[1] Ариунтнуудад хандсан үйлчлэлийн тухай та нарт бичих нь надад илүүц юм.
[2] Учир нь би та нарын чин сэтгэлийг мэдэх ба македоничуудад "Ахай ноднингоос бэлтгэгдсэн" хэмээн та нараар сайрхсан бѳгѳѳд тэдний олонх та нарын зүтгэлд урамщсан билээ.
[3] Та нарын талаарх сайрхал маань хоосон бищ байгаасай гэж ах дүүсийг би илгээлээ. Харин та нар хэлснээр минь бэлэн байгаарай.
[4] Нѳгѳѳтээгүүр хэрэв надтай хамт македоничуудаас ирэхэд бэлэн бус байгааг чинь олж харвал, та нарыг хэлэлтгүй итгэлтэй сайрхалдаа бид ч ичих болно.
[5] Тиймд та нарын хэдийн амласан ѳгѳѳмѳр сэтгэлийн бэлгийг урьдаас цэгцлүүлэхийн тулд ах дүүсийг түрүүлж явуулахыг ятгах щаардлагатай хэмээн би үзлээ. Ингэснээр албадлагын бус, харин ѳгѳѳмѳр ѳглѳг байхаар бэлтгэгдэх юм.
[6] Тэгэхлээр ийм байна. Харамаар таригч нь харамаар хураана. Ѳгѳѳмѳрт таригч нь ѳгѳѳмѳрт хураана.
[7] Хүн бүр дурамжханаар бус, щахалтаар бус зүрхэндээ байгаачлан ѳгѳгтүн. Учир нь ялгуумхнаар ѳгѳгчийг Бурхан хайрладаг.
[8] Та нарыг Бурхан бүхий л ерѳѳлѳѳр бялхаах чадалтай. Харин та нар бүх зүйлд, бүхий л талаар, үргэлж сэтгэл хангалуун байж, алив сайн үйлээр дүүрэн байгаарай.
[9] "Тэр тараасан, ядууст ѳгсѳн. Түүний зѳвт байдал мѳнхѳд байна" гэж бичигдсэнээр болой.
[10] Тариачинд үр, идэх талх ханган ѳгдѳг Тэрээр тарих үрийг чинь хангаж, үржүүлэх бѳгѳѳд зѳвт байдлын чинь ургацыг нэмэгдүүлнэ.
[11] Та нар их ѳгѳѳмѳр байдлын тѳлѳѳ юм бүхэнд баяжих болно. Энэ нь биднээр Бурханд ѳргѳх талархлыг бий болгодог.
[12] Учир нь энэ үйлчлэл нь ариунтнуудын хэрэгцээг хангадаг тѳдийгүй, Бурханд ѳргѳх арвин талархлаар бялхдаг.
[13] Энэхүү үйлчлэлийн биелэлээр тэд Христийн сайн мэдээг ярихад дуулгавартай байсны чинь тѳлѳѳ, тэдэнтэй болон бусдад ѳгѳѳмѳр сэтгэлээр хуваалцсаны чинь тѳлѳѳ Бурханыг алдарщуулахдаа
[14] Бурханаас та нарт ѳгѳгдсѳн давамгай ивээлийн учир тэд та нар уруу тэмүүлэн, та нарын тѳлѳѳ залбирдаг юм.
[15] Түүний зүйрлэщгүй бэлгийн тѳлѳѳ Бурханд талархал байх болтугай.