[1] Ayiwa kogo jɔra ka ban, ne ye konw don a daw la. Dakɔlɔsibaaw ni dɔnkili dalaw ani Levitew sigira u ka baara daw la.
[2] O bɛɛ kɛlen kɔ, ne ye ne balimakɛ Hanani ani kube kuntigi Hanania sigi Jerusalɛm kun na, katuguni Hanania tun ye dannamɔgɔ ye. A tun bɛ siran Ala ɲɛ ka tɛmɛn mɔgɔ caman kan.
[3] Ne y'a fɔ u ye ko Jerusalɛm daw kana yɛlɛ sani tile ka gwan, ko a daw ka tugu ka sɔgɔ wula fɛ sani kɔlɔsibaaw ka bɔ yen. U ka Jerusalɛmka dɔw sigi ka kɔlɔsili kɛ, u bɛɛ kelen-kelen ka kɔlɔsili kɛ u ka yɔrɔw la u ka sow kuntilenna la.
[4] Dugu kɔnɔ tun ka bon, a mɔgɔ tun man ca. Sow tun ma jɔ fɔlɔ.
[5] Nka Ala y'a bila ne dusukun na ko ne ka mɔgɔ tɔgɔbaw ni kuntigiw ani mɔgɔw lajɛ ɲɔgɔn fɛ, walisa u ka dan buruju-buruju. Mɔgɔ minw nana fɔlɔfɔlɔ, ne ye olu buruju sɛbɛn yen. Ne ye min sɛbɛnnen ye, o filɛ nin ye.
[6] Babilonɛ masakɛ Nebukadnezar ye Juda mɔgɔ minw cɛ ka taa ni u ye Babilonɛ, o mɔgɔ minw bɔra jɔnya la ka kɔsegin Jerusalɛm ni Juda jamana la, walisa u bɛɛ kelen-kelen ka taa u ka duguw la, olu filɛ ninw ye.
[7] Zorobabɛl ni Josue ni Nehemi ni Azaria ni Ramia ni Nakamani ni Mardose ni Bilsan ni Misperɛt ni Bigvai ni Nehum ani Bana ye u ɲɛ minɛ ka na. Israɛl siya cɛw dama filɛ ninw ye.
[8] Pareos bɔnsɔnw kɛra mɔgɔ waa fila ni kɛmɛ ani biwolonwula ni mɔgɔ fila ye.
[9] Sefatia bɔnsɔnw kɛra mɔgɔ kɛmɛ saba ni biwolonwula ni fila ye.
[10] Arak bɔnsɔnw kɛra mɔgɔ kɛmɛ wɔɔrɔ ni biduuru ni fila ye.
[11] Pakat-Moab bɔnsɔnw, olu ye Josue ni Joab bɔnsɔnw ye, olu kɛra mɔgɔ waa fila ni kɛmɛ segin ani mɔgɔ tan ni segin ye.
[12] Elam bɔnsɔnw kɛra mɔgɔ waa kelen ni kɛmɛ fila ani mɔgɔ biduuru ni naani ye.
[13] Zatu bɔnsɔnw kɛra mɔgɔ kɛmɛ segin ani binaani ni duuru ye.
[14] Zakai bɔnsɔnw kɛra mɔgɔ kɛmɛ wolonwula ani mɔgɔ biwɔɔrɔ ye.
[15] Binui bɔnsɔnw kɛra mɔgɔ kɛmɛ wɔɔrɔ ni binaani ani mɔgɔ segin ye.
[16] Bebai bɔnsɔnw kɛra mɔgɔ kɛmɛ wɔɔrɔ ni mugan ani mɔgɔ segin ye.
[17] Azgad bɔnsɔnw kɛra mɔgɔ waa fila ni kɛmɛ saba ani mɔgɔ mugan ni fila ye.
[18] Adonikam bɔnsɔnw kɛra mɔgɔ kɛmɛ wɔɔrɔ ni biwɔɔrɔ ani mɔgɔ wolonwula ye.
[19] Bigvai bɔnsɔnw kɛra mɔgɔ waa fila ani mɔgɔ biwɔɔrɔ ni wolonwula ye.
[20] Aden bɔnsɔnw kɛra mɔgɔ kɛmɛ wɔɔrɔ ni biduuru ani mɔgɔ duuru ye.
[21] Atɛr bɔnsɔnw, o ye Ezekiasi bɔnsɔnw ye, olu kɛra mɔgɔ bikɔnɔntɔn ani mɔgɔ segin ye.
[22] Hasum bɔnsɔnw kɛra mɔgɔ kɛmɛ saba ani mɔgɔ mugan ni segin ye.
[23] Bezai bɔnsɔnw kɛra mɔgɔ kɛmɛ saba ani mɔgɔ mugan ni naani ye.
[24] Harif bɔnsɔnw kɛra mɔgɔ kɛmɛ ni tan ni fila ye.
[25] Gabaonkaw kɛra mɔgɔ bikɔnɔntɔn ni duuru ye.
[26] Bɛtilɛhɛmkaw ni Netofakaw kɛra mɔgɔ kɛmɛ ni bisegin ni segin ye.
[27] Anatɔtkaw kɛra mɔgɔ kɛmɛ ani mugan ni segin ye.
[28] Bɛt-Azmavɛtkaw kɛra mɔgɔ binaani ni fila ye.
[29] Kirjat-Jearimkaw ni Kefirakaw ni Beɛrotkaw kɛra mɔgɔ kɛmɛ wolonwula ani binaani ni mɔgɔ saba ye.
[30] Ramakaw ni Gebakaw kɛra mɔgɔ kɛmɛ wɔɔrɔ ani mugan ni kelen ye.
[31] Mikmaskaw kɛra mɔgɔ kɛmɛ ani mugan ni fila ye.
[32] Bɛtɛlkaw ni Ayikaw kɛra mɔgɔ kɛmɛ ani mugan ni saba ye.
[33] Nebɔ wɛrɛ kaw kɛra mɔgɔ biduuru ni fila ye.
[34] Elam wɛrɛ bɔnsɔnw kɛra mɔgɔ waa kelen ni kɛmɛ fila ani mɔgɔ biduuru ani naani ye.
[35] Harim bɔnsɔnw kɛra mɔgɔ kɛmɛ saba ni mugan ye.
[36] Jerikokaw kɛra mɔgɔ kɛmɛ saba ni binaani ani mɔgɔ duuru ye.
[37] Lodkaw ni Hadidkaw ni Onokaw kɛra mɔgɔ kɛmɛ wolonwula ni mugan ani mɔgɔ kelen ye.
[38] Sena bɔnsɔn kɛra mɔgɔ waa saba ni kɛmɛ kɔnɔntɔn ani mɔgɔ bisaba ye.
[39] Sarakalasebaaw, Jedaɛja bɔnsɔnw. Josue ka so mɔgɔw kɛra mɔgɔ kɛmɛ kɔnɔntɔn ni biwolonwula ani mɔgɔ saba ye.
[40] Imer bɔnsɔnw kɛra mɔgɔ waa kelen ni biduuru ani mɔgɔ fila ye.
[41] Pashur bɔnsɔnw kɛra mɔgɔ waa kelen ani kɛmɛ fila ni binaani ani mɔgɔ wolonwula ye.
[42] Harim bɔnsɔnw kɛra mɔgɔ waa kelen ni mɔgɔ tan ni wolonwula ye.
[43] Levitew, Josue ni Kadmiɛl bɔnsɔnw, o ye Hodiva bɔnsɔnw ye, olu kɛra mɔgɔ biwolonwula ni naani ye.
[44] Dɔnkili dalaw, Asaf bɔnsɔnw kɛra mɔgɔ kɛmɛ ni binaani ani segin ye.
[45] Dakɔlɔsibaaw, Salum bɔnsɔnw ni Atɛr bɔnsɔnw ani Talmon bɔnsɔnw ni Akub bɔnsɔnw ni Hatita bɔnsɔnw ani Sobai bɔnsɔnw, olu kɛra mɔgɔ kɛmɛ ni bisaba ni segin ye.
[46] Netiniɛnw tun ye Zika bɔnsɔnw ni Hasufa bɔnsɔnw ni Tabaot bɔnsɔnw ye,
[47] ani Keros bɔnsɔnw ni Siya bɔnsɔnw ni Padon bɔnsɔnw
[48] ani Lebana bɔnsɔnw ni Hagaba bɔnsɔnw ni Salmai bɔnsɔnw
[49] ani Hanan bɔnsɔnw ni Gidɛl bɔnsɔnw ni Gakar bɔnsɔnw
[50] ani Reaja bɔnsɔnw ni Rezɛn bɔnsɔnw ni Nekoda bɔnsɔnw
[51] ani Gazam bɔnsɔnw ni Uza bɔnsɔnw ni Paseak bɔnsɔnw
[52] ani Besai bɔnsɔnw ni Mehunim bɔnsɔnw ni Nefisim bɔnsɔnw
[53] ani Bakbuk bɔnsɔnw ni Hakufa bɔnsɔnw ni Harhur bɔnsɔnw
[54] ani Bazilit bɔnsɔnw ni Mehida bɔnsɔnw ni Harsa bɔnsɔnw
[55] ani Barkos bɔnsɔnw ni Sisera bɔnsɔnw ni Tamak bɔnsɔnw
[56] ni Neziak bɔnsɔnw ani Hatifa bɔnsɔnw.
[57] Solomani ka jɔnw bɔnsɔnw tun ye Sotai bɔnsɔnw ni Soferɛt bɔnsɔnw ni Perida bɔnsɔnw ye,
[58] ani Jala bɔnsɔnw ni Darkon bɔnsɔnw ni Gidɛl bɔnsɔnw
[59] ani Sefatia bɔnsɔnw ni Hatil bɔnsɔnw ni Pokerɛt-Hazebaim bɔnsɔnw ani Amɔn bɔnsɔnw.
[60] Netiniɛnw ni Solomani ka jɔnw bɔnsɔnw kɛra mɔgɔ kɛmɛ saba ni bikɔnɔntɔn ni fila ye.
[61] Mɔgɔ minw kɔseginna ka bɔ Tel-Melak ni Tel-Harsa ni Kerub-Adon ani Imer, ni u ma se ka u bɛnbaw bɔnsɔnw ni u siya jira ko u ye Israɛl bɔnsɔn dɔw ye, olu filɛ ninw ye.
[62] Delaja bɔnsɔnw ni Tobija bɔnsɔnw ni Nekoda bɔnsɔnw, olu kɛra mɔgɔ kɛmɛ wɔɔrɔ ni binaani ni fila ye.
[63] Sarakalasebaaw la minw buruju ma dɔn, olu tun ye Hobaja bɔnsɔnw ni Hakoz bɔnsɔnw ni Barzilai bɔnsɔnw ye. O Barzilai ye Galad Barzilai denmuso kelen furu, o kosɔn o tɔgɔ dara u la.
[64] Olu ye u tɔgɔw ɲini mɔgɔw buruju sɛbɛn la, nka u ma u ye. O de y'a to u jatera mɔgɔ saniyabaliw ye ka bila ka bɔ sarakalasebaaya baara la.
[65] Gɔfɛrɛnɛrɛ y'a fɔ u ye ko u kana fɛn senuma senuma dun sani sarakalasebaa ka Ala ɲininka ni urim ni tumim ye.
[66] Jama bɛɛ lajɛlen dama tun ye mɔgɔ waa binaani ni fila ani kɛmɛ saba ani mɔgɔ biwɔɔrɔ ye.
[67] U ka jɔnkɛw ni u ka jɔnmusow sen tun tɛ o la. Olu dama tun ye mɔgɔ waa wolonwula ani kɛmɛ saba ni bisaba ani mɔgɔ wolonwula ye. Dɔnkili dala cɛ ni muso kɛmɛ fila ni binaani ni duuru tun bɛ u fɛ.
[68] U ka yɛlɛnkan sow tun ye so kɛmɛ wolonwula ani bisaba ni so wɔɔrɔ ye. U ka falibaw tun ye faliba kɛmɛ fila ni binaani ani faliba duuru ye.
[69] U ka ɲaamɛw tun ye ɲaamɛ kɛmɛ naani ani bisaba ani ɲaamɛ duuru ye. U ka faliw tun ye fali waa wɔɔrɔ ni kɛmɛ wolonwula ani fali mugan ye.
[70] U bɛnbaw bɔnsɔn kuntigi dɔw ye nili fɛnw di baara kama. Gɔfɛrɛnɛrɛ ye sanu darik waa kelen ni tasa biduuru ani sarakalasebaaw ka fini kɛmɛ duuru ni bisaba bila nafolo mara yɔrɔ la.
[71] U bɛnbaw bɔnsɔn kuntigi dɔw ye sanu darik waa mugan ani warijɛ manɛ waa fila ni kɛmɛ fila bila baara kɛ nafolo mara yɔrɔ la.
[72] Mɔgɔ tɔw ye sanu darik waa mugan ani warijɛ manɛ waa fila ani sarakalasebaaw ka fini biwɔɔrɔ ni wolonwula di.
[73] Ayiwa sarakalasebaaw ni Levitew ani dakɔlɔsibaaw ani dɔnkili dalaw ani mɔgɔ dɔw ni Netiniɛnw ani Israɛl bɛɛ sigira u ka duguw kɔnɔ. San kalo wolonwulanan sera k'a sɔrɔ Israɛl bɔnsɔn bɛ u ka duguw kɔnɔ.