[1] ཁྱོད་ཀྱིས་དུང་བུས་ཤིག ། དེ་དག་ངའི་ཞལ་ཆད་ལས་འདས་ཤིང་། ངའི་བཀའ་ཁྲིམས་ལས་འགལ་བས། དགྲ་ནི་གླག་རྒོད་ལྟར་གཙོ་བོ་ཡ་ཝཱེའི་ཕོ་བྲང་དུ་འབབ་པར་བྱ།
[2] ཀྱེ་ངའི་དཀོན་མཆོག །ངེད་ཡེས་ར་ཨེལ་གྱིས་ཁྱེད་ངོ་ཤེས་སོ་ཞེས་དེ་དག་གིས་ང་ལ་འབོད་འོང་།
[3] ཡེས་ར་ཨེལ་གྱིས་གང་ལེགས་པ་དེ་དོར་བས། དགྲ་པོས་དེ་ལ་འདེད་པར་བྱ།
[4] དེ་དག་གིས་རྒྱལ་པོ་བསྐོས་པ་བདག་ལས་བྱུང་པ་མིན། དེ་དག་གིས་དཔོན་པོ་རྣམས་བསྐོས་ཀྱང་ངས་མ་ཤེས། ཁོ་ཚོས་དངུལ་དང་གསེར་གྱིས་སྐུ་འདྲ་རྣམས་བཟོས་པས། བདག་གིས་མཐར་ཁོ་ཚོར་བདག་ལས་ཕྱིར་ཕུད་དོ།།
[5] ཀྱེ་སཱ་མར་ཡ། ཡ་ཝཱེས་ཁྱོད་ཀྱི་བ་ཕྲུག་གི་སྐུ་འདྲ་དོར་པ་དང་། ངའི་ཐུགས་ཁྲོ་སྐུ་འདྲར་དད་མཁན་རྣམས་ལ་བབས་ཏེ། དེ་དག་དུས་ནམ་གྱི་བར་དུ་སྡུག་པ་མེད་པར་ལུས་པར་འགྱུར་རམ།
[6] དེ་ཅི་ལ་ཟེར་ན། དེ་ནི་ཡེས་ར་ཨེལ་ལས་བྱུང་སྟེ། བཟོ་པས་བཟོས་པ་ལས། དཀོན་མཆོག་མིན་པས། སཱ་མར་ཡའི་བ་ཕྲུག་གཏུབ་པར་འགྱུར་རོ།།
[7] དེ་དག་གིས་རླུང་བཏབ་པས། དྲགས་རླུང་སྨིན་པར་འགྱུར། དེར་སྙེ་མ་ཡང་མི་སྨིན་ཞིང་། དེའི་མྱུ་གུ་ལ་འབྲུ་ཡང་ཆགས་པར་མི་འགྱུར་ཏེ། ཆགས་ཀྱང་ཕྱི་རོལ་པས་དེ་མིད་པར་བྱ།
[8] ཡེས་ར་ཨེལ་ནི་མིད་པར་འགྱུར་ཏེ། དེ་ནི་མི་བརྒྱུད་ཀྱི་ཁྲོད་དུ་མི་འདོད་བའི་སྣོད་ལྟར་གྱུར་ཏོ།།
[9] དེ་དག་ནི་གཅིག་པུར་ལུས་པའི་རྐྱང་ལྟར་ཨ་སུར་ལ་འཐེགས་པར་བྱས་ཏེ། ཨེ་ཕཱར་ཡིམ་གྱིས་རང་གི་གྲོགས་མོར་བྱེད་པར་གླ་བྱིན་ཏོ།།
[10] མི་བརྒྱུད་ཀྱི་ཁྲོད་ན་དེ་དག་གིས་གླ་བྱིན་མོད། ད་ངས་དེ་དག་བསྡུས་ནས། རེ་ཞིག་ནས་རྒྱལ་ཕྲན་རྣམས་ཀྱི་རྒྱལ་པོའི་ཁལ་གྱིས་དེ་དག་ཉམས་ང་བར་འགྱུར་རོ།།
[11] ཨེ་ཕཱར་ཡིམ་གྱིས་སྡིག་པའི་ཕྱིར་མཆོད་ཁྲི་མང་ཙམ་བཞེངས་ཏེ། མཆོད་ཁྲི་དེ་དག་ནི་དེའི་སྡིག་པར་གྱུར་ཏོ།།
[12] ངས་བཀའ་ཁྲིམས་མང་པོ་དེའི་དོན་དུ་བྲིས་ཀྱང་། དེ་ཡིས་ཤོག་ཡན་ལྟར་དུ་རྩིའོ།།
[13] དེ་དག་གིས་མཆོད་རྫས་ང་ལ་ཕུལ་ཡང་། རང་གིས་ཤ་ཟའོ།། གཙོ་བོ་ཡ་ཝཱེས་དེ་དག་མི་བསྣམ། ད་ཁོང་གིས་ཁོ་ཚོའི་སྡིག་པ་ཐུགས་སུ་དྲན་ཞིང་། དེ་དག་གི་ཉེས་པའི་ཕྱིར་ཆད་པ་བཅད་དེ། དེ་དག་ཨེ་ཅིབ་ཡུལ་དུ་ཕྱིར་ལོག་པར་འགྱུར་རོ།།
[14] དེ་ཅིའི་ཕྱིར་ཞེ་ན། ཡེས་ར་ཨེལ་གྱིས་རང་གི་མཛད་པོ་དེ་བརྗེད་ནས། ཕོ་བྲང་རྣམས་བརྩིགས་ནས། ཡ་ཧུ་དཱས་གྲོང་ཁྱེར་བཙན་པོ་དུ་མ་བརྩིགས་ཀྱང་། ངས་དེའི་གྲོང་ཁྱེར་རྣམས་ལ་མེ་བཏང་ནས། མཁར་རྣམས་མེད་པར་འགྱུར་རོ།།