm.”
[10] Ngài tui thiên-sṳ́ sú-chûng chiông ke-kién se sû chiap-ko-lòi, sṳ̍t-lo̍k-hi, choi-tú chṳn-kîn chhiong phûng-thòng án thiàm, chúng-he ngài thûn-lo̍k-hi yî-heu, tú-sṳ́ chhiu kám-kok fú-fú.
[11] Thiên-sṳ́ yu tui ngài kóng: “Song-ti tui tak-ke mìn-chhu̍k, tak-ke koet-kâ, kok-chúng ngî-ngièn ke ngìn, lâu ke-têu kiûn-vòng só-kóng ke yi-ngièn, ngì yit-thin oi chai siên-pu yit-pái.”