[1] ཀྱེ་ཡེས་ར་ཨེལ། ཡ་ཝཱེ་རང་གི་དཀོན་མཆོག་གི་ཕྱོགས་སུ་སེམས་སྒྱུར་ཞིག །དེ་ཅིའི་ཕྱིར་ཞེ་ན། ཁྱོད་རང་གི་སྡིག་པའི་རྐྱེན་གྱིས་སར་གྱེལ་ཏོ།།
[2] ཞུ་བ་དང་བཅས་སུ་ཡ་ཝཱེའི་ཕྱོགས་སུ་སེམས་སྒྱུར་ཞིག །ཁོང་ལ་འདི་སྐད་དུ། སྡིག་པ་ཐམས་ཅད་མེད་པར་མཛད་དེ། ཐུགས་སྤྱོད་བཟང་རྣམས་ཐུགས་སུ་འབྱོན་པར་མཛད། དེ་ནས་གླང་ཐུག་གི་ཚབ་ལ་ངེད་ཀྱིས་ངག་གི་མཆོད་པ་འབུལ་བར་བྱ་སྟེ།
[3] ཨ་སུར་གྱིས་ངེད་རྣམས་སྐྱོབ་པར་མི་ནུས། རྟ་ལ་ངེད་རྣམས་མི་ཞོན། རང་གི་ལས་པའི་སྐུ་འདྲ་ལ་ནམ་དུའང་། ཁྱོད་རྣམས་ངེད་ཀྱི་དཀོན་མཆོག་ཡིན་ཞེས་སྨྲ་བར་མི་འགྱུར་ཏེ། ཅི་ལ་ཟེར་ན། ཁྱེད་ཀྱི་ནང་ན་དྭ་ཕྲུག་ལ་བྱམས་པ་རྙེད་དོ་ཞེས་ཞུས་ཤིག །
[4] ངས་དེ་དག་གི་ངོ་ལོག་བྱེད་འདོད་པའི་སེམས་སྒྱུར་ཏེ། སེམས་གཏིང་ནས་དེ་དག་ལ་བྱམས་པར་བྱའོ།།དེ་ཅིའི་ཕྱིར་ཞེ་ན། ངའི་ཁོང་ཁྲོ་དེ་ལས་འཐེན་པ་ཡིན།
[5] ང་ནི་ཡེས་ར་ཨེལ་ལ་ཟིལ་པ་བཞིན་དུ་འགྱུར་ཞིང་། དེ་ནི་དྲེས་མ་ལྟར་བཞད་དེ། ལེ་བ་ནོན་ལྟར་རྩ་བ་བརྐྱང་ཞིང་།
[6] དེའི་ཡལ་ག་རྒྱས་ཏེ། སྐྱུ་རུ་རའི་ཤིང་ལྟར་མཛེས་ལ། ལེ་བ་ནོན་འདྲར་དྲི་བསུང་དང་ལྡན་པར་འགྱུར།
[7] དེའི་བསིལ་གྲིབ་ན་གནས་པ་རྣམས་ཐར་ཏེ། འབྲུ་ལྟར་ཆགས་པ་དང་། རྒུན་ཤིང་ལྟར་འབར་ནས། དེའི་དྲི་བསུང་ནི་ལེ་བ་ནོན་གྱི་རྒུན་ཆང་ལྟར་ཡོད་པར་འགྱུར་རོ།།
[8] ཨེ་ཕཱར་ཡིམ་གྱིས། ད་ང་དང་སྐུ་འདྲ་འབྲེལ་བ་ཅི་ཡོད་ཅེས་བརྗོད་པར་འགྱུར་ཏེ། ངས་གསན་ཏེ་གཟིགས་པར་བྱས། ང་ནི་གསོམ་ཤིང་སྔོན་པོ་དང་འདྲ་སྟེ། ངའི་རྐྱེན་གྱིས་ཁྱོད་ལ་ཤིང་ཏོག་ཐོག །
[9] མཁས་པས་དོན་འདི་དག་རྟོགས་ཏེ། རིགས་ལྡན་གྱིས་དོན་འདི་རྣམས་ཤེས། དེ་ཅིའི་ཕྱིར་ཞེ་ན། གཙོ་བོ་ཡ་ཝཱེའི་གཤེགས་ལམ་རྣམས་དྲང་པོ་ལགས་ཏེ། མི་དྲང་པོ་རྣམས་དེའི་ནང་དུ་འགྲུལ་བར་བྱ་སྟེ། སྡིག་སྤྱོད་རྣམས་དེར་ལྟུང་བར་འགྱུར་རོ།།