[1] དེ་ནས་གཙོ་བོ་ཡ་ཝཱེེས་ང་ལ་འདི་སྐད་དུ། ལྷ་གཞན་རྣམས་ལ་དད་ཅིང་རྒུན་འབྲུམ་གྱིས་ལས་པའི་བག་ལེབ་ལ་ཆགས་པའི་ཡེས་ར་ཨེལ་པ་རྣམས་ལ་གཙོ་བོས་ཐུགས་མཛད་པ་ལྟར། ཁྱོད་སོང་ལ། རང་གི་དགའ་གྲོགས་ཀྱིས་གཅེས་པར་འཛིན་པའི་བུད་མེད་གཡེམ་མ་དེ་ལ་གཅེས་པར་བྱོས་ཤིག་ཅེས་གསུངས་པ་དང་།
[2] དེ་ནས་ངས་མོ་ནི་དངུལ་བཅོ་ལྔ་དང་ནས་ཁལ་ཕྱེད་ཀྱིས་རང་གི་ཕྱིར་ཉོས་ནས།
[3] ངས་མོ་ལ། ཁྱོད་ཉིན་ཞག་མང་པོར་ངའི་དོན་དུ་བསྡད་དེ། ལོག་གཡེམ་གྱི་ལས་མི་སྤྱོད་པར་གཞན་སྐྱེས་པའི་དོན་དུ་མ་གྱུར་ཅིག །དེ་བཞིན་དུ་ངའང་ཁྱོད་ཀྱི་དོན་དུ་ཡོད་པར་འགྱུར་རོ།།
[4] དེ་ཅིའི་ཕྱིར་ཞེ་ན། ཡེས་ར་ཨེལ་པ་རྣམས་ཀྱང་ཡུན་རིང་པོར་རྒྱལ་པོ་དང་། དཔོན་པོ་དང་། མཆོད་པ་དང་། རྡོ་རིང་དང་། ཨེ་ཕོད་དང་། ཐེ་ར་ཕིམ་དང་བྲལ་བའི་འཚོ་བ་རོལ་ཏེ།
[5] དེའི་རྗེས་སུ་ཡེས་ར་ཨེལ་པ་རྣམས་ཕྱིར་ལོག་ནས། གཙོ་བོ་ཡ་ཝཱེ་རང་གི་དཀོན་མཆོག་དང་། རང་གི་རྒྱལ་པོ་དཱ་བིད་བཙལ་ཏེ། རྗེས་སུ་ཁོ་རྣམས་ཡ་ཝཱེ་ལ་གུས་ཞིང་འཇིགས་བཞིན་ཁོང་གི་ཐུགས་རྗེའི་སྐྱབས་སུ་མཆི་བར་གྱུར་རོ།།