[1] Mɔgɔw kuntigiw sigira Jerusalɛm. Mɔgɔ tɔw ye kala da ka mɔgɔ kelen-kelen bɔ mɔgɔ tan-tan na, walisa olu ka sigi Jerusalɛm dugu senuma kɔnɔ. Mɔgɔ kɔnɔntɔn-kɔnɔntɔn tɔw ka sigi dugu wɛrɛw kɔnɔ.
[2] Mɔgɔ minw sɔnna ka taa sigi Jerusalɛm u yɛrɛma, mɔgɔw ye dubaw kɛ olu ye.
[3] Mɔgɔw bɛɛ kelen-kelen sigira u ka duguw la u ciyɛn kun na, Juda bɔnsɔn ka duguw kɔnɔ, Israɛl bɔnsɔn ani sarakalasebaaw ni Levitew ni Netiniɛnw ani Solomani ka jɔnw bɔnsɔn kɔni. Jamana kuntigi minw sigira Jerusalɛm, olu filɛ ninw ye:
[4] Juda bɔnsɔn dɔw ni Benjamɛn bɔnsɔn dɔw sigira Jerusalɛm. Min bɔra Juda bɔnsɔn na, o tun ye Ataja ye. Ale fa tun ye Oziasi ye. Oziasi fa tun ye Zakari ye. Zakari fa tun ye Amaria ye. Amaria fa tun ye Sefatia ye. Sefatia fa tun ye Mahalaleɛl ye, Perɛz bɔnsɔn don.
[5] Maseja fa tun ye Baruk ye. Baruk fa tun ye Kol-Hose ye. Kol-Hose fa tun ye Hazaja ye. Hazaja fa tun ye Adaja ye. Adaja fa tun ye Jojarib ye. Jojarib fa tun ye Zakari ye. Zakari fa tun ye Siloni ye.
[6] Perɛz bɔnsɔn minw sigira Jerusalɛm, olu bɛɛ lajɛlen tun ye cɛ farin kɛmɛ naani ni biwɔɔrɔ ni segin ye.
[7] Benjamɛn bɔnsɔn filɛ ninw ye: Salu, o fa tun ye Mesulam ye. Mesulam fa tun ye Joɛd ye. Joɛd fa tun ye Pedaja ye. Pedaja fa tun ye Kolaja ye. Kolaja fa tun ye Maseja ye. Maseja fa tun ye Itiɛl ye. Itiɛl fa tun ye Esayi ye.
[8] Salu kɔ, Gabai ni Salai, olu bɛɛ lajɛlen kɛra mɔgɔ kɛmɛ kɔnɔntɔn ani mugan ni segin ye.
[9] Zikiri denkɛ Joɛl tun ye olu kuntigi ye. Senua denkɛ Juda tun ye o dankan ye dugu kun na.
[10] Minw bɔra sarakalasebaaw la, olu tun ye Jojarib denkɛ Jedaɛja ni Jaken
[11] ani Hilkija denkɛ Seraja ye. Hilkija fa tun ye Mesulam ye. Mesulam fa tun ye Zadɔk ye. Zadɔk fa tun ye Merajɔt ye. Merajɔt fa tun ye Ala ka so kuntigi Akitub ye.
[12] U balimaw tun bɛ Alabatosoba baara kɛ. Olu kɛra mɔgɔ kɛmɛ segin ani mugan ni fila ye. Ani Adaja, ale fa tun ye Jeroham ye. Jeroham fa tun ye Pelalia ye. Pelalia fa tun ye Anzi ye. Anzi fa tun ye Zakari ye. Zakari fa tun ye Pashur ye. Pashur fa tun ye Malkija ye.
[13] A balimaw, u bɛnbaw bɔnsɔnw kuntigiw kɛra mɔgɔ kɛmɛ fila ni binaani ani fila ye. Ani Amasai, ale fa tun ye Azareɛl ye. Azareɛl fa tun ye Akazai ye. Akazai fa tun ye Mesilemɔt ye. Mesilemɔt fa tun ye Imer ye.
[14] U balimaw tun ye cɛ farin ja gɛlɛnw ye. U kɛra mɔgɔ kɛmɛ ani mugan ni segin ye. U kuntigi tun ye Gedolim denkɛ Zabdiɛl ye.
[15] Min bɔra Levitew la, o tun ye Semaɛja ye. Ale fa tun ye Hasub ye. Hasub fa tun ye Azrikam ye. Azrikam fa tun ye Hasabia ye. Hasabia fa tun ye Buni ye.
[16] Ala ka so kɛnɛma baara tun kalifara minw ma, olu tun ye Sabetia ni Jozabad ye, olu bɔra Levitew kuntigiw la,
[17] ani Matania, ale fa tun ye Mise ye. Mise fa tun ye Zabdi ye. Zabdi fa tun ye Asaf ye, dɔnkili dalaw ɲɛ mɔgɔ tun don. A tun bɛ ɲɛ minɛ tanuli ni Ala delili la, ani Bakbukia, o tun ye a dankan ye a balimaw la, ani Abida, o fa tun ye Samua ye. Samua fa tun ye Galal ye. Galal fa tun ye Jedutun ye.
[18] Dugu senuma kɔnɔ Levitew bɛɛ tun ye mɔgɔ kɛmɛ fila ani bisegin ni naani ye.
[19] Dakɔlɔsibaaw Akub ni Talmon ani u balima minw tun bɛ dondaw kɔlɔsi, olu tun ye mɔgɔ kɛmɛ ni biwolonwula ani fila ye.
[20] Israɛl mɔgɔ tɔw, sarakalasebaa ni Levite tɔw tun bɛ Juda duguw bɛɛ kɔnɔ, u bɛɛ kelen-kelen sigira u ciyɛn na.
[21] Netiniɛnw sigira Ofɛl. Zika ni Gispa tun ye u kuntigiw ye.
[22] Jerusalɛm, Levitew kuntigi tun ye Uzi ye. Uzi fa tun ye Bani ye. Bani fa tun ye Hasabia ye. Hasabia fa tun ye Matania ye. Matania fa tun ye Mise ye. Asaf bɔnsɔn dɔnkili dalaw tun don Ala ka so baara la,
[23] katuguni masakɛ ye u ko fɔ. Balo fɛn dira u ma ka kɛɲɛ ni u ka don o don magow ye.
[24] Mesezabeɛl denkɛ Petakja tun bɛ masakɛ dɛmɛ mɔgɔ ka ko ɲɛnabɔli bɛɛ la. Juda denkɛ Zerak bɔnsɔn don.
[25] Duguw ni u dafɛ forow ko la, Juda bɔnsɔn dɔw sigira Kirjat-Arba ni a dafɛ buguw la ani Dibon ni a dafɛ buguw la ani Jekabzeɛl ni a dafɛ duguw la
[26] ani Jesua ni Molada ni Bɛt-Palɛt,
[27] ani Hazar-Sual ni Beɛr-Seba ni a dafɛ buguw la
[28] ani Ziklag ni Mekona ni a dafɛ buguw la
[29] ani En-Rimon ni Zorea ni Jarmut
[30] ani Zanoak ni Adulam ni u dafɛ duguw la ani Lakis ni a laminiw la ani Azeka ni a da fɛ buguw la. U sigira yen ka bɔ Beɛr-Seba fo ka taa se Hinom kuluw furancɛ ma.
[31] K'a daminɛ Geba, Benjamɛn bɔnsɔn sigira Mikmas ni Aja ni Bɛtɛl ni u dafɛ buguw la
[32] ani Anatɔt ni Nob ni Hanania
[33] ani Hazor ni Rama ni Gitaim
[34] ani Hadid ni Zeboim ni Nebalat
[35] ni Lod ani Ono ani walekɛlaw ka jɛkɛnɛ la.
[36] Juda la Levitew kulu dɔw sigira Benjamɛn jamana la.