[1] Sarakalasebaaw ni Levite minw taara Sealtiɛl denkɛ Zorobabɛl ni Josue fɛ, olu filɛ ninw ye: Seraja ni Jeremi ni Esdrasi
[2] ani Amaria ni Maluk ni Hatus
[3] ani Sekania ni Rehum ni Meremɔt
[4] ani Ido ni Ginetoi ni Abija
[5] ani Mijamɛn ni Madia ni Bilga
[6] ani Semaɛja ni Jojarib ni Jedaɛja
[7] ani Salu ni Amok ni Hilkija ani Jedaɛja. Olu tun ye sarakalasebaaw ni u balimaw kuntigiw ye Josue tilew la.
[8] Levitew filɛ ninw ye: Josue ni Binui ni Kadmiɛl ni Serebia ni Juda ni Matania, olu ni u balimaw tun bɛ barika dali dɔnkiliw ɲɛ minɛ mɔgɔw la.
[9] U balimaw Bakbukia ni Uni tun bɛ jɔ u kuntilenna la ka u ka baara dafa.
[10] Josue ye Jojakim bange. Jojakim ye Eliasib bange. Eliasib ye Jojada bange.
[11] Jojada ye Jonatan bange. Jonatan ye Jadua bange.
[12] Jojakim tilew la, sarakalasebaaw bɛnbaw bɔnsɔn kuntigiw tun bɛ yen. Seraja ka gwa kuntigi tun ye Meraja ye. Jeremi ta tun ye Hanania ye.
[13] Esdrasi ta tun ye Mesulam ye. Amaria ta tun ye Jokanan ye.
[14] Meluki ta tun ye Jonatan ye. Sebania ta tun ye Josef ye.
[15] Harim ta tun ye Adna ye. Merajɔt ta tun ye Helkai ye.
[16] Ido ta tun ye Zakari ye. Gineton ta tun ye Mesulam ye.
[17] Abija ta tun ye Zikiri ye. Menjamɛn ta ni Moadia ta tun ye Piltai ye.
[18] Bilga ta tun ye Samua ye. Semaɛja ta tun ye Jonatan ye.
[19] Jojarib ta tun ye Matnai ye. Jedaɛja ta tun ye Uzi ye.
[20] Salai ta tun ye Kalai ye. Amok ta tun ye Eber ye.
[21] Hilkija ta tun ye Hasabia ye. Jedaɛja ta tun ye Netaneɛl ye.
[22] Sarakalasebaaw Eliasib ni Jojada ni Jokanan ani Jadua tilew la, Levitew bɛnbaw bɔnsɔnw kuntigiw ani sarakalasebaaw tɔgɔw sɛbɛnna fo ka se Perse Darius ka masaya waati ma.
[23] Levi bɔnsɔn ka gwaw kuntigiw tɔgɔw sɛbɛnna Tilew Kibaru sɛbɛn na fo ka taa se Eliasib bɔnsɔn Jokanan tilew ma.
[24] Levitew kuntigiw Hasabia ni Serebia ni Kadmiɛl denkɛ Josue ani u balimaw tun bɛ ɲɔgɔn kuntilenna la ka tanuli ni barika dali kɛ Matigi ye ka kɛɲɛ ni Ala ka cɛ Dawuda ka ci fɔlen ye.
[25] Matania ni Bakbukia ni Abdiasi ani Mesulam ni Talmon ani Akub tun ye dakɔlɔsibaaw ye. U tun bɛ kɔlɔsili kɛ donda la bolo fɛnw mara yɔrɔw la.
[26] Olu tun bɛ yen Josue denkɛ Jojakim tilew ani gɔfɛrɛnɛrɛ Nehemi tilew ani sarakalasebaa sɛbɛnnikɛla Esdrasi tilew la. Josue fa tun ye Jozadak ye.
[27] Jerusalɛm lamini kogo di tuma la Ala ma, u ye Levitew wele ka bɔ u ka yɔrɔw la ka na ni u ye Jerusalɛm walisa u ka lamini kogo di Ala ma ni ɲagali ni barika dali ni dɔnkili dali ye ka nsiranɛgɛ tɛgɛrɛw ni npɔlɔnw ani nkɔniw fɔ.
[28] Dɔnkili da jamakulu mɔgɔw ye ɲɔgɔn lajɛ ka bɔ Jerusalɛm dafɛ yɔrɔw bɛɛ la ani Netofakaw ka duguw fana la
[29] ani Bɛt-Gilgal ani Geba ni Azmavɛt ka forow la, katuguni dɔnkili dalaw tun ye duguw sigi u yɛrɛw ye ka Jerusalɛm lamini.
[30] Sarakalasebaaw ni Levitew ye u yɛrɛw saniya ka mɔgɔw ni dondaw ni lamini kogo saniya.
[31] Ne ye Juda ka faamaw layɛlɛn lamini kogo kan. Ne ye dɔnkili da jamakulu fila labɛn barika dali kama. Kulu kelen taara lamini kogo kan kinin yanfan fɛ ka sin sununkun yɔrɔ donda ma.
[32] Mɔgɔ minw taara dɔnkili dalaw nɔ fɛ, olu tɔgɔw filɛ ninw ye. Hose ni Juda ka faamaw tilancɛ
[33] ani Azaria ni Esdrasi ni Mesulam
[34] ani Juda ni Benjamɛn ni Semaɛja ni Jeremi.
[35] Sarakalasebaaw denkɛ dɔw fana taara ni buru fyɛtaw ye u bolo. Zakari, ale fa tun ye Jonatan ye. Jonatan fa tun ye Semaɛja ye. Semaɛja fa tun ye Matania ye. Matania fa tun ye Mise ye. Mise fa tun ye Zakur ye. Zakur fa tun ye Asaf ye.
[36] Zakari balimaw Semaɛja ni Azareɛl ni Milalai ni Gilalai ni Mai ni Netaneɛl ni Juda ani Hanani fana taara. Ala ka cɛ Dawuda ka fɔlifɛnw tun bɛ u bolo. Sɛbɛnnikɛla Esdrasi ye u ɲɛ minɛ.
[37] Ji boyi yɔrɔ donda min tun bɛ u kuntilenna la, u yɛlɛnna yen Dawuda ka dugu yɛlɛnyɛlɛnnan fɛ lamini kogo yɛlɛn yɔrɔ la Dawuda ka so san fɛ fo ka taa se ji yɔrɔ donda ma kɔrɔn yanfan fɛ.
[38] Dɔnkili da jamakulu filanan taara fan dɔ fɛ. Ne ni mɔgɔ tila kelen taara olu nɔ fɛ lamini kogo kan. An tɛmɛnna gwan so yɔrɔ sankansojan kɛrɛ fɛ fo ka taa se kogoba ma.
[39] An taamana Efrayim donda sanfɛ ka tɛmɛn donda kɔrɔ ni jɛgɛ donda ani Hananeɛl sankansojan ni Mea sankansojan kɛrɛ fɛ fo ka taa se sagaw donda ma. An ye an jɔ kaso donda la.
[40] Ayiwa, o dɔnkili da jamakulu fila ye u jɔ Ala ka so kɔnɔ, ani ne fana, kuntigi tilancɛ tun bɛ ne fɛ yen,
[41] ani sarakalasebaaw Eliakim ni Maseja ni Menjamɛn ni Mise ni Eljoɛnai ni Zakari ani Hanania, buru fyɛtaw tun bɛ olu bolo,
[42] ani Maseja ni Semaɛja ni Eleazar ni Uzi ni Jokanan ni Malkija ni Elam ani Ezɛr. Dɔnkili da jamakuluw ye dɔnkili da kanba bɔ. Jizrakija tun ye u ɲɛminɛbaa ye.
[43] U ye saraka caman faga o don na ka ɲagali katuguni Ala ye ɲagaliba di u ma. Musow ni denmisɛnw fana ɲagalila. Jerusalɛmkaw ɲagalikan sera fo yɔrɔ jan.
[44] O don na, bolo fɛn mara bonw kalifara mɔgɔ dɔw ma. Saraka kɔrɔtataw ni suman kura bɛɛ kun fɔlɔ ani jaka fɛnw bɛ kɛ o bonw kɔnɔ, walisa sariya ye sarakalasebaaw ni Levitew niyɔrɔ min ko fɔ, ka bɔ duguw forow sɛnɛ fɛnw na, u ka o lajɛ ɲɔgɔn kan yen. Sarakalasebaaw ni Levite minw tun bɛ baara kɛ yen, Juda bɔnsɔn ɲagalila olu ko la.
[45] U ye Ala ka baara ni jɛyali ko kɔlɔsi k'a kɛ. Dɔnkili dalaw ni dakɔlɔsibaaw fana ye baara kɛ ka kɛɲɛ ni Dawuda ka ci fɔlen ni a denkɛ Solomani ka ci fɔlen ye,
[46] katuguni Dawuda ni Asaf tilew la, dɔnkili dalaw kuntigiw tun bɛ yen, tanuli ni barika dali dɔnkiliw tun bɛ da Ala ye ka kɔrɔ.
[47] Zorobabɛl tilew la ani Nehemi tilew la fana, Israɛl bɛɛ tun bɛ dɔnkili dalaw ni dakɔlɔsibaaw niyɔrɔ di u ma ka kɛɲɛ ni u ka don o don magow ye. U ye Levitew ta bila a dan na. Levitew ye Aron bɔnsɔn ta bila a dan na.