[1] Kanaaf, koottaa qaraatii jalqabaa tan waa'ee Kiristoos nama barsiiftu bira dabarree, gara bilchalatti haa deemnuu; barsiisa hojii du'atti nama geeysan irraa toowbachuu dhaa, ammaas irra deebinee bu'uruu fi waa'ee Rabbitti amanuu irraas, deddeebi'uu haa dhiifnuu!
[2] Barsiisa waan cuuphaa dhaa, waan harka nama irra kaayuu, waan du'aa ka'uu tii fi ammaas waan firdii abadiis, bira haa dabarruu!
[3] Yoo Rabbi jedhe, waan biraatti dabarraa huu.
[4] Warri takka ifa arke, kanneen kannaa samii irraa dhamdhaman, kanneen Ruuhal Qudus irraa hirmaatan,
[5] gaarummaa Qoowlii Rabbii tii fi, ammaas qiwwaa zamana hegeree dhufuuf deemtuu warra dhamdhamaniif,
[6] eegaa, warri akkanaa kun amantii irraa garagallaan, toowbatanii haarayoomuun isaaniif hin dandayamu; isaan deebisanii Ilma Rabbii fannisuu dhaan zaahiritti isa tuffatamsiisanii ti jiru.
[7] Lafti, rooba wayta hedduu irratti roobu dhuydee, oomisha faaydaa qabu warra qotate saniif tan kannitu, Rabbi irraa eeyba arkatti.
[8] Ammoo lafti qoree fi balaanwaraantii magarsitu faaydaa hin qabdu, abaaramuu tu isiif sodaachisa; dhuma irrattiis ni gubamti.
[9] Nuti akkanatti haa dubbannuu malee, yaa saahibban koo, haalli keeysan hammana odoo hin hammaatin, najaata bahuu dhaa fuu akka geeysan amantaa dha qabna.
[10] Rabbi, hojii teeysanii fi maqaa isaa tiif, kiristaanota gargaaruu irratti jaalala agarsiiftaniis, inni Abbaa haqaa waan taheef jecha, kan irraanfatuu miti; ammaas taanaan, gargaarumatti jirtu.
[11] Hundi keeysanuu, abdii teeysan mirkaneeysuuf, hamilee teeysan tana hanga xumuraatti akka agarsiiftan barbaanna.
[12] Isin, masluufoota odoo hin tahin, fakkeenya warra amantii fi obsaan, waan abdachiifame san arkatanii, fudhatan fakkaattanii akka jiraattan hawwina.
[13] Rabbi, Abrahaamiif wayta abdii kanneef, ittiin kakachuuf maqaa isaa irra kan caalu, waan hin jirreef jecha, matuma ifii isaa tiini kakate.
[14] Abdichi kakuu dhaan kannamees: “Ani dhugumaaniin si eeybisa, shanyii tee tiis niin hoddomeeysa” kan jedhu ture.
[15] Abrahaamiis akka kanatti obsaan eeggatee ti, waan Rabbi isa abdachiise arkate.
[16] Namoonni waan isaan irra caaluun kakatu; kakuuniis waan jedhame mirkaneeysuu dhaan falamaa hundumaa ni cufti.
[17] Rabbi, akeekni isaa kan hin jijjiiramne tahuu isaa, warra waan abdachiifame san dhaaluuf qaceellotti ibsuuf barbaadee ti kakuu dhaan mirkaneeyse.
[18] Rabbi kijibuu hin dandayu; inni abdii fi irbuu hin jijjiiramne, kanneen lamaaniin jabaannee akka cimnu barbaade; akkasitti nuti warri isatti baqanne, abdii nu dura kaayamte san akka harkaan gayannuuf, hedduu dha nu jajjabeeysa.
[19] Nutiis, abdii amanamtuu akka gadhooggaa sibiilaa, kan lubbuu teenya qabee sabachiisu qabna; abdiin tuniis, tan inumaatuu golga duubaan, bakka hundumaa irra caalaa qulqulluu taate san tan seentuu dha.
[20] Bakki sun, tan Yesuus akkuma lubummaa Malkiisedeeqitti, bara baraaf angafa lubootaa tahee, dura deemee nuuf jecha seene.