[1] Só-lò-mùn ke â-pâ Thai-ví yí-kîn vi sṳn-thien chún-phi yit-ke só-chhai, chhiu-he chhai Yâ-lu-sat-lâng ke Mô-li-â sân-táng — Song-chú sṳt hiong Thai-ví hién-hien ke só-chhai, chhiu-he Yâ-pu-sṳ̂-ngìn Â-lò-nâ ke tá-ma̍k-chhòng.
[2] Só-lò-mùn cho vòng ke thi-si ngièn ngi-ngie̍t chhû-ngi khôi-kûng hí sṳn-thien.
[3] Só-lò-mùn hí Song-ti sṳn-thien ke thi-kî, yû ngi-sṳ̍p chhit kûng-chhak chhòng, kiú kûng-chhak fat.
[4] Ngi̍p mùn-héu ke mùn-lòng lâu sṳn-thien phiàng-fat, fat kiú kûng-chhak, kô kiú kûng-chhak. Mùn-lòng nui-phu chhiòn-phu tap sùn-kîm.
[5] Thai-thien ke piak tâng yit-phài hiông-pak-su piông, chai tap sùn-kîm, táng-kô tiâu-khiet chûng-su lâu lien-é ke thù-on.
[6] Vòng yung chhin-chiâng ke pó-sa̍k lâu tui Pâ-ngá-yîm chin-khiéu ke kîm-é chông-fòng sṳn-thien.
[7] Kì yung kîm-é tap sṳn-thien ke piak, liòng, mùn lâu mùn-khiâm. Sṳ̂-fu chhai piak-táng tiâu-khiet kî-lu-pak.
[8] Chṳ-sṳn-só ke nui-thien yû kiú kûng-chhak chhòng, kiú kûng-chhak fat, lâu sṳn-thien phiàng-fat. Chṳ-sṳn-só piak-táng só-tap ke kîm-é yû ngi-sṳ̍p kûng-tún.
[9] Kîm tâng-é yung-thet ńg-pak chhit-sṳ̍p kûng-khiet. Lèu-fòng ke piak ya yû tap kîm-é.
[10] Vòng yu min-lin sṳ̂-fu cho lióng-ke kî-lu-pak, ngoi-poi pâu-tén kîm-é, piong chhai chṳ-sṳn-só tî-poi.
[11] Liá lióng-ke kî-lu-pak phiàng-phiàng khî-tén, mien-tui ngi̍p-héu; tak-ke kî-lu-pak yû lióng-chak yi̍t-kap, tak-chak yi̍t-kap yû lióng kûng-chhak lióng kûng-chhun chhòng, lióng-tui yi̍t-kap tá-khôi, chhai thien ke chûng-kiên fu-siông chiap-tó, lióng-phién tu̍t-tó piak, thai-yok kiú kûng-chhak fat.
[14] Chṳ-sṳn-só ke pu-mok he yung mà-sâ lâu khì-thâ chhòi-liau cho ke, ngiam-cho làm-set, chṳ́-set, fùng-set, yû kî-lu-pak ke thù-on chhiak chhai táng-kô.
[15] Vòng ham-ngìn cho lióng-kî thùng-chhû, tak-kî kô sṳ̍p-ńg kûng-chhak pan, tun chhai sṳn-thien thèu-chhièn. Tak-kî yû yit-chak chhû-thèu, kô lióng kûng-chhak lióng kûng-chhun.
[16] Thùng-chhû thèu ôn-tén yû piên-chṳt ke lien-é thù-hìn, lien-é táng yû yit-pak chak thùng sa̍k-liù.
[17] Liá lióng-kî thùng-chhû tun chhai sṳn-thien ngi̍p-héu ke lióng-phién, nàm-phién ke-kî ham-cho Ngâ-kîn, pet-phién ke-kî ham-cho Pô-â-sṳ̂.