[1] ཀྱེ་མཆོད་དཔོན་རྣམས་ཀྱིས་འདི་ལ་ཉོན། ཀྱེ་ཡེས་ར་ཨེལ་གྱི་ཁྱིམ་རྒྱུད་ཀྱིས་ནན་ཀྱིས་ཉོན། ཀྱེ་རྒྱལ་པོའི་ཁྱིམ་བརྒྱུད་ཀྱིས་ཉོན་ཞིག །དེ་ཅིའི་ཕྱིར་ཞེ་ན། མཱས་པཱ་རུ་ཁྱོད་རྙི་དང་། ཐ་བོར་རི་བོར་ཁྱོད་ནི་ཁ་ཕྱེས་པའི་དྲ་བཞིན་གྱུར་པས། བཀའ་ཆད་ནི་ཁྱོད་ལ་འཕོག་པར་འགྱུར།
[2] ངོ་ལོག་པ་རྣམས་ཀྱི་སྤྱོད་ངན་པས་སྲོག་མང་པོ་བཅད་དེ། ངས་དེ་དག་ཆད་པ་གཅད་དོ།།
[3] ཨེ་ཕཱར་ཡིམ་ངས་ཤེས་ཏེ། ཡེས་ར་ཨེལ་ནི་ང་ནས་སྦས་མི་ཐུབ་བོ།།དེ་ཅི་ལ་ཟེར་ན། ཀྱེ་ཨེ་ཕཱར་ཡིམ། ད་ཁྱོད་ལས་ལོག་གཡེམ་བྱུང་སྟེ། ཡེས་ར་ཨེལ་བརླགས་པར་གྱུར་ཏོ།།
[4] དེ་དག་གི་སྤྱོད་པས་རང་གི་དཀོན་མཆོག་གི་དྲུང་དུ་ཕྱིར་ལོག་ཏུ་མི་བཅུག་གོ །གང་ལ་ཞེ་ན། དེ་དག་གི་ནང་ན་ལོག་གཡེམ་གྱི་སེམས་ཡོད་པས། གཙོ་བོ་ཡ་ཝཱེ་ནི་མི་ཤེས་སོ།།
[5] ཡེས་ར་ཨེལ་གྱི་དཔལ་གྱིས་རང་གི་སྤྱོད་ངན་ལ་བདེན་དཔང་བྱས་ཏེ། དེའི་ཕྱིར་ཡེས་ར་ཨེལ་དང་ཨེ་ཕཱར་ཡིམ་གཉིས་རང་རང་གི་སྡིག་པས་ནུབ་པ་དང་། དེ་དག་དང་མཉམ་དུ་ཡ་ཧུ་དཱའང་ནུབ་པར་འགྱུར།
[6] གཙོ་བོ་ཡ་ཝཱེ་དེ་དག་དང་ཁ་བྲལ་པས། དེ་དག་ལུག་ཁྱུ་དང་བ་ཁྱུ་རྣམས་དང་བཅས་ཁོང་འཚོལ་དུ་འགྲོ་ཡང་རྙེད་པར་མི་འགྱུར་རོ།།
[7] དེ་དག་ལས་ནལ་ཕྲུག་ཆད་པས། གཙོ་བོ་ཡ་ཝཱེ་ལ་ལོག་པར་བྱས་ཏེ། ད་ཟླ་གསར་གྱིས་དེ་དག་རང་གི་ཟ་སྐལ་དང་ལྷན་ཅིག་ཏུ་ཚར་གཅོད་པར་འགྱུར་རོ།།
[8] ཀྱེ་པེན་ཡཱ་མེན་གྱིས་ཁྱོད་ལ་འདེད་པས། ཁྱོད་ཚོས་གིབ་ཨ་དང་རཱ་མ་རུ་དུང་ཕུས་ཤིག པེད་ཨ་ཝེན་ན་རང་གི་རྒྱབ་ལ་དོག་པར་གྱིས།
[9] བཀའ་བཀྱོན་གྱི་ཉིན་པར་ཨེ་ཕཱར་ཡིམ་ནི་ས་རྡུལ་དུ་འགྱུར་ཏེ། འབྱུང་ངེས་པ་དག་ཡེས་ར་ཨེལ་གྱི་སྡེ་རྣམས་ཀྱི་ནང་དུ་ངས་མངོན་པར་བྱས།
[10] ཡ་ཧུ་དཱའི་མགོ་དཔོན་རྣམས་ནི་ས་མཚམས་ལ་རྡོ་རྟགས་སྐྱེད་མཁན་རྣམས་དང་འདྲ་བས། ངས་རང་གི་ཐུགས་ཁྲོ་ཆུ་བཞིན་དེ་དག་གི་ལས་ལ་བླུག་པར་བྱའོ།།
[11] ཨེ་ཕཱར་ཡིམ་ཡིད་མགུ་བཞིན་སྙིང་པོ་མེད་པའི་རྗེས་སུ་འབྲངས་པས། མནན་ཞིང་བཀའ་ཆད་ཀྱིས་རྫིའོ།།
[12] དེ་བས་ན་ང་ཨེ་ཕཱར་ཡིམ་ལ་མུག་པ་དང་། ཡ་ཧུ་དཱའི་ཁྱིམ་རྒྱུད་ལ་ཉམས་རུལ་དུ་འགྱུར།
[13] ཨེ་ཕཱར་ཡིམ་གྱིས་རང་གི་ནད་དང་། ཡ་ཧུ་དཱ་ཡིས་རང་གི་རྨ་མཐོང་བའི་ཚེ། ཨེ་ཕཱར་ཡིམ་ནི་ཨ་སུར་ལ་ཕྱིན་ཏེ། རྒྱལ་པོ་ལ་མི་མངགས་ཀྱང་། དེས་ཁྱོད་གསོ་བར་མ་ནུས། རྨ་ཡང་གསོ་བར་བྱེད་མ་ནུས་སོ།།
[14] དེ་ཅིའི་ཕྱིར་ཞེ་ན། ང་ནི་ཨེ་ཕཱར་ཡིམ་ལ་སེང་གེ་ལྟ་བུ་དང་། ཡ་ཧུ་དཱའི་ཁྱིམ་རྒྱུད་ལ་སེང་གེ་དར་མ་ལྟ་བུར་འགྱུར་བ་དང་། ངས་ཧྲལ་ནས་བཞུད་པར་བྱ་སྟེ། ངས་འཁྱེར་བས། སུས་ཀྱང་མི་བསྒྲལ་ལོ།།
[15] དེ་དག་གིས་གནོང་མ་བཀུར་ཞིང་། ངའི་ཞལ་ངོ་བཙལ་བའི་བར་དུ། ང་བཞེངས་ནས་ཉིད་ཀྱི་གནས་སུ་ལོག་པར་བྱ། ཁོ་ཚོས་སྡུག་གི་ནང་ན་སྔ་གསར་ང་འཚོལ་བར་འགྱུར་རོ།།