[1] Kanaaf, nuti tajaajila kana araara Rabbii tiin waan arganneef jecha, abdii hin kutannu.
[2] Akkanaa mannaa, waan namni itti qaanfatee dhooysu nuti hin goone, shaaxirummaas dhiifne, ammaas Qoowlii Rabbii tiis hin jajallifnu. Karaa kaaniin ammoo, dhugaa zaahir baasuu dhaan, fuula Rabbii duratti xalalii nama hundaatti if dhiheeysina.
[3] Wangeelli nuti lallabnu yoo hagoogame ammoo, warra karaa badii irra jiran qofa duraa hagoogame.
[4] Kiristoosuma guutuu bifa Rabbii taheen mormuun, mootiin waytanaa Sheeyxaanni, qalbii warra amantii hin fudhatinii doomsee, isaan ifa durrii ulfina Wangeela Kiristoos akka hin agarre godhuuf, hangullaa isaanii jaamsee ti jira.
[5] Nuti, “Yesuus Kiristoos Gooftaa dha” jennee ti labsina malee, mataa keenya if hin labsinu; ifii keenya ammoo Yesuusiif jecha isiniif gabroota if goone.
[6] Rabbuma kan, “Dukkana keeysaa ifni haa ifu!” jedhee tu, ifni isaa qalbii teenya keeysatti akka ifu godhe; kanaas ifaa beekumsa durrii ulfina Rabbii, kan fuula Kiristoos keeysatti walaqqisu nuuf kannuuf godhe.
[7] Nuti ammoo badhaadhummaa tana okkotee biyyee keeysatti qabna; tuniis humniti hizaaba hin qabne tun, teenya odoo hin tahin, tan Rabbii tahuu isiiti agarsiifti.
[8] Karaa hundumaan ni hacuucamna, ammoo hin bururuynu; nu dura facaati, ammoo abdii hin kutannu.
[9] Ni reebamna, ammoo hin hadiyyoomnu, lafaan dhawamna, ammoo achumaan hin badnu.
[10] Jireenyi Yesuus jasada keenya keeysatti akka mullifamuuf jecha, hoggayyuu jasada keenya keeysatti du'a Kiristoosi baadhanna.
[11] Jireenyi Yesuus jasada keenya kan du'u kana keeysatti akka mullifamuuf jecha, nuti oduma lubbuun jiraannuu, Kiristoosiif jecha hoggayyuu du'atti dabarfamnee kannamaa ti jirra.
[12] Akkanaan duuti nu keeysatti hojjachaa ti jirti; jireenyi ammoo isin keeysa.
[13] Barreeyfama Qulqulluu keeysatti, “Niin amane, ammaas niin dubbadhe” jedha; nutiis haaluma sanitti Kiristoos waan amanneef jecha, callisuu hin dandeenye.
[14] Rabbi kan Gooftaa Yesuus du'aa kaase, nuus ammaas Yesuus wajjiin akka kaasuu fi ammaas isin wajjiin if bira akka nu geeysuus ni beeyna.
[15] Kun hundinuu faayduma teeysaniif; ni'imaa Rabbii caalatti namoota hedduu geeysee, tanaan hamdiin durrii ulfina Rabbii tiif dhihaattu hoddommaattee akka dhangalaatuufi.
[16] Eegasuu nuti gonkumaa abdii hin kutannu, namummaan teenya tan jasadaan mullattu tun gadi dhumaa yoo deemte illee, namummaan teenya tan keeysaa, guyyuu haarayoomaa ti deemti.
[17] Rakkinni sablaan amma waytuma gabaabduuf baadhannu kun, durrii ulfina ilaa-abad, tan hizaaba hin qabne nuuf qopheeysutti jira.
[18] Kanaaf nuti ija teenya waan mullatu irratti odoo hin tahin, waan hin mullanne irratti dhaabna; wanni mullatan kanneen waytumaafi, wanni ijatti hin mullanne ammoo, waan bara baraa ti.