[1] ཨུ་ཟི་ཡཱ་དང་། ཡོ་ཐམ་དང་། ཨ་ཧ་ཟཱ་དང་། ཧི་ཟི་ཀི་ཡཱ་ནི་ཡ་ཧུ་དཱའི་རྒྱལ་པོ་དང་། ཡེ་ཧོ་ཨ་སི་ཡི་བུ་ཡེ་རོབ་ཨམ་ནི་ཡེས་ར་ཨེལ་གྱི་རྒྱལ་པོར་བཞུགས་པའི་དུས་སུ། གཙོ་བོ་ཡ་ཝཱེའི་བཀའ་ནི་པེ་རེའི་བུ་ཧོ་ཤེ་ཨ་ལ་བབས་སོ།།
[2] གཙོ་བོ་ཡ་ཝཱེའི་བཀའ་ཐོག་མར་ཧོ་ཤེ་ཨ་ལ་བབས་ཏེ། གཙོ་བོ་ཡ་ཝཱེས་ཁོ་ལ་འདི་སྐད་དུ། སོང་ལ་གཡེམ་མོ་ཞིག་ཁྱོད་ཀྱི་ཆུང་མར་ལོངས་དང་། ལོག་གཡོམ་ལས་བྱུང་བའི་ཕྲུ་གུ་དེ་རྣམས་ཀྱང་ཁྱོད་རང་གི་ཕྱིར་ལོངས་ཤིག །ཅི་ལ་ཞེ་ན། ཡུལ་འདིས་དཀོན་མཆོག་སྤངས་ནས་ལོག་གཡེམ་དཔག་མེད་བྱས་སོ་ཞེས་གསུངས་པ་དང་།
[3] དེ་ནས་ཁོ་སོང་ནས་དིབ་ལ་ཡིམ་གྱི་བུ་མོ་གོ་མེར་བྱ་བ་ཆུང་མར་བླངས་ནས། མོར་མངལ་དང་ལྡན་པར་གྱུར་ཏེ་བུ་ཞིག་སྐྱེས་སོ།།
[4] ཡང་གཙོ་བོ་ཡ་ཝཱེས་ཧོ་ཤེ་ཨ་ལ་འདི་སྐད་དུ། དེའི་མིང་①ལ་ཡེ་སི་རེ་ཨེལ་ཞེས་ཐོག་ཅིག །གང་ལ་ཞེ་ན། ཡུན་རིང་མི་འགོར་པར་ངས་ཡེ་ཧུའི་ཁྱིམ་ལས་ཡེ་སི་རེ་ཨེལ་གྱི་མི་ཤ་རྩོད་ཅིང་། ཡེས་ར་ཨེལ་གྱི་ཁྱིམ་རྒྱུད་ཀྱི་རྒྱལ་སྲིད་ཀྱང་ཚར་དུ་གཅད་ངེས་ཞེས་གསུངས་པ་དང་། ཡེས་ར་ཨེལ་ཞེས་པ་ནི་དཀོན་མཆོག་གིས་བཙུགས་པའི་དོན།
[5] ཡང་ཉིན་དེར། ངས་ཡེ་སི་རེ་ཨེལ་གྱི་ཐང་བདེ་ན་ཡེས་ར་ཨེལ་གྱི་གཞུ་གཅག་གོ་ཞེས་གསུངས་སོ།།
[6] དེ་ནས་ཀི་མཱར་ཡང་མངལ་དང་ལྡན་ཏེ་བུ་མོ་ཞིག་སྐྱེས་པ་ལས། ཡ་ཝཱེས་ཧོ་ཤེ་ཨ་ལ་འདི་སྐད་དུ། དེའི་མིང་དུ་②ལོ་རུ་ཧ་མ་ཐོག་ཅིག །ཅི་ལ་ཟེར་ན། ངས་ཅི་ནས་ཡེས་ར་ཨེལ་གྱི་ཁྱིམ་རྒྱུད་ལ་སླར་སྙིང་རྗེ་མི་བྱ་སྟེ། ཁོ་ཚོར་ཉེས་ཆད་གཅད་ངེས་ཡིན་ཞེས་གསུངས་སོ།། ལོ་རུ་ཧ་མ་ཞེས་པའི་དོན་ནི་སྙིང་རྗེ་མི་ཐོབ་ཅེས་པའི་དོན།
[7] ཡིན་ཡང་ཡ་ཧུ་དཱའི་ཁྱིམ་རྒྱུད་ལ་ངས་སྙིང་རྗེ་གནང་སྟེ། དེ་དག་གཞུ་དང་། རལ་གྲི་དང་། འཐབ་མོ་དང་། རྟ་དང་སྐྱ་དམག་རྣམས་ལ་བརྟེན་ནས་ཐར་པར་མི་བྱ་པར། ཡ་ཝཱེ་སྟེ་ཁོ་ཚོའི་དཀོན་མཆོག་ལ་བརྟེན་ནས་ཐར་པར་འཇུག་གོ་ཞེས་གསུངས་སོ།།
[8] ལོ་རུ་ཧ་མ་ལ་འོ་མ་བཅད་པའི་རྗེས་སུ་ཀི་མཱར་ལ་ཡང་མངལ་དང་ལྡན་ཏེ་བུ་ཞིག་སྐྱེས་པ་དང་།
[9] ཡ་ཝཱེས་འདི་སྐད་དུ་གསུངས་ཏེ། དེའི་མིང་དུ་③ལོ་ཨམ་མཱེ་ཞེས་ཐོག་ཅིག །ཅི་ལ་ཟེར་ན། ཁྱོད་ཚོ་ནི་ངའི་མི་བརྒྱུད་མ་ཡིན་ཏེ། ངའང་ཁྱོད་ཚོའི་དཀོན་མཆོག་མིན་ནོ།། 3 ལོ་ཨམ་མཱེ་ནི་ངའི་འབངས་མ་ཡིན་པ་ཞེས་པའི་དོན།
[10] ཡིན་ཡང་ཡེས་ར་ཨེལ་པ་རྣམས་ཀྱི་མི་ནི་གྲངས་ལས་འདས་པའི་རྒྱ་མཚོའི་བྱེ་མ་དང་འདྲ་བར་འགྱུར་འོང་། དེའི་རྗེས་སུ་འབྱུང་རྒྱུ་ནི། སྔོན་ཁྱོད་ཅག་ངའི་མི་བརྒྱུད་མ་ཡིན་ཞེས་སྨྲས་པའི་གནས་དེར། རྗེས་སུ་ཁྱོད་ཅག་ནི་གཏན་དུ་གསོན་པོར་བཞུགས་པའི་དཀོན་མཆོག་གི་སྲས་རྣམས་སོ་ཞེས་སྨྲ་བར་འགྱུར།
[11] དེ་ནས་ཡ་ཧུ་དཱ་པ་རྣམས་དང་། ཡེས་ར་ཨེལ་པ་རྣམས་གནས་གཅིག་ཏུ་འདུས་ནས། རང་ལ་འགོ་དཔོན་ཞིག་བསྐོས་ཏེ། ཡུལ་ཁམས་དེ་ནས་འཐོན་ཞིང་། དེ་ཅི་ལ་ཟེར་ན། ཡེ་སི་རེ་ཨེལ་གྱི་ཉིན་མོ་དེ་ནི་ཆེན་པོ་ཡིན་པར་འགྱུར་རོ།།