[1] ཡེས་ར་ཨེལ་ནི་འབྲས་བུ་མང་པོ་ཆགས་པའི་རྒུན་ཤིང་དང་འདྲ། དེ་ལ་འབྲས་བུ་མང་དུ་ཆགས་པ་བཞིན་དུ་དེས་མཆོད་ཁྲི་མང་དུ་བཞེངས། དེའི་ས་བཟང་བ་བཞིན་དུ་རྡོ་རིང་ལེགས་པོ་རྣམས་བཟོས།
[2] ཡིན་ཡང་དེ་རྣམས་ནི་སེམས་གཅིག་བློ་གཉིས་ཅན་ཡིན་པས། ད་ལྟ་ཉེས་པ་མངོན་པར་གྱུར་ཏེ། ཡ་ཝཱེས་དེ་དག་གི་མཆོད་ཁྲི་རྣམས་བརྟིབས་ནས། རྡོ་རིང་རྣམས་གཅག་ངེས།
[3] དེ་ཅིའི་ཕྱིར་ཞེ་ན། ད་དེ་དག་གིས། ངེད་རྣམས་གཙོ་བོ་ཡ་ཝཱེ་ལ་མི་འཇིགས་པས། ངེད་ལ་རྒྱལ་པོ་མེད་དེ། རྒྱལ་པོས་ཀྱང་ངེད་རྣམས་ལ་ཅི་བྱ་ཞེས་སྨྲ་བར་འགྱུར་རོ།།
[4] དེ་དག་གིས་འཆོལ་གཏམ་སྨྲ་ཞིང་ཆད་དོན་བྱེད་དུས་རྫུན་གྱི་མནའ་སྐྱེལ་པས། ཞིང་བར་གྱི་དུག་རྩྭ་ལྟར་བར་ཆད་སྐྱེའོ།།
[5] པེད་ཨ་ཝེན་གྱི་བ་ཕྲུག་རྣམས་ཀྱི་ཕྱིར་སཱ་མར་ཡ་པ་རྣམས་འཇིགས་ནས། དེའི་ཕྱིར་ཡུལ་མི་རྣམས་དང་དེ་དག་ལ་དགའ་པའི་མཆོད་དཔོན་རྣམས་ཀྱིས་མྱ་ངན་བྱེད་པར་འགྱུར་ཏེ། རྒྱུ་མཚན་དེའི་དཔལ་ཡལ་སོང་བའི་དོན་དུའོ།།
[6] མི་རྣམས་ཀྱིས་བ་ཕྲུག་དེ་ནི་ཨ་སུར་ལ་ཁྱེར་ནས་རྒྱལ་པོ་ལ་སྐྱེས་སུ་འབུལ་བར་འགྱུར་ཏེ། ཨེ་ཕཱར་ཡིམ་ངོ་ཚ་ཞིང་། ཡེས་ར་ཨེལ་ནི་རང་གི་གྲོས་ཀྱིས་ཁ་སྐྱེང་བར་འགྱུར་རོ།།
[7] སཱ་མར་ཡའི་རྒྱལ་པོ་ནི་ཆུའི་སྦུ་བ་ལྟར་མེད་པར་འགྱུར་ཏེ།
[8] ཡེས་ར་ཨེལ་གྱི་ཉེས་ལྟུང་ཡིན་པའི་ཨ་ཝེན་གྱི་མཐོ་གླིང་རྣམས་བརྟིབས་ནས། དེའི་མཆོད་ཁྲི་རྣམས་ཀྱི་ཁར་ཚེར་མ་དང་ཟྭ་ཚོད་སྐྱེ་བར་འགྱུར། ཡང་དེ་དག་གི་རི་ཆེན་པོ་རྣམས་ལ་ངེད་ཅག་ཁོབ་ཅིག་དང་། རི་ཕྲན་རྣམས་ལ་ངེད་ཅག་གི་ཐིག་ཏུ་འགྲིལ་ཞིག་ཅེས་ཟེར་བར་འགྱུར།
[9] ཀྱེ་ཡེས་ར་ཨེལ། གིབ་ཨའི་ཉིན་མོ་རྣམས་ནས་ཚུན་དུ་ཁྱོད་ཀྱིས་ཉེས་པ་སྤྱད་དེ། གིབ་ཨའི་འཐབ་མོ་དེ་བདུད་ཕྲུག་རྣམས་ལ་མི་འཕོག་ཕྱིར་དེ་དག་དེར་བསྡད་དོ།།
[10] ངས་རང་འདོད་ལྟར་དེ་དག་ཆད་པས་གཅད་དེ། དེ་དག་གི་སྡིག་པ་གཉིས་བརྩེགས་ཁུར་ཏེ། མི་བརྒྱུད་རྣམས་ཀྱིས་དེ་དག་ལ་རུབ་པར་འགྱུར་རོ།།
[11] ཨེ་ཕཱར་ཡིམ་ནི་གཡུལ་གཅོག་ལ་དགའ་པའི་ཁ་ལོ་དུལ་པའི་བ་ཕྲུག་ཞིག་དང་འདྲ། ངས་དེའི་གཉའ་ལ་ཤིང་ཕང་ནས་ཨེ་ཕཱར་ཡིམ་འཛིན་ངེས་ཏེ། ཡ་ཧུ་དཱས་རྨོ་ཞིང་། ཡ་ཀོབ་ཀྱིས་གོང་བུ་རྣམས་གཅོག་པར་འགྱུར་རོ།།
[12] ཁྱོད་རྣམས་ཀྱིས་རང་གི་དོན་དུ་དྲང་བ་ཉིད་ཀྱི་ས་བོན་ཐོབ་ཅིག་དང་། ཐུགས་བརྩེ་བ་བཞིན་དུ་རྔ་བར་འགྱུར། རང་གི་ས་རྒོད་ལ་ཁྲུ་སློག་བྱོས་ཤིག །ཅི་ལ་ཟེར་ན། ཁོང་བྱོན་དུས་ཁྱོད་ཅག་གི་སྟེང་དུ་དྲང་པ་ཉིད་ཀྱི་ཆར་བ་འབས་ངེས་ཏེ། ད་ལྟ་གཙོ་བོ་ཡ་ཝཱེ་འཚོལ་དུས་ཡིན་ནོ།།
[13] ཁྱོད་ཚོས་ངན་པ་རྨོས་ནས་སྡིག་པ་བརྔས་ཏེ། བརྫུན་གྱི་ལོ་ཐོག་ཟོས། དེ་ཅི་ལ་ཟེར་ན། ཁྱོད་ཀྱིས་རང་གི་སྤྱོད་པ་དང་རང་གི་དཔའ་བོའི་དཔུང་ལ་བློ་གཏད་དོ།།
[14] དེའི་ཕྱིར་ཁྱོད་ཚོའི་མི་བརྒྱུད་ཀྱི་ནང་ན་ཟིང་ལངས་ནས། ཁྱོད་ཀྱི་རྫོང་ཐམས་ཅད་རྟིབ་པར་འགྱུར། ཇི་ལྟར་ཤལ་མན་གྱིས་འཐབ་མོའི་ཉིན་པར་པེད་ཨར་པེལ་བཤིག་སྟེ། མ་བུ་གཉིས་སར་བརྡབས་ནས་དུམ་བུར་གྱུར་པ་བཞིན་དུ།
[15] ཀྱེ་པེད་ཨེལ། ཁྱོད་རང་གི་ལས་ངན་པའི་ཕྱིར་དེ་ལྟར་འགྱུར་ཏེ། སྐྱ་རེངས་ཤར་དུས་ཡེས་ར་ཨེལ་གྱི་རྒྱལ་པོ་དག་ཡང་མེད་པར་འགྱུར་རོ།།