[1] Mɔgɔ minw ye u bolonɔ kɛ o layidu la, olu filɛ ninw ye, Hakalia denkɛ Nehemi min tun ye gɔfɛrɛnɛrɛ ye ani Sedesiasi. Sarakalasebaa minw ye u bolonɔ kɛ o la, olu filɛ ninw ye,
[2] Sereja ni Azaria ni Jeremi
[3] ni Pashur ni Amaria ni Malkija
[4] ni Hatus ni Sebania ni Maluk
[5] ni Harim ni Meremot ni Abdiasi
[6] ni Daniɛl ni Gineton ni Baruk
[7] ni Mesulam ni Abija ni Mijamɛn
[8] ni Mazia ni Bilgai ani Semaɛja.
[9] Levitew tun ye Azania denkɛ Josue ani Henadad denkɛw la kelen Binui ni Kadmiɛl
[10] ani u balimaw Sebania ni Hodija ni Kelita ani Pelaja ni Hanan
[11] ani Mise ni Rehob ni Hasabia
[12] ani Zakur ni Serebia ni Sebania
[13] ni Hodija ni Bani ani Beninu ye.
[14] Mɔgɔw kuntigiw tun ye Pareos ni Pakat-Moab ni Elam ni Zatu ni Bani
[15] ani Buni ni Azgad ni Bebayi
[16] ni Adonija ni Bigvai ni Aden
[17] ani Atɛr ni Ezekiasi ni Azur
[18] ni Hodija ni Hasum ni Bezai
[19] ani Harif ni Anatot ni Nebai
[20] ni Magpiasi ni Mesulam ni Hezir
[21] ani Mesezabɛl ni Zadɔk ni Jadua
[22] ni Pelatia ni Hanan ni Anaja
[23] ani Hose ni Hanania ni Hasub
[24] ni Halokes ni Pilka ni Sobɛk
[25] ni Rehum ni Hasabna ni Maseja
[26] ani Akija ni Hanan ni Anan
[27] ni Maluk ni Harim ani Bana ye.
[28] Mɔgɔ tɔw ni sarakalasebaaw ni Levitew ni dakɔlɔsibaaw ani dɔnkili dalaw ni Netiniɛnw ani mɔgɔ minw bɛɛ farala ka bɔ o jamana siyaw la ka kɛ Ala ka sariya mɔgɔw ye, olu musow ni u denkɛw ani u denmusow, hakili ni dɔnniya tun bɛ mɔgɔ minw bɛɛ fɛ,
[29] olu nɔrɔla u balimaw ni u ka mɔgɔ tɔgɔbaw la. U ye u kali ka danga don ko u na Ala ka sariya taama, o sariya min nana a ka jɔnkɛ Musa bolo. U ko u na Matigi u ka Ala ka ci fɔlenw ni a ka ko fɔlenw ani a ka sariya sigilenw bɛɛ kɔlɔsi ka u mara.
[30] U ko: «An tɛna an denmusow furu o jamana mɔgɔw ma, an tɛna u denmusow furu an denkɛw ye.
[31] «Ni o jamana siyaw nana ka sɛnɛ kɛ suman wala jago fɛn, fɛn o fɛn feere lafiɲɛ don wala seli don na, an tɛna o si san. Ni san wɔɔrɔ tɛmɛnna, an na san wolonwulanan bila, an tɛna juru kani mɔgɔ si la.
[32] «An ye sariya sigi ko an na warijɛ sikle tila sabanan sara san o san an ka Ala ka so baara kama.
[33] Jirali buuru ni don o don mugu saraka jenita ni lafiɲɛ donw ni kalo kuraw ni seliw ani fɛn senumaw ni jurumu yafa saraka minw bɛ kɛ ka Israɛl bɔnsɔn ka jurumu kafari, o wari bɛ di olu bɛɛ kama ani an ka Ala ka baara bɛɛ kama.
[34] An ka kan ka na ni dɔgɔ min ye ka kɛ nili fɛn ye an ka Ala ka so kɔnɔ san o san waati fɔlenw la ka kɛɲɛ ni an ka gwaw ye, sarakalasebaaw ni Levitew ani mɔgɔw bɛɛ, an ye kala da o ko la. O dɔgɔ ka jeni Matigi an ka Ala ka saraka bɔlan kan, i ko a sɛbɛnnen bɛ sariya kitabu kɔnɔ cogo min na.
[35] «An y'a fɔ ko an na taa ni an ka suman kura bɛɛ kun fɔlɔ ye ani jiri dentaw bɛɛ mɔ fɔlɔ Matigi ka so kɔnɔ san o san.
[36] «An denkɛ fɔlɔw ni an ka misiden fɔlɔw ani an ka bagan misɛn den fɔlɔw, an na taa ni olu ye an ka Ala ka so kɔnɔ ka u di sarakalasebaaw ma, olu minw bɛ baara kɛ an ka Ala ka so kɔnɔ.
[37] «An ka mugu nɔɔninen kun fɔlɔ ani an ka saraka kɔrɔtataw ni jiri sifaw bɛɛ mɔ ani diwɛn kɛnɛ ni tulu, an ko an na taa ni olu ye sarakalasebaaw yɔrɔ an ka Ala ka so bonw kɔnɔ. «An na taa ni an ka dugukolo sɛnɛ fɛnw jakaw ye Levitew fɛ, katuguni an bɛ sɛnɛ kɛ dugu minw bɛɛ da fɛ, Levitew bɛ jaka minɛ o duguw kɔnɔ.
[38] Levitew bɛ jaka minɛ tuma min na, sarakalasebaa Aron bɔnsɔn na sɔrɔ u fɛ yen. Levitew na o jaka fɛnw tila tannan bɔ ka taa n'a ye an ka Ala ka so bonw kɔnɔ nafolo mara yɔrɔ la.
[39] Israɛl bɔnsɔn ni Levi bɔnsɔn na taa ni sɛnɛ fɛnw ni diwɛn kɛnɛ ni tulu sarakaw ye o bonw kɔnɔ. Yɔrɔ senuma minanw ani mɔgɔ minw bɛ sarakalasebaaya baara kɛ ani dakɔlɔsibaaw ni dɔnkili dalaw bɛ sigi o bonw kɔnɔ. «An tɛna an ka Ala ka so bila k'a to yen.»