[1] Tatitux sarakituwa:
[2] “¿Kunansa uva alin lawapax askixa yaqha lawanakat sipanxa?
[3] Uvan lawapax janiw kunatakis askïkiti, ¡janiw kuna warkt'asiñ lurañatakis askïkiti!
[4] Nina nakhayañatakikiw askixa, k'achinakap nakhari ukkhasti, taypix k'illimir tukutäxiwa, janiw kunatakis askïkxiti.
[5] Maypachäkän ukkhasti janiw kunatakis askïkänti, jichhasti niyaki nakhantatäxchixa, janiw kunatakis askïkaniti.
[6] “Ukatpï naya, Tatitux sistxa: Jerusalén markankirinakax uva alin lawapar uñtatawa; ¡ninar nakhayañatakikiw askïni!
[7] Nayasti jupanakan uñisiriparuw tukurakï. Mä ninatsa jaltasipkaniwa, ukampis yaqha ninaw jupanakarux nakhantani. Jupanakar saykatkä ukkhawa, jumanakax nayan Tatitütax yatipxäta.
[8] Aka uraqipsti ch'usa wasararuw tukuyä, nayar jan taqi chuymampi arkapxatapata. Naya, Tatituw uk arsta.”