[1] “Oi yung sṳ̍p-puk chong-man cho sṳn-chong-phùng. Liá-têu chong-man oi yung mà-sâ lâu làm-set, chṳ́-set, chhṳ̂m-fùng set ke phong-sien lòi-chhiak, yu-oi yung yu-siu ke sú-kûng siu kî-lu-pak ke thù-on.
[2] Mî-yit puk thai-se siông-thùng, chhòng sṳ̍p-ngi kûng-chhak, fat lióng kûng-chhak.
[3] Oi chiông ńg-puk liòn khiung-ha, sàng-cho yit-chû, nang-ngoi ńg-puk ya he án-ngiòng.
[4] Mî-yit chû chong-man ke chui-mî yit-puk piên oi liòn làm-set ke néu-phan.
[5] Oi chiông ńg-sṳ̍p chak néu-phan liòn chhai thi-yit chû ke thèu-puk, nang-ngoi ńg-sṳ̍p ke néu-phan liòn chhai thi-ngi chû ke chui-mî yit-puk.
[6] Oi chho ńg-sṳ̍p chak kîm kiêu-é, chiông lióng-chû chong-man lièn khiung-ha, sàng-cho kûi-te chong-phùng.
[7] “Oi yung sân-yòng-mô chhiak sṳ̍p-yit puk chong-man lòi-cho sṳn-chong-phùng ke phùng-táng.
[8] Mî-yit puk thai-se siông-thùng, chhòng sṳ̍p-sâm kûng-chhak, fat lióng kûng-chhak.
[9] Oi chiông ńg-puk liòn khiung-ha, sàng-cho yit-chû, khì-thâ liuk-puk nang-ngoi cho yit-chû. Oi chiông thi-liuk puk chap-cho lióng-chhèn, chhui chhai sṳn-chong-phùng ke chṳn-mien.
[10] Thi-yit chû chong-man chui-mî yit-puk ke piên oi liòn ńg-sṳ̍p ke néu-phan, nang-ngoi yit-chû ke piên ya oi liòn ńg-sṳ̍p ke néu-phan.
[11] Oi cho ńg-sṳ̍p chak thùng kiêu-é, kiêu-tén néu-phan, chiông lióng-chû chong-man lièn hí-lòi, sàng-cho kûi-te phùng-táng.
[12] Oi chiông chhûn-tó ke pan-puk chhui chhai sṳn-chong-phùng ke heu-poi.
[13] Lióng-phién chong-man chhûn-hâ ke ńg-sṳ̍p kûng-fûn chhui chhai sṳn-chong-phùng ke lióng-phién, chiông sṳn-chong-phùng châ-hó.
[14] “Oi chai chho lióng-te phùng-táng, yit-te yung ngiam-fùng ke yòng-kú-phì cho ke, nang-ngoi yit-te yung chhin-chiâng ke phì-liau, cho chui ngoi-chhèn ke táng-koi.
[15] “Oi yung kîm-ha̍p-fôn-muk chho tap sṳn-chong-phùng ke kut-ka.
[16] Tak-kî kut-ka kô si kûng-chhak, fat liuk-sṳ̍p liuk kûng-fûn,
[17] kok-yû lióng-ke sún-thèu, yung-lòi lièn-chiap kut-ka. Só-yû ke kut-ka chhiòn-phu yû liá sún-thèu.
[18] Oi chhai sṳn-chong-phùng ke nàm-phién cho ngi-sṳ̍p kî kut-ka,
[19] ka-tái yû si-sṳ̍p chak ngiùn-chho, tak-kî kut-ka yû lióng-chak ngiùn-chho lòi ku-thin.
[20] Sṳn-chong-phùng ke pet-phién ya oi yû ngi-sṳ̍p kî kut-ka,
[21] lâu si-sṳ̍p chak ngiùn-chho, tak-kî kut-ka tái-hâ lióng-chak ngiùn-chho.
[22] Oi chhai sṳn-chong-phùng ke heu-poi, chhiu-he phùng ke sî-phién, chho liuk-kî kut-ka;
[23] lióng-thèu lióng-chak chón-kok oi kâ lióng-kî kut-ka,
[24] chón-kok lióng-kî kut-ka ke hâ-poi siông lièn-chiap, yit-chhṳ̍t lièn-to táng-thèu, sàng-cho yit-chak chón-kok; lióng-chak chón-kok ke lióng-kî kut-ka chhiòn-phu he án-ngiòng lièn-cho yit-ha.
[25] Yit-khiung oi-yû pat-kî kut-ka lâu sṳ̍p-liuk chak ngiùn-chho, mî-yit kî kut-ka tái-hâ kok-yû lióng-chak ngiùn-chho.
[26] “Oi yung kîm-ha̍p-fôn-muk chho sṳ̍p-ńg kî vàng-kong; sṳn-chong-phùng yit-phién ke kut-ka yû ńg-kî vàng-kong,
[27] nang-ngoi yit-phién ńg-kî; phùng ke heu-poi, chhiu-he phùng ke sî-phién, ya-yû ńg-kî.
[28] Chûng-kiên ke vàng-kong ôn chhai kut-ka pan tûng-ông, oi tui phùng ke liá-thèu thûng-to nang-ngoi ke-thèu.
[29] Oi yung kîm pâu-tén kut-ka, yu oi ôn kîm khiên-é, pûn vàng-kong chhôn-ko; vàng-kong ya oi yung kîm pâu-tén.
[30] Oi cheu Ngài chhai sân-táng chṳ́-sṳ ngì ke yong-sṳt chiông sṳn-chong-phùng li̍p hí-lòi.
[31] “Oi yung mà-sâ lâu làm-set, chṳ́-set, chhṳ̂m-fùng set ke phong-sien lòi-chhiak yit-puk chong-man, táng-kô oi yung yu-siu ke sú-kûng siu kî-lu-pak ke thù-on.
[32] Oi chiông liá chong-man koa chhai si-kî yung kîm-ha̍p-fôn-muk chho-sṳ̀n ke chhû-é táng. Chhû-é yung kîm pâu-tén, chhû-é táng yû kîm kiêu-é, chhû-é ôn chhai si-chak ngiùn-chho táng.
[33] Oi chiông chong-man koa chhai sṳn-chong-phùng táng ke-yit lie̍t kiêu-é, chiông piong lióng-te sa̍k-pán ke yok-khui piong chhai chong-man heu-poi. Liá chong-man oi chiông sṳn-só lâu chṳ-sṳn-só kak-khôi.
[34] Oi chiông su̍k-chhui ke koi-é ôn chhai chṳ-sṳn-só nui ke yok-khui táng-kô,
[35] chiông kiûng-chok piong chhai chṳ-sṳn-só ngoi sṳn-chong-phùng ke pet-phién, chiông tên-thòi ôn chhai sṳn-chong-phùng ke nàm-phién, pí-chhṳ́ tui-tén.
[36] “Oi yung mà-sâ lâu làm-set, chṳ́-set, chhṳ̂m-fùng set ke phong-sien, yung siu-fâ ke sú-kûng, vi sṳn-chong-phùng mùn-héu lòi-chhiak yit-puk mùn-liàm.
[37] Oi yung kîm-ha̍p-fôn-muk vi mùn-liàm chho ńg-kî chhû-é, yung kîm pâu-tén, táng-kô yû kîm kiêu-é; yu-oi vi chhû-é chu-chho ńg-chak thùng-chho.”