[1] Yok-thán ngi-sṳ̍p ńg-se ke sṳ̀ cho vòng, chhai Yâ-lu-sat-lâng thúng-chhṳ sṳ̍p-liuk ngièn. Kiâ-mê ôn-to Yâ-lu-sâ, he Sat-tuk ke moi-é.
[2] Yok-thán hàng Song-chú khon-cho chho̍k ke sṳ, ho̍k kiâ-pâ Vû-sî-ngâ ke mù-yong, chúng-he mò chhiong kiâ-pâ ngi̍p-hi sṳn-thien sêu-hiông lòi fam-chhui. Ngìn-mìn hàn-he ki-siu̍k fam-chhui.
[3] Yok-thán hí Song-chú sṳn-thien ke pet-mùn, yu chhai Yâ-lu-sat-lâng ke Ngò-fî-le̍t kâ-hí sàng-chhiòng.
[4] Kì chhai Yù-thai ke sân-khî kien-sat sàng-chṳ́n, chhai sân-lìm tú hí sàng-pó lâu sú-mong-thòi.
[5] Yok-thán kûng-tá Â-mùn-vòng lâu kì ke kiûn-chhui, tá-yàng kì-têu, khiòng-pet Â-mùn-ngìn hiong kì chin-kung sâm-ngièn, tak-ngièn oi kiéu sâm-chhiên si-pak kûng-kîn ngiùn-è, yit-chhiên kûng-tún séu-ma̍k, yit-chhiên kûng-tún thai-ma̍k.
[6] Yok-thán yit-ngit pí yit-ngit khiòng-thai, yîn-vi kì chûng-sîm sun-chhiùng Song-chú — kì ke Song-ti.
[7] Yok-thán chhai-vi khì-kiên khì-thâ ke sṳ, chan-chên, chṳn-chhet tén, chhiòn-phu ki chhai Yî-set-lie̍t lâu Yù-thai Lie̍t-vòng Sṳ́ tî-poi.
[8] Yok-thán ngi-sṳ̍p ńg-se ke sṳ̀ cho vòng; kì chhai Yâ-lu-sat-lâng thúng-chhṳ sṳ̍p-liuk ngièn.
[9] Yok-thán sí-heu chong chhai Thai-ví-sàng; kì ke lai-é Â-ha̍p-sṳ̂ sṳ̀n-chiap kì cho vòng.