[1] ཡ་ཧུ་དཱའི་རྒྱལ་པོ་ཡེ་ཧོ་ཡཱ་ཀིམ་གྱིས་སྲིད་དབང་བཟུང་པའི་ལོ་གསུམ་པ་ན། པཱ་པིས་ལུན་གོང་མའི་རྒྱལ་ཁབ་ཀྱི་རྒྱལ་པོ་ནེ་བོ་ཀད་ནེ་ཙར་གྱིས་དམག་དཔུང་རྒྱ་བསྐྱེད་དེ་ཡེ་རུ་སཱ་ལེམ་གྲོང་ཁྱེར་ལ་དཔུང་འཇུག་བྱས་པ་དང་།
[2] གཙོ་བོ་དཀོན་མཆོག་གིས་ཡ་ཧུ་དཱའི་རྒྱལ་པོ་ཡེ་ཧོ་ཡཱ་ཀིམ་དང་ཁོང་གི་མཆོད་ཁང་ལས་དངོས་པོ་འགའ་ནེ་བོ་ཀད་ནེ་ཙར་གྱི་ལག་ཏུ་གཏད། ཁོས་དངོས་པོ་དེ་རྣམས་ཤིན་ཨར་གྱི་ཡུལ་ན་ཡོད་པའི་ལྷ་ཁང་དུ་གདན་དྲངས་ཤིང་རང་གི་ལྷའི་དཀོར་མཛོད་ནང་བཞག་གོ།
[3] དེ་ནས་རྒྱལ་པོ་ནེ་བོ་ཀད་ནེ་ཙར་གྱིས་རང་གི་ནང་བློན་ཨ་ཤུ་ཕི་ནཱ་སི་ལ་བཀའ་གནང་སྟེ། ཡེས་ར་ཨེལ་པ་རྣམས་ཀྱི་རྒྱལ་རྒྱུད་དང་སྐུ་དྲག་རྣམས་ལས་ལུས་སྟེང་ན་སྐྱོན་ཏིལ་ཙམ་མེད་པ་དང་ཕོ་སྒོ་ཡོད་པ། ལས་ལ་བརྩོན་ཞིང་ཤེས་རབ་ཀུན་ལ་མྱུར་བ། སྦྱངས་པ་ཐོན་ཞིང་བྱང་ཆ་དོད་པ། ཤེས་རིག་གི་སྦྱངས་སྟོབས་མངའ་བའི་གཞོན་ནུ་འཇེམ་ཐང་ཅན་སྐོར་ཞིག་སྟེ་རྒྱལ་པོའི་བློན་པོར་འོས་པ་རེ་འདེམས་ཏེ་ཁོ་ཅག་ལ་པཱ་པིས་ལུན་གོང་མའི་རྒྱལ་ཁབ་ཀྱི་སྐད་ཡིག་དང་རྩོམ་རིག་འཁྲིད་ཅིག་ཅེས་སྨྲས་སོ།།
[5] ཡང་རྒྱལ་པོ་ནེ་བོ་ཀད་ནེ་ཙར་གྱི་ཕོ་བྲང་ལས་ཁོ་ཅག་ལ་ཉིན་རེ་རེའི་བཟའ་བཅའ་དང་རྒྱལ་པོ་རང་ཉིད་ཀྱིས་བཏུང་བྱའི་རྒུན་ཆང་སོགས་གྲ་སྒྲིག་བྱས་པ་དང་། ལོ་ངོ་གསུམ་ལ་དེ་ལྟར་སྦྱོང་བརྡར་སྤྲད་པའི་ཐ་མའི་ལོ་མཇུག་ཏུ་ཁོ་ཅག་རྒྱལ་པོ་ནེ་བོ་ཀད་ནེ་ཙར་གྱི་བློན་པོ་རུ་དངོས་སུ་བསྐོ་བཞག་བྱ་རྒྱུའི་འཆར་གཞི་འཐེན་ཡོད།
[6] གཞོན་ནུ་དེ་དག་ཁྲོད་ཀྱི་དཱ་ནེ་ཨེལ་དང་། ཧ་ནན་ཡཱ། མེ་ཤཱ་ཨེལ། ཨ་ཟར་ཡཱ་བཞི་ནི་ཡ་ཧུ་དཱའི་བུ་རྒྱུད་ཡིན།
[7] འོན་ཀྱང་བློན་པོ་ལྟ་རྟོག་པས་ཁོ་ཅག་ལ་མིང་བརྗེས་པ་འདི་ལྟ་སྟེ། དཱ་ནེ་ཨེལ་ལ་པེལ་ཏེ་ཤཱ་ཙར་དང་ཧ་ནན་ཡཱ་ལ་ཤད་རག་དང་། མེ་ཤཱ་ཨེལ་ལ་མེ་ཤག་དང་། ཨ་ཟར་ཡཱ་ལ་ཨ་བེད་ནེ་གོ་ཞེས་བཏགས་སོ།།
[8] འོན་ཀྱང་དཱ་ནེ་ཨེལ་གྱིས་རང་གི་སེམས་ལ། རྒྱལ་པོའི་ཟས་དང་དེས་བཏུང་པའི་རྒུན་ཆང་གིས་བདག་འབག་པར་མི་བྱ་བར་དམིགས་ནས་བློན་པོ་ལྟ་རྟོག་པ་ལ་ང་ནི་འབག་པར་མི་འདོད་དོ་ཞེས་ཞུས་སོ།།
[9] དེ་བས་དཀོན་མཆོག་གིས་བློན་པོ་ལྟ་རྟོག་པ་དེའི་སེམས་སུ་དཱ་ནེ་ཨེལ་ལ་གདུངས་སེམས་ཆེན་པོ་སྐྱེ་རུ་བཅུག་ནའང་།
[10] བློན་པོ་དེས་དཱ་ནེ་ཨེལ་ལ། ང་ནི་ཁྱོད་ལ་བཟའ་བཏུང་བཀོད་སྒྲིག་བྱེད་མཁན་གྱི་རྒྱལ་པོ་དེ་ལ་འཇིགས་པས། གལ་ཏེ་ཁོས་ཁྱོད་ཀྱི་ལུས་ཟུངས་ན་མཉམ་གཞན་དག་ལས་ཞན་པར་མཐོང་ན་དོན་ཅི་ཞིག་འབྱུང་སྲིད་དམ། ངའི་མི་ཚེ་ཧྲིལ་པོ་རྒྱལ་པོའི་མདུན་ནས། གཉེན་ཁར་གྱར་བ་ཁྱོད་རང་འཐད་པ་ཡིན་ནམ་ཞེས་སྨྲས།
[11] བློན་པོ་དེས་དཱ་ནེ་ཨེལ་དང་ཧ་ནན་ཡཱ། མེ་ཤཱ་ཨེལ་དང་ཨ་ཟར་ཡཱ་བཞི་ལ་ལྟ་རྟོགས་བྱེད་དུ་བསྐོས་པའི་འགོ་པ་དེར་དཱ་ནེ་ཨེལ་གྱིས་འདི་སྐད་དུ།
[12] ཁྱེད་ལ་རེ་ཞུ་བྱེད་རྒྱུ་ནི། ཉིད་ཀྱིས་ཞམ་འབྲང་པ་ངེད་ཅག་ལ་ཉིན་ཞག་བཅུའི་རང་གི་འཚོ་བཞེས་སུ་སྔོ་ཚོད་ཀྱི་ཟས་དང་ཆུ་གཙང་མོ་འཐུང་དུ་ཐོངས་ཤོག་ལགས།
[13] དེ་ནས་ཁྱེད་ཀྱིས་མཐོང་བ་ལྟར་ང་ཚོའི་ལུས་ཟུངས་དང་རྒྱལ་པོའི་ཕོ་བྲང་ལས་ཟས་ལ་རོལ་མཁན་གྱི་གཞོན་ནུ་ཚོའི་ལུས་ཟུངས་གཉིས་གོ་ཞིག་བསྡུར་ཏེ་ཐག་གཅོད་བྱ་རོགས་ཞེས་པ་ན།
[14] བཏོན་པའི་བསམ་འཆར་དེ་ལ་འགོ་པ་འཐད་པ་བྱུང་ཞིང་ཉིན་ཞག་བཅུའི་རིང་ལ་ཚོད་ལྟ་བྱས་སོ།།
[15] མཐའ་མའི་ཉིན་བཅུ་བ་རུ་དེ་དག་གི་ངོ་མདངས་དང་ལུས་ཟུངས་ཇེ་རྒྱས་སུ་འོང་སྟེ་རྒྱལ་པོའི་ཟས་ཟོས་པའི་གཞོན་ནུ་གཞན་དག་ལས་ཤ་མདངས་ཡག་པར་གྱུར་ཏོ།།
[16] དེ་བས་འགོ་པ་དེས་དེ་དག་གི་ཟ་སྐལ་དང་བཏུང་བྱའི་རྒུན་ཆང་ཐམས་ཅད་མཚམས་བཞག་སྟེ་སྔོ་ཚོད་བཟའ་བཏུང་དུ་བྱིན་ཏོ།།
[17] དེའང་དཀོན་མཆོག་གིས་གཞོན་ནུ་བཞི་བོ་དེ་དག་ལ་ཤེས་ཡོན་གནང་ཞིང་རྩོམ་རིག་ལ་མཁོ་བའི་ཤེས་རབ་ཀྱི་རྩལ་སྣ་ཚོགས་ཕུད་པ་དང་དཱ་ནེ་ཨེལ་གྱིས་རྨི་ལམ་དང་ཞལ་གཟིགས་སྣ་ཚོགས་གསེད་བཀྲོལ་བྱེད་ཐུབ་པའོ།།
[18] དེར་རྒྱལ་པོས་བཀའ་ཕབ་པའི་དུས་སུ་སླེབས་པ་ན། བློན་པོ་ལྟ་རྟོག་པས་དེ་དག་ནེ་བོ་ཀད་ནེ་ཙར་གྱི་མདུན་དུ་ཁྲིད་དོ།།
[19] རྒྱལ་པོས་དེ་དག་དང་གླེང་མོལ་བྱས་པ་ན། དེ་དག་ཀུན་གྱི་ཁྲོད་ན་དཱ་ནེ་ཨེལ་དང་ཧ་ནན་ཡཱ། མེ་ཤཱ་ཨེལ། ཨ་ཟར་ཡཱ་བཞི་དང་འདྲ་བ་ཞིག་མ་མཐོང་བས་ཁོ་རྣམས་རྒྱལ་པོའི་བློན་པོ་སྟེ་ཞབས་ཕྱི་རུ་བསྐོ་བཞག་བྱས་སོ།།
[20] རྒྱལ་པོ་རང་དཀའ་ཁག་ལ་འཕྲད་དུས་ཤེས་རབ་ཅན་དང་བློ་གྲོས་མཁན་ཚོས་རོགས་བྱེད་པར་དྲི་བ་མང་པོ་བཏོན་པས། ཁོ་ཚོ་ནི་ཡུལ་དེའི་སྒྱུ་མ་མཁན་དང་། རྩིས་པ་ཐམས་ཅད་ལས་ལྡབ་བཅུ་ཕྲག་དུ་མས་མཁས་པར་ཐོན་སོང་།
[21] དཱ་ནེ་ཨེལ་ནི་རྒྱལ་པོ་ཀོ་རེས་ཀྱི་ལོ་དང་པོའི་བར་དུ་གནས་པར་གྱུར་ཏོ།།